SAN MATEO 5:6 - Enhlit Bible

⁶ ‘Apquilinyejemoc anco enlhit apquilmayjayo actemaclha acpeyvomo, malha mayc alnapma najan acnim alnapma. Dios Ingyapam sat epasmoc yoyam ellhovangvomoc.

SAN MATEO 5:6 Iomraidhean Croise

SALMOS 107:9

Aptomjac singmescama ningyam naysicsa acnim singajem. Aptomja singmescama nintom naysicsa mayic singajem.

SALMOS 145:19

Apjalhnoc mataa ningilmalhnancama ningiltomja ningilayo. Jingilpasmoc sat mataa, jingvomsic sat tap.

SALMOS 17:15

Coo eyca actamila evalhoc. Otac sat lhip napaat. Olhic sat napato lhip natamin siclhaticjay.

SALMOS 63:5

Copayjiclhac sat evalhoc, malha naysicsa sictom actamila anco. Otnejic sat siyayo lhip acyiplomo acpayjayclha evalhoc.

SALMOS 65:4

Ningilinyejemoc anco nincoo singilyacyescama. Singnalayclha apnaclha lhip, yoyam ongnam lhip tingma pac apponquinomap. Ipayesiclha sat ingilvalhoc ningvita sat asoc altamila congne tingma apponquinomap.

SALMOS 84:2

Inquilipvocmec mataa evalhoc. Avanjec mataa aclhanma evalhoc tingma apponquinomap apmaclha lhip. Actimec coo siyayo lhip ayinyema evalhoc coo. Siyayo lhip aptomja apyimnatescama ingnenyaoc.

PROVERBIOS 10:24

Ningillhocac asoc aclhanma ingvalhoc, acyitna inlhojo acpeyvomo ingvalhoc. Yitnec sat ancoc apcay enlhit apmapsom, elngamcojoc sat acmasom.

PROVERBIOS 21:21

Nintingyac sat ancoc nintemaclha acpeyvomo, colhic sat singaco, colhic sat ningyimnatem.

LOS CANTARES 5:1

Lhiya eyalhing, lhiya sicponcanma. Acvoctac coo ayimjaclha ninganma. Acliquic coo yamit mirra najan asoc acmasis. Actovquic coo pa'pac yamyovjene. Acyinquic coo uva ayingmenic najan leche. ¡Quellhip enaymacoc, eltovaoc sat quellhip, elyinaoc sat apquiltamjoclha elyinamcoc!

ISAÍAS 25:6

Apquillanescasquic nintom actamila tingma Jerusalén Visqui ingac Apyimtalhnamo. Eltasomoc sat enlhitaoc lhalhma anco nintom actamila anco, acyiplomo uva ayingmenic actamila. Eltasomoc sat nintom actamila, acmasis anco, acyiplomo uva ayingmenic acmasis.

ISAÍAS 41:17

Apquilquitamquic yingmin apyinaycaoc enlhit mepqui asoc. Inyamacac mataa apatong ayinyema mepqui yingmin. Coo sicvisay Dios Apvisqui apancaoc. Ongvaylhojoc sat mataa coo selmalhnaycam quellhip. Moyinyovejec sat mataa.

ISAÍAS 44:3

Oyanquincajac sat yingmin yoclhilhma acyamacoclhilhma. Otipsic sat vatsam acyamayo lhopactic. Opquinic sat Espíritu ajanco apquilvalhoc apquitquic. Ovaticjapsic sat aptovana quilhvoc appaliyam.

ISAÍAS 65:13

Eycaso sicpayvam Dios: —Naso, eltovamcoc sat selancam. Mayic sat colnapoc quellhip. Naso, elyinamcoc sat selancam. Acnim sat colnapoc quellhip. colpayjiclhac sat apquilvalhoc selancam. Elvennacpoc sat quellhip.

ISAÍAS 66:11

Elyipcanmojoc sat aptoycaoc quellhip cotlaycaoc asoc acvisay actamilquisquiyam ingvalhoc. Malha sicaa actom neme sat cotnejic.

JEREMÍAS 31:25

Olmesic sat aptoycaoc mepqui apquilsovjomo, najan apyinaycaoc enlhit apquilyampay najan melyimnatem — alhta aptomjac Dios.

SAN LUCAS 1:53

Altamila asoc apquilyipcanimcasac enlhit alnapma mayc. Mepqui asoc apquilmaycam apquilapajasac enlhit ningilnatam inyap.

SAN LUCAS 6:21

Apquilinyejemo nac quellhip quilhvo alnapma mayc. Elyipcanmiclhac sat quellhip. Apquilinyejemo nac quellhip quilhvo apquilyapcalhem. Elictingmam sat quellhip.

SAN LUCAS 6:25

Quellhip layi quilhvo apquilyipcanyam. Mayc sat incolnapoc quellhip. Quellhip layi quilhvo apquilictingmaycam. Elinlhamam sat quellhip, elyapcalhic sat najan.

SAN JUAN 4:14

Mejingajiclhejec sat mataa acnim ningiltomja ningyam yingmin ayinyema sicmescama coo. Eycaso yingmin sicmescama coo cotnejic sat actiyapmaclha mataa yingmin ingvalhoc ingac. Yoyam colhic sat acyimnatem ingnenyaoc cotmongvoycamlha nelha —alhta aptomjac.

SAN JUAN 6:27

Noeltingya nasa quellhip nintom anco as nalhpop. Eltingya sat quellhip nintom actomja acyimnatescama ingnenyic cotmongvoycamlha nelha. Evanquic olmesic quellhip as nintom. Ayinyemaclha coo sicvisay Sictiyam Sictomja Enlhit. Dios Ingyapam aptomja selcajascama sictomja Apquitca —alhta aptomjac.

SAN JUAN 7:37

Invocmec alhta acnim actamila anco actomjaclha nelha caya. Yejemoc alhta apquinmaclho netin Jesús. Apyimnatasquic alhta appayvam: —Apquilyamacac sat ancoc quellhip, jelyota coo.

EL APOCALIPSIS 7:16

Colnapejec sat mataa mayc. Colnapejec sat mataa acnim. Melngamquejec sat mataa acmajat. Melacyejec sat mataa acmajat.