SAN MATEO 5:5 - Enhlit Bible

⁵ ‘Apquilinyejemoc anco enlhit apquiltamilcasomacpo apanco. Ellhovac sat asoc, Dios Ingyapam yoyam elmesic.

SAN MATEO 5:5 Iomraidhean Croise

SALMOS 147:6

Apyimnatesquic mataa apquilvalhoc, acyitna inlhojo conjamalhca apquilvalhoc. Aptovasacpec mataa enlhit apyimtalhnesomacpo apanco.

SALMOS 149:4

Visqui ingac aptomja apquilasicjayo apnaymacoc. Aptimec apquilayo melyimtalhnamo.

SALMOS 22:26

Eltovamcoc sat mataa actomja actamilaycam apquilvalhoc. Elyipcanmoc sat. Elpayicsojoc sat Visqui ingac apquiltomja apquilquitamsama siclho. Colhic sat acyimnatem apnenyaoc cotmongvoycamlha nelha.

SALMOS 25:13

Copayjiclhac apvalhoc apvita actamila ayinyema Visqui ingac. Ellhocac sat yoclhilhma aplhamoclhojo aptovana.

SALMOS 25:9

Innec allhicmosa actemaclha acpeyvomo enlhit mepqui ayajamalhco apquilvalhoc. Innec allhicmosa aptemaclha Visqui ingac.

SALMOS 37:11

Ellhocac sat yoclhilhma enlhit apquilinlhanyam. Elinyojoc sat ayinyema actamilaycam apquilvalhoc.

SALMOS 37:22

Ellhocac sat yoclhilhma apquiltomja appasmom Visqui ingac. Enatovasacpoc sat apquilmapsomcaa ayinyema Visqui ingac.

SALMOS 37:29

Elmiclhac sat yoclhilhma enlhit apquilpeyvomo. Elhnam sat maa cotmongvoycamlha nelha.

SALMOS 37:34

Itne sat mataa apcayo Visqui ingac. Iyiplovcasojo aptemaclha Visqui ingac. Emyovacpoc sat lhip, emiclhac sat yoclhilhma. Etac sat lhip actemaclha apquilantipsomap enlhit apquilmapsomcaa.

SALMOS 37:9

Naso, elantipsacpoc sat apquilmapsomcaa. Ellhovac sat yoclhilhma apquiltomja apquilayo Visqui ingac.

SALMOS 69:32

Colpayjiclha sat apquilvalhoc, apquilvita inlhojo acjalhemalhca apquilvalhoc. Covascapoc sat apquilvalhoc apquiltingyey aptemaclha Dios.

ISAÍAS 11:4

Etnesquisic sat apquilpeyvomo enlhit melyimnatem najan mepqui apquilnatam apnaycam yoclhilhma. Appayvam apanco apvisqui actomja acyanmongsayclha aptemaclha apanco apmapsom. Apvatipnapma apanco apvisqui actomja alnapma apquilmapsomcaa.

ISAÍAS 29:19

Elitsovacsojoc sat enlhit conjamalhca apquilvalhoc ayinyema Visqui ingac. Elitsovacsojoc sat mepqui apquilyimtalhnamo, aplhenacpo Dios mayayo aptomja apyimtalhnamo nipyesicsa israelitas.

ISAÍAS 60:21

Elyiplovcasojoc sat siyanamaclha apyovoclhojo enlhitaoc, melantipsacpejec sat mataa apquileyvomaclha. Ellhojoc sat ayimjaclha ninganma, ayinyema siyinayclha alhta coo. Coo alhta silantipquiscama, yoyam colhic seyaco gloria ajanco.

ISAÍAS 61:1

Aptomjac nic nat profeta aplingascama: Apnec evalhoc coo espíritu apanco Dios. Eyapajasquic alhta Dios nipyesicsa mepqui apquilnatam, olngacsic tasic amyaa. Nipyesicsa apquilmapyovseca, yoyam oltamilquiscomoc apquilvalhoc. Nipyesicsa apquilmomap, yoyam colhic acyamyeclho mocjam. Nipyesicsa apnaycam singilpilhtetomaclha, yoyam colhic acyamyeclho mocjam.

SOFONÍAS 2:3

Eltingya sat quellhip Dios Visqui ingac, quellhip mepqui ayajamalhco apquilvalhoc, apquiltomja apquilyajayquiclho singanamaclha. Elyiplovcasojo actemaclha acpeyvomo najan actamilaycam apquilvalhoc. Elvitac sat quellhip apquilyilhanmeycam, acvaa inlhojo acnim apanco najan aplom apanco Dios Visqui ingac.

NÚMEROS 12:3

Naso, mepqui ayajamalhco apvalhoc Moisés, am elhno poc enlhit.

SAN MATEO 11:29

Elpatmiclha sat yispaoc ajac sicmescama quellhip, yoyam elyinyovacsic. Elyasingvom sat sictemaclha ajanco. Actamilaycam evalhoc najan cajamalhco evalhoc coo. Comascoc sat alyajapmo apquilvalhoc.

SAN MATEO 21:5

Eliltimnasquiclha sat enlhitaoc tingma Sión: “Quip elanojo, apquilhyacmec quellhip Visqui apancaoc. Mengyajamacpo apanco. Apquinamtem yamelyeyjaycoc ayitcoc. Acmovan colpatmam inyapmoc” —nic nat intomjac appayvam.

ROMANOS 4:13

Aplhenquic nic nat Dios actomja nasoc anco yoyam emquesic sat Abraham aclhamoclhojo asoc nalhpop. Yoyam najan elmesic aplhamoclhojo aptovana niptamin, malha ningillhoy ingilyap apquilnatam. Eycaso aplhanma ilhnic nat Dios ayinyema actemaclha meyasquiyam Abraham mepqui apyiplovquiscama singanamaclha. Aptimesacpec nic nat appeyvomo Abraham napato Dios.

GALATAS 5:23

Najan actemaclha mepqui ningyimtalhnesomalhco inganco najan actemaclha ningiltamilcasomalhco inganco. Am coyitnac lhama singanamaclha yoyam conmelham as asoc.

EFESIOS 4:2

Elyiplovquis sat mataa actemaclha mongilyimtalhnesomalhco inganco najan actemaclha ningasicjayo. Eltamilsojo apquilvalhoc nipyesicsa quellhip. Elasicjacpojo nipyesicsa quellhip.

COLOSENSES 3:12

Quellhip apquiltomja Dios apquilyacyescama aptomja apquilasicjayo. Elpiquin sat apquilvalhoc alhnancoc actemaclha actamila. Actemaclha ningamliyam najan actemaclha ningiltamila najan actemaclha conjamalhca ingvalhoc najan actemaclha actamilaycam ingvalhoc najan actemaclha ningilinlhanyacmo.

1 TIMOTEO 6:11

Lhip Timoteo, aptomja lhip Dios apquitca. Ingyavojo sat lhip aclhamoclhojo acmasom aclhenomalhca. Itne sat malha ningyinyem. Iyiplovquis actemaclha acpeyvomo najan actemaclha ningayo Dios najan actemaclha mongyasquiyam najan actemaclha ningasicjayo najan actemaclha ningilinlhanyam najan actamilaycam ingvalhoc.

2 TIMOTEO 2:25

najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco.

TITO 3:2

Noelane nasa elantipsam apquilvisay poc. Noelane nasa elatingmacpoc poc. Incaymalhquic coytic actamilaycam apquilvalhoc najan yoyam elasicjojo enlhitaoc lhalhma anco.

SANTIAGO 1:21

Elvatsaoc sat altamongvayclholhma apquilpayvam najan apquiltemaclha almasomcaa. Colma apquilvalhoc Dios appayvam acpiquenomalhca quellhip apquilvalhoc, malha actic mayinayclha. Apvanquic Dios appayvam colvomsic tap quellhip.

SANTIAGO 3:13

¿Apne ya lhama enlhit nipyesicsa quellhip aptomja apyascamco? Itascasojo sat lhip aptemaclha apyiplovquiscama najan aptemaclha aptamilcasomacpo apanco. Cotalhcac sat mepqui ayajamalhco apvalhoc lhip ayinyema aptemaclha apyascamco.

1 SAN PEDRO 3:15

Collhen sat mataa apquilvalhoc Cristo aptomja Visqui ingac. Elpenacsojo sat elyasamcojo quellhip. Apquilmalhnacpec sat ancoc quellhip actemaclha melyasquiyam acyitna apquilvalhoc, elatingmojo sat mataa. Eltamilsojo sat apquilvalhoc naysicsa apquilatingmaycam.

1 SAN PEDRO 3:4

Incaymalhquic colnalhimsic avalhaoc quellhiya actemaclha actamila ingvalhoc najan mepqui actamjaycam ingvalhoc. Eycaso apyisponcama Dios, malha asoc acmamnave anco yoyam cotjapejec sat.