SAN MATEO 5:11 - Enhlit Bible

¹¹ ‘Apquilinyejemoc anco enlhit malyamneycam najan mayasquiscama apyimpeoc najan ayajemo malantipquiscama apquilvisay quellhip, coo selyiploycam eyca ayinyemaclha.

SAN MATEO 5:11 Iomraidhean Croise

SALMOS 35:11

Ayajemo apquilantipquiscama sicvisay mepqui sicsilhnanomalhca ajanco.

SALMOS 44:22

Lhip ayinyema moclhama acnim yoyam onticyo. Malha ninatoscama yoyam eticyoc ningiltomja nincoo.

ISAÍAS 25:8

Emascocsic sat Visqui ingac acvisay ningitsepma cotmongvoycamlha nelha. Emascocsic sat Visqui ingac acmayovsa apquilvalhoc enlhit apquiliclhangveycam. Emascocsic sat Visqui ingac aclingaycamco apquilvalhoc lhalhma anco. Eycaso ayinyema appayvam Dios.

ISAÍAS 51:7

Quip elaylhojo quellhip apquilyascamco actemaclha acpeyvomo, apquiltomja apquilyiplovquiscama siyanamaclha. Noela nasa quellhip macvenéycam ayinyema apquilinmelhaycam poc, najan ayinyema apquilasmescama poc.

ISAÍAS 66:5

Aptomjac alhta profeta: —Quip elaylhojo Dios appayvam quellhip apquiltomja apquilayo appayvam. Apquiltanovquic alhta apnaymacoc. Innec alhta actovasa quellhip ayinyema apquillhanma sicvisay. Apquiltomjac mataa apnaymacoc apquilanya quellhip: —Elane sat ongvita actemaclha apyimtalhnamo Dios. Ongvitac sat actemaclha acpayjayclha apquilvalhoc quellhip — alhta apquiltomjac. Enatovasacpoc sat apnaymacoc.

JEREMÍAS 37:14

Apcatingmavoc nic nat Jeremías: —Movan amyaa. Mopalhavomejec sat caldeos cotnaja ingmoc — nic nat aptomjac. Am nic nat ingyajalhnoc Irías. Apmacpec nic nat Jeremías, apyantamacpo apnaclha apquilviscaa apquilyimtalhnamo.

SAN MATEO 10:18

Colhic sat acnalaclho quellhip apnamcaclha yatapquilviscaa najan apquilviscaa, coo sicvisay ayinyemaclha. Ellingacsic sat quellhip sicvisay nipyesicsa metnaja judíos.

SAN MATEO 10:22

Eltanovacpoc sat quellhip lhalhma anco, coo sicvisay ayinyemaclha. Apquilinlhanacmec sat ancoc enlhit actamongvomlha nelha acnim, evomsacpoc sat tap.

SAN MATEO 10:25

Incaymalhquic mallhicmoscama colcojoc apvalhoc apquilinmalhingvoyclha apquillhicmoscama. Incaymalhquic apquilancam colcojoc apvalhoc apquilinmalhingvoyclha apvisqui. Apquiltomjacpec alhta apquilmolhama apyap apvisay Beelzebú, ningiltimem somquic quilyicjamo. Colhic sat najan altomja apmolhama apquilvisay Beelzebú —alhta aptomjac.

SAN MATEO 10:39

Apmiyovquic sat ancoc enlhit apyimnatem apanco, comascoc sat. Am sat ancoc emyavac apyimnatem apanco, coo ayinyema sicmayjayoclha, colhic sat acyimnatem apnenyic —alhta aptomjac.

SAN MATEO 19:29

Apyinyovquic sat ancoc enlhit tingma pac najan apquilyalhinga najan apyap najan inquin najan aptava najan apquitquic najan apquilcaycaoc, coo sicvisay ayinyemaclha, elhcac sat acyanmongam. Elhcac sat aclhamoclhojo asoc. Memasquingvomejec sat cotmongvoycamlha nelha.

SAN MATEO 24:9

‘Natamin elmacpoc sat quellhip. Colhic sat ayasquisa apyimpeoc quellhip. Elticyoc sat quellhip. Eltanovacpoc sat quellhip ayinyema apquillhanma sicvisay.

SAN MATEO 27:39

Apquilyeyesam alhta apcatic enlhit apquilyeycaa mataa. Apquiltovasam alhta mataa apvisay Jesús.

SAN MARCOS 13:13

Eltanovacpoc sat quellhip lhalhma anco, coo sicvisay ayinyema apquiltanoncama. Apquilinlhanacmec sat ancoc enlhit actamongvomlha nelha, evomsacpoc sat tap.

SAN MARCOS 13:9

“Eltamilsacpojo apanco quellhip. Colhic sat acnalaclho quellhip tingma ningyicpilcomalhcoclhilha. Colhic sat alyicpilhquetamco quellhip tingma apcaneyclhilha. Colhic sat najan acnalaclho quellhip apnamcaclha apquilviscaa, coo eyca ayinyemaclha. Ellingas sat quellhip amyaa.

SAN MARCOS 4:17

Mepqui quipmenaoc amyaa apquilvalhoc enlhit. Am elinlhanacmoc mataa. Aplingamco sat ancoc mactovascama najan malminlhinaycam ayinyema tasic amyaa, eyca pa elvatsamcoc actemaclha apquilinlhanyam.

SAN MARCOS 8:35

Ningiltamjoc sat ancoc ongilmiyovsalhcojo inganco, ongillhinganmoc sat. Ningyinyovquic sat ancoc ningmayjayoclha ayinyema Jesús najan ayinyema tasic amyaa, ongmiyovalhcac sat.

SAN LUCAS 21:12

“Yicpintama as asoc elmacpoc sat quellhip. Colhic sat acminlhinamcaa. Colhic sat acnalaclho quellhip tingma apcaneyclhilha, yoyam elyicpilcacpoc. Colhic sat alnescacmo congne singilpilhtetomaclha. Colhic sat najan acnalaclho quellhip apnamcaclha apquilviscaa najan yatapquilviscaa, coo sicvisay ayinyemaclha.

SAN LUCAS 21:17

Eltanovacpoc sat quellhip lhalhma anco, coo ayinyemaclha sicvisay apquiltanoncama.

SAN LUCAS 6:22

Apquilinyejemo nac quellhip apquiltanovacpo inlhojo. Apquiltemaclha enlhit apquiltanoncama quellhip, najan apquilapajascama, najan apquilyamneycam, najan apquilantipquiscama apquilvisay quellhip. Ayinyema sicvisay Sictiyam Sictomja Enlhit.

SAN LUCAS 9:24

Ningiltamjoc sat ancoc ongilmiyovsalhcojo inganco, ongillhinganmoc sat. Ningyinyovquic sat ancoc nintemaclha inganco ayinyema Jesús najan ayinyema tasic amyaa, ongilmiyovalhcac sat.

SAN JUAN 15:21

Eltajanyac sat quellhip aclhamoclhojo as asoc, coo eyca ayinyemaclha sicvisay. Ayinyemaclha am elyicpilcac enlhitaoc coo Tata aptomja seyapajascama.

SAN JUAN 9:28

Apquilnatjavoc alhta judíos. Apquiltomjac alhta apquilanya: —Lhip eyca aptomja apyiploycam as enlhit. Nincoo eyca ningyiploycam Moisés.

LOS HECHOS 9:16

Olhicmocsic sat actemaclha ayasquiscama apyimpejic ayinyema apsoycam sicvisay —alhta aptomjac.

ROMANOS 8:36

Acno actemaclha ilhnic nat Dios appayvam actalhesomalhca: Ninticyovquic mataa nincoo aclhamoclhojo acnim, ayinyema lhip apvisay aptomja Visqui ingac. Malha nipquesic ningiltomjac nincoo yoyam onticyo —nic nat intomjac.

1 CORINTIOS 4:10

Malha ayanem jingiltimescasac enlhit ayinyema ninlhanma apvisay Cristo. Quellhip eyca apquillhenacpo apanco apquilyascamco ayinyema Cristo. Inmasquec nincoo ningilyimnaa, quellhip eyca apquiltomja apquilyimnatem. Ningilvinalhquic nincoo nipyesicsa enlhitaoc. Innec mataa alaco quellhip.

2 CORINTIOS 4:11

Inquitlhincasquic mataa ongitsapoc naysicsa ningileyvam ayinyema ninlingascama apvisay Jesús. Yoyam cotalhcac sat actemaclha acyimnatem apnenyic Jesús naysicsa coyimnatem ingyimpejic.

FILIPENSES 1:29

Elyasamcojo quellhip: Amamyi anco aclhanma apquilvalhoc quellhip Cristo. Incaymalhquic najan melyascomoc mataa quellhip. Incaymalhquic najan colhic ayasquisa apyimpeoc quellhip ayinyema apvisay Cristo.

1 SAN PEDRO 2:23

Innec alhta acvinamcaa Cristo, am alhta eyca ingyatingmavoc. Aplingamcoc alhta acmasca, am alhta eyca elhenac yoyam eyanmongsiclha. Inlhenquic alhta eyca apvalhoc Dios aptomja appeyvomo, aptomja apquilyicpilquemo apquiltemaclha.

1 SAN PEDRO 4:14

Apquiltanovacpec sat ancoc quellhip ayinyema apvisay Cristo, colpayjiclha sat apquilvalhoc. Ayinyemaclha aplhalhma sat etnejic Dios Espíritu apanco aptomja apyimtalhnamo.

EL APOCALIPSIS 2:3

Apquilinlhanacmec alhta lhip aplhanma sicvisay naysicsa aplingaycamco acyimtalhnama. Am alhta eyampac naysicsa aptamjaycam.