SAN MATEO 4:9 - Enhlit Bible

⁹ Intomjac alhta yavey ayanya Jesús: —Apquilticlhiquic sat ancoc aptapnaoc sicnaclha. Epayasoc sat ancoc lhip, olmesic sat aclhamoclhojo asoc —alhta intomjac.

SAN MATEO 4:9 Iomraidhean Croise

SALMOS 72:11

Elilyejiclhojoc sat apyovoclhojo apquilviscaa (elticlhic aptapnaoc). Eltimesam sat apyovoclhojo enlhitaoc lhalhma anco.

PROVERBIOS 8:15

Coo ayinyema acyascamco apquilvalhoc apquilviscaa reyes, najan acyascamco apquilvalhoc apquiltamjaycamó lhama apquilviscaa.

DANIEL 4:32

Eyinyovacpoc sat lhip, yoyam epalhavomoc lhip asoc navjac najan ninatoscama. Etoc sat lhip paat, acno actom vayqui. Cotnejic sat acvaycmo siete años. Eyicpilcangvomoc sat lhip apmopvan apanco Dios apna netin. Apyimtalhnamo apanco nipyesicsa enlhitaoc apyovoclhojo as nalhpop. Apvanquic etnesquisic apvisqui apjalhnancoc, apvanquic elvatesquisic aptimem apvisqui, acno aclhanma apvalhoc apanco — nic nat intomjac amyaa ayinyema netin.

SAN MATEO 26:15

Aptomjac alhta Judas apquilanya: —¿Co sat acvam jeyamcoc acyanmongam siyanem emacpoc Jesús? —alhta aptomjac. Apquilyipsatquic alhta treinta solyayem alyiviy.

SAN MATEO 4:10

Apcatingmavoc alhta Jesús: —¡Conyi Satanás! Eycaso acyitna actalhesomalhca: “Ilticlhic aptapnaoc ipayicsojo Dios lhip Visqui pac. Ilanam sat apvamlha pac” —alhta aptomjac.

SAN JUAN 12:31

Quilhvoc olyicpilcojo apquiltemaclha enlhit lhalhma anco. Quilhvoc sat colhic actipsa avisqui ac as nalhpop.

SAN JUAN 14:30

‘Inmasquec quilhvo sicpamejitquiscama quellhip. Inlhingacmec quilhvo avisqui ac as nalhpop, eyca paj acmovan tecjelhit yoyam oyiplovjoc (yoyam jesilhnana).

SAN JUAN 16:11

Intovasalhquic nalhpop avisqui ac —acvisay apyicpilquemo Dios Ingyapam, yoyam elyicpilcojo apquiltemaclha apancaoc.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

1 TIMOTEO 3:6

Copvanquejec etnejic apquimja apmamyi aptomja quilhvo apyanmonquiscama apvalhoc. Ayinyemaclha apyimtalhnesomacpo apanco sat etnejic. Etvasacpoc sat acno siclho anco nic nat yavey diablo.

EL APOCALIPSIS 19:10

Alpolintac alhta nalhpop apquinmamcaclha ángel yoyam opayicsojo. Aptomjac alhta seyanya ángel: —Notne nasa. Coo najan sictimem silancamo lhama Dios. Acno coo lhip najan apquilyalhinga apquiltomja apquillingascama amyaa ayinyema Jesús. Ipayicsojo sat lhip Dios. Ayinyemaclha apquillingasquic mataa amyaa ayinyema Jesús apquiltomja Dios apquillingascama —alhta aptomjac ángel.

EL APOCALIPSIS 19:16

Yitnec actalhesomalhca apcalomap niplhit avjaoc apyavaoc actemaclha apvisay apanco: “Visqui apanco nipyesicsa apquilviscaa”.