SAN MATEO 4:7 - Enhlit Bible

⁷ Apcatingmavoc alhta Jesús: —Yitnec najan actalhesomalhca: “Noyipcon nasa Dios lhip Visqui pac” —alhta aptomjac.

SAN MATEO 4:7 Iomraidhean Croise

SALMOS 106:14

Payjoc maa yoclhilhma actamopeycaoc apquilyipcona Dios Visqui ingac. Apquililtamjoc nic nat ingyajalhnoc Dios actemaclha ayitsepma apnenyaoc.

SALMOS 78:18

Apquilyipconquic nic nat Dios, memyovejec sat lhaja nintom. Apquilanayquic nic nat nintom actamila yoyam elyacyecsic.

SALMOS 78:41

Apquiltovasquic nic nat mocjam apvalhoc Dios ayinyema apquiltemaclha apancaoc. Aplingamcoc nic nat acmayovsa apvalhoc Dios apyimtalhnamo.

SALMOS 78:56

Am nic nat elyiplovcasac mocjam apcanamaclha Dios Visqui ingac. Apquilinmelham nic nat Dios apyimtalhnamo ayinyema apquiltemaclha apancaoc.

SALMOS 95:9

Apquilvitac nat inyicje apquilyeyjamcaa actemaclha sictamjaycam simpilapquiscama. Inyiplovcoc nat selyipconma.

ÉXODO 17:2

Apquilinmelham nic nat enlhitaoc napato Moisés. Apquiltomjac nic nat apquilanya: —¡Jingiltingyasquis yingmin! — nic nat apquiltomjac. Apcatingmavoc nic nat Moisés: —¿So actomja yi selinmelha nac coo? ¿So actomja yi apquilyipcona quellhip Dios Apyimtalhnamo? — nic nat aptomjac Moisés.

ÉXODO 17:7

Apquiltimec nic nat acvisay Apquilinmelhaycam, hebreo appayvam Meriba. Najan acvisay nic nat Apquilyipconma Enlhitaoc hebreo appayvam Masah. Apquiltomjac nic nat apquilpamejitsacpo: —¿Apne ya ningyesicsa Dios Apyimtalhnamo? —Paj lhaja — nic nat apquiltomjac.

ISAÍAS 8:20

Colhic sat singiltimnasa amyaa, yoyam ongilyasamcojo — sat cotnejic amyaa. Acyeyjamelhma apquilpayvam sat cotnejic apquiljalhenmo quellhip.

MALAQUÍAS 3:15

Ningvitac mataa apquilitsovascama enlhit ayajamalhco apquilvalhoc. Apquillhocac mataa asoc altamila enlhit apquilmapsomcaa. Apquilyipconquic mataa Dios, elyasamcojo yavamlha etnejic. Am ellingamcoc mataa acyanmongayclha apquiltemaclha apancaoc — alhta aptomjac.

NÚMEROS 14:22

Apquilvitac alhta as enlhitaoc gloria actemaclha sicyimtalhnamo. Apquilvitac alhta asoc monquinatquiscama silanay alhta yoclhilhma Egipto najan yoclhilhma actamopeycaoc. Am alhta elilyajaclhoc sicpayvam, malha diez intomjac seltovascama as enlhitaoc.

SAN MATEO 21:16

Aptomjac alhta apcanyacpo Jesús: —¿Aplinga ya lhquip apquiltemaclha apquitcaoc (apvapataoc)? —alhta apquiltomjac. Apcatingmavoc alhta Jesús: —Eje, aclingac lhac. ¿Am ya elyipsatac quellhip vaycajac Dios appayvam? Inlhenalhquic maa: Ayinyema aptimesquiscama lhip selayo apvapataoc najan sicaa ayitcaoc —nic nat intomjac aclhanma.

SAN MATEO 21:42

Aptomjac alhta Jesús apquilanya judíos: —¿Am ya elyipsatac quellhip vaycajac Dios appayvam? Inlhenalhquic maa: Mataymong apquilyamasma apquillaneycaoc tingma, Inpiquenalhquic tingma apvojac actajescamaclha. Eycaso aptamjaycam Visqui ingac. Pilapcasquic anco ningvita —nic nat intomjac aclhanma.

SAN MATEO 4:10

Apcatingmavoc alhta Jesús: —¡Conyi Satanás! Eycaso acyitna actalhesomalhca: “Ilticlhic aptapnaoc ipayicsojo Dios lhip Visqui pac. Ilanam sat apvamlha pac” —alhta aptomjac.

SAN MATEO 4:4

Apcatingmavoc alhta Jesús: —Eycaso acyitna actalhesomalhca: “Jave acvamlha nintom actomja acyimnatescama ingnenyic. Eyca moclhama Dios appayvam actomja acyimnatescama ingnenyic” —alhta aptomjac.

SAN LUCAS 4:12

Apcatingmavoc alhta Jesús: —Eycaso actalhesomalhca: “Noyipcon nasa Dios lhip Visqui pac” —alhta aptomjac.

LOS HECHOS 15:10

Quip elanojo. ¿Soctomja pa elyascomoc quellhip, yoyam elyipconic aptemaclha Dios? ¿Apquililtamjo ya quellhip elpatimsic moc nintemaclha, malha apquilpatam enlhit melyasquiyam tasic amyaa? Am nic nat colapvancaac ingilyapmayc elpatmaoclha. Mongvanquejec alhta nincoo lha ongilpatmaoclha.

LOS HECHOS 5:9

Yejemoc alhta apcatingmavo Pedro: —¿Soctomja acvajaneclho nac atava, yoyam coyipconic Espíritu apanco Visqui ingac? Ca incolanojo, apquilvoctac apatong tingma quilyimnanic apquilatongna lhac atava. Quilhvoc sat colhic acyasquisa lhiya lha —alhta aptomjac.

1 CORINTIOS 10:9

Noelyiplovquis nasa apquiltemaclha ilhnic nat napocja ningilyeyjamcaa. Apquilinlhanacmec nic nat ellovsic Dios Ingyapam. Inquiltaclhamquic nic nat aclhamoclhojo acyeyva acyanmongayclha apquiltemaclha. Apquilitsepquic nic nat.

DEUTERONOMIO 6:16

Noelyipcon nasa quellhip Dios Apyimtalhnamo, acno apquiltemaclha alhta quellhip amyip Masah (y Meriba).,

HEBREOS 3:9

Elyipconquic nat coo apquilyeyjamcaa quellhip. Apquilvita inyicje mataa actemaclha sictamjaycam sinpilapquiscama acvocmo cuarenta años.