SAN MATEO 4:6 - Enhlit Bible

⁶ Intomjac alhta ayanya: —¿Naso ya lhquip Dios Apquitca? Ityim sat coning. Ityim sat coning. Ayinyemaclha acyitna actalhesomalhca: Dios sat elanic ángeles apquilasinancama, yoyam eltamilsic lhip. Elmoc sat tacja lhip, yoyam copalvotayc apmancoc mataymong —alhta intomjac.

SAN MATEO 4:6 Iomraidhean Croise

JOB 1:10

Apmiyovquic mataa lhip Job, najan maa apquilmolhama, najan maa apquinatam, najan apnatoscama. Aplhamaseclhec mataa lhip asoc apanco Job, najan aptamjaycamcaclha. Cascama apnatoscama, am elhno poc enlhit lhalhma anco.

JOB 5:23

Mengyacyejec sat lhip asoc navjac aclom aleyvam amyip, malha apnaymacoc altomja.

SALMOS 34:20

Aptamilcasquic mataa ningyovoclhojo Visqui. Am colhejec mataa ayintasa ingilhquipcoc.

SALMOS 34:7

Ángel Visqui ingac apcasinancama aptomja singmasma najan singvomquiscama tap. Ningiltomja ningilayo Visqui ingac.

SAN MATEO 4:4

Apcatingmavoc alhta Jesús: —Eycaso acyitna actalhesomalhca: “Jave acvamlha nintom actomja acyimnatescama ingnenyic. Eyca moclhama Dios appayvam actomja acyimnatescama ingnenyic” —alhta aptomjac.

2 CORINTIOS 11:14

Cotnaja acpilapquiscama ongvita. Eycaso actemaclha yavey Satanás yoyam coyitsalhcojo anco ángel Dios apcasinancama apquinyema ayitsayolhma.

HEBREOS 1:14

Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.