SAN MATEO 3:2 - Enhlit Bible

² Aptomjac alhta Juan: —Elyanmonquis apquilvalhoc quellhip. Camquitvaac Visqui netin apquilnancascama —alhta aptomjac.

SAN MATEO 3:2 Iomraidhean Croise

1 REYES 8:47

Coyiplovjoc sat apquilyanmonquiscama apquilvalhoc cotnajaclha apquilaoclha. Coyiplovjoc sat apquililmalhnancama. Sat eltimjic elanic enlhitaoc Israel: —Dios Apyimtalhnamo, yitnec nincoo ningilsilhnanomalhca inganco. Ningilmasomcaa nincoo. Ningyinyovquic nincoo lhip apvisay — sat eltimjic enlhitaoc.

JOB 39:12

¿Apcanayqui ya lhquip coyinyovacsic carro aclaneyo acyilhna, ingyicjecsic sat lhip?

JOB 42:6

Acmancaquic coo siclhanma sicpayvam. Naso, sicsilhnanomalhca ajanco, sicna coo netin lhopactic najan tajap — nic nat aptomjac Job.

EZEQUIEL 33:11

Coo sicvisay Dios, nasoc co sicpayvam. Am oltamjoc, yoyam ematong enlhit apmapsom. Yitnec sat ancoc apyanmonquiscama moc apvalhoc, emyovacpoc sat. ¡Quellhip co Israel, elyanmonquis moc apquilvalhoc quellhip! ¡Elvatsaoc apquiltemaclha apancaoc quellhip! ¿Apquililtamjo ya elmasquingvomoc quellhip? — alhta aptomjac.

DANIEL 2:44

Eltimjic sat apquilviscaa nalhit acnim. Etnesquisic sat Dios apna netin lhama apvisqui apcanamaclha cotmongvoycamlha nelha apyimnatem apanco am elhno poc apvisqui. Mepqui poc apvisqui, yoyam etvacsic as apvisqui najan apcanamaclha.

SAN MATEO 10:7

Elyas maa, eliltimnasam tasic amyaa. Eltime sat quellhip: Camquitvaac Visqui netin apquilnancascama.

SAN MATEO 11:20

Yejemoc alhta apyimnatesa appayvam Jesús apquillhena enlhitaoc apnaycam natingmaa. Apquilvitac alhta inyicje aptamjaycam sinpilapquiscama. Am alhta colyacmoc elyanmongsic apquilvalhoc. Aptomjac alhta Jesús apquilanya:

SAN MATEO 12:41

Acvocmo sat acnim ningyicpilcomalhcoclha. Elaniclhac sat netin enlhitaoc co Nínive. Ellhenic sat apquilmapsom enlhitaoc as ningvamlha nac jay. Ayinyemaclha apquilyanmoncasquic nic nat apquilvalhoc co Nínive ayinyema ilhnic nat apquiltimnaycam Jonás. Acnec coo asi sictomja sicyimtalhnamo, melhno Jonás.

SAN MATEO 13:11

Apcatingmavoc alhta Jesús: —Apvancaac quellhip elyasingvomoc asoc acyilhomalhca acyitsomalhca Visqui netin apquilnancascama. Colapvancaac elyasingvomoc poc enlhitaoc.

SAN MATEO 13:24

Apquiltimnasamcaa alhta Jesús moc apyitquiscama. —Visqui netin apquilnancascama acyitsomalhco aptemaclha ilhnic nat enlhit. Apquinaclhec nic nat actic actamila apquilcacjam.

SAN MATEO 13:31

Apquiltimnasam alhta mocjam moc apyitquiscama Jesús: —Visqui netin apquilnancascama acyitsomalhco mosiyov actic. Apquinaclhec nic nat actic apquilcacjam, malha mostaza actic.

SAN MATEO 13:33

Apquiltimnasam alhta mocjam moc apyitquiscama Jesús: —Visqui netin apquilnancascama acyitsomalhco quilpasmongam apquimpascaoc. Inpalhacasquic sat ancoc quilvana nipyesicsa motajap, natqui acyacvom inlhojo. Yejemoc apquimpamco apyovoclhojo motajap macyelaquiscama —alhta aptomjac.

SAN MATEO 13:47

‘Visqui netin apquilnancascama acyitsomalhco yamyamayin malhayquinta yingmin acvanyam. Inquilantalhnec nic nat quilasma alpalhcomalhca.

SAN MATEO 13:52

Aptomjac alhta mocjam Jesús: —Apyasingvocmec sat ancoc lhama escriba apyascamco apquiltemaclha amyaa Visqui netin apquilnancascama. Eyitsacpojoc sat ningmolhama inyap acma asoc apanco acmamnave. Apvanquic elcoc mataa asoc alhnancaoc najan asoc nano —alhta aptomjac.

SAN MATEO 18:23

‘Visqui netin apquilnancascama acyitsomalhco aptemaclha apvisqui. Apquiltamjoc nic nat elyipsatamcoc asoc apquilmaycaoc apquilancam.

SAN MATEO 20:1

Visqui netin apquilnancascama acyitsomalhco apmolhama apyap malha apvisqui. Aplhinquic nic nat alhtooc anco, yoyam etingyam enlhit apquiltamjaycam uva avjac.

SAN MATEO 22:2

—Visqui netin apquilnancascama acyitsomalhco aptemaclha apvisqui. Apquiltimescasquic nic nat caya alyimjapma apquitca.

SAN MATEO 23:13

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilapeclhe inyicje quellhip atong Visqui netin apquilnancascama, yoyam melantalhningvomeje enlhitaoc. Melpalhavomejec sat quellhip. Apquilmiyovquic quellhip, yoyam elpalhavomoc apnaymacoc apquilmayjayo elantalhningvomoc.

SAN MATEO 25:1

Aptomjac alhta mocjam Jesús: Sat cotnejic Visqui netin apquilnancascama acyitsomalhco altemaclha ilhnic nat diez quilvanaa mepqui anatamcaa. Inquilmec nic nat calevascama ancaoc, yoyam colpasmoc alyimjapma. Inquililtamjoc nic nat colamyilhamcoc quilhva alyimjapma.

SAN MATEO 25:14

‘Aptomjac alhta mocjam Jesús: Sat cotnejic Visqui netin apquilnancascama acyitsomalhco ilhnic nat aptemaclha apvisqui aplhingam moc yoclhilhma. Apquilevam nic nat apquilancam. Apquilmesquic nic nat solyayem alyiviy.

SAN MATEO 4:17

Yejemoc alhta acvocmo apquenmoclha siclhoc anco apquillhicmoscama Jesús. Aptomjac alhta Jesús apquilanya enlhitaoc: —Elyanmonquis apquilvalhoc. Camquitvaac Visqui netin apquilnancascama —alhta aptomjac.

SAN MATEO 4:23

Aptiyasam alhta Jesús. Apsovjongveclho alhta yoclhilhma Galilea. Apquillhicmosquic alhta mataa tingma apcaneyquiclhilha. Apquiltimnasam alhta mataa tasic amyaa Visqui netin apquilnancascama. Apquiltamilquiscacmec alhta actomjaycaoc ningmasquem najan enlhit melyimnatem.

SAN MATEO 5:10

‘Apquilinyejemoc anco enlhit macminlhinaycam ayinyema actemaclha acpeyvomo. Apancaoc actomja Visqui netin apquilnancascama.

SAN MATEO 5:3

—Apquilinyejemoc anco enlhit apquilyicpilcangviyam actemaclha ayaymomalhca apquilvalhoc Espíritu. Apancaoc actomja Visqui netin apquilnancascama.

SAN MATEO 6:10

Ingyane sat covac lhip apquilnancascama. Ingyane sat cotnejic apmayjayoclha as nalhpop acno maa netin.

SAN MATEO 6:33

Eltingya amamyi anco Dios apquilnancascama najan actemaclha acpeyvomo, ellhovangvomoc sat asoc alaymomalhca.

SAN MARCOS 1:15

Aptomjac alhta apquilanya Jesús: —Invocmec acnim, camquitvaac Dios apquilnancascama. Elyanmonquis apquilvalhoc quellhip. Noelyasquim nasa tasic amyaa —alhta aptomjac.

SAN MARCOS 1:4

Apvaac alhta Juan. Apquilyapascasamquic alhta yingmin enlhitaoc yoclhilhma actamopeycaoc. Apquilanayquic alhta: Elyanmonquis siclho apquilvalhoc. Natamin colmascosalhcac sat melyascalhma.

SAN MARCOS 6:12

Natamin alhta apquillhinga. Apquililtimnasa alhta amyaa apquilanya elyanmongsic apquilvalhoc.

SAN LUCAS 1:16

Eltajicsojoc sat apquilvalhoc enlhitaoc co Israel. Elpeyveclhac sat mocjam Dios Visqui apancaoc.

SAN LUCAS 11:20

Alantipcasquic ancoc coo somquic quilyicjamo ayinyema Dios apmopvan, elyasamcojo anco: Acvaa Dios apquilnancascama nipyesicsa quellhip —alhta aptomjac Jesús.

SAN LUCAS 13:3

Actomjac coo siyanya quellhip: Paj, apnoc poc. Am sat ancoc elyanmoncasac apquilvalhoc quellhip, colhojoc sat aptomja apnatovasomap.

SAN LUCAS 13:5

Actomjac coo siyanya quellhip: Paj, apnoc poc. Am sat ancoc elyanmoncasac apquilvalhoc quellhip, colhojoc sat aptomja apnatovasomap —alhta aptomjac.

SAN LUCAS 15:10

Actomjac coo siyanya quellhip: Innoc najan lha cotnejic sat alpayjayclha apquilvalhoc ángeles Dios apquilasinancama, apvitacpo sat lhama enlhit meyascalhma aptomja apyanmonquiscama apvalhoc —alhta aptomjac Jesús.

SAN LUCAS 15:7

Actomjac coo siyanya quellhip: Innoc najan lha coyangvomoc sat alpayjayclha apquilvalhoc netin, apvitacpo sat lhama enlhit meyascalhma aptomja apyanmonquiscama apvalhoc. Mellhoyc sat noventa y nueve apnaymacoc apquilpeyvomo colyoyam elyanmongsic apquilvalhoc —alhta aptomjac Jesús.

SAN LUCAS 16:30

Apcatingmavoc nic nat ningilnatam inyap: “Nasoc Ingyapam Abraham. Apquilvoclhec sat ancoc nipyesicsa maa lhama apmasquingvocmo alhta, elyanmongsic sat apquilvalhoc quilhvo” —nic nat aptomjac.

SAN LUCAS 21:31

Najan quellhip lha. Apquilvitac sat ancoc as asoc siclhena lhac, elyasamcojo ayamquitvaa Dios apquilnancascama.

SAN LUCAS 24:47

Colngalhcac sat amyaa lhalhma anco. Tingma Jerusalén sat cotyapoc amyaa. Elanyacpoc sat enlhitaoc elyanmongsic apquilvalhoc, yoyam colmascosalhcac melyascalhma.

SAN LUCAS 6:20

Yejemoc alhta apquillano apquiltamsoycaoc, apquilpamejitsa: —Apquilinyejemo nac quellhip mepqui asoc. Quellhip apancaoc Dios apquilnancascama.

SAN LUCAS 9:2

Apquilapajasquic alhta eliltimnacsic tasic amyaa Dios apquilnancascama. Apquilapajasquic alhta eltamilquiscomoc acmasca apyimpeoc.

LOS HECHOS 11:18

Lhama alhta apquillinga apquiltimnaycam apquilyalhinga apnaycam tingma Jerusalén. Inquiltamilaclhec alhta apquilvalhoc. Inmasquec alhta apquilyasquiyam. Apquilacoc alhta Dios Ingyapam, apquilpamejitsa: —Dios Ingyapam apmescama elyanmongsic apquilvalhoc metnaja judíos najan colhic acyimnatem apnenyaoc cotmongvoycamlha nelha —alhta apquiltomjac.

LOS HECHOS 17:30

Am colhenam apvalhoc Dios Ingyapam apquiltemaclha ilhnic nat enlhitaoc melyascamco. Quilhvo eyca apquilanyacpo aplhamoclhojo enlhit lhalhma anco, yoyam elyanmongsic apquilvalhoc.

LOS HECHOS 2:38

Apcatingmavoc alhta Pedro: —Elyanmonquis apquilvalhoc napato Dios Ingyapam. Eltingya macyapascaseycaoc yingmin actema apquillhanma apvisay Jesucristo. Colmascosalhcac sat melyascalhma quellhip. Ellhovac sat Espíritu Santo Dios apmescama.

LOS HECHOS 20:21

Altimnasquic alhta mataa judíos najan metnaja judíos. Actomjac alhta mataa silanya: “Elyanmonquis apquilvalhoc napato Dios Ingyapam. Noelyasquim nasa Jesucristo Visqui ingac.”

LOS HECHOS 26:20

Altimnasquic alhta as amyaa siclhoc anco tingma Damasco. Natamin alhta najan tingma Jerusalén, najan acyovoclhojo yoclhilhma Judea. Natamin alhta najan nipyesicsa metnaja judíos. Altimnasquic alhta: “Elyanmonquis apquilvalhoc quellhip. Elyiplovjo Dios Ingyapam. Elyiplovquis mataa, yoyam cotnatsalhqueje apquilyanmonquiscama apquilvalhoc quellhip” —alhta actomjac coo.

LOS HECHOS 3:19

Elyanmonquis apquilvalhoc quellhip, yoyam colmascosalhca melyascalhma. Comoc sat acnim, yoyam colhic actamilquiscacmo apquilvalhoc ayinyema Visqui ingac.

2 CORINTIOS 7:10

Yitnec sat ancoc acyitnocjayo ingvalhoc actemaclha apmayjayoclha Dios, coyiplovjoc sat ningyanmonquiscama ingvalhoc yoyam ongilvomsalhcac tap. Coyitnocjejec sat mataa ingvalhoc ningiltomja ningyanmonquiscama ingvalhoc. Moc actemaclha mataa acyitnocjayo apquilvalhoc enlhit lhalhma anco, yiplovcoc mataa actemaclha ningitsepma.

COLOSENSES 1:13

Ningnec alhta inyicje naysicsa yatescamalhma, malha singilmam. Ingilyinyovcasquic alhta yatesaclhilhma Dios. Ingilnescaclhec alhta apquilnancascama Apquitca aptomja Visqui ingac.

2 TIMOTEO 2:25

najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco.

HEBREOS 6:1

Ningiltamjoc quilhvo mongillhicmocsejec mocjam asoc ayilhyevay ayinyema singillhicmoscama Cristo. Ningiltamjoc yoyam coyangvomoc ningilyasingvoyam singillhicmoscama Cristo. Am ongiltamjoc ongillhenic mocjam amyaa siclhoc anco acvisay ningyanmonquiscama ingvalhoc najan actemaclha ningillhacjam nintemaclha nano najan actemaclha mongyasquiyam Dios Ingyapam.

2 SAN PEDRO 3:9

Apquilanayquic napocja enlhitaoc: Yejemec mocjam comoc nelha aplhanmaclha Visqui ingac —apquiltomjac mataa. Paj inyicje. Ingiljalhnec nincoo Visqui ingac, ayinyemaclha apquiltamjoc siclho yoyam elyanmongsic apquilvalhoc aplhamoclhojo enlhitaoc yoyam metvasacpeje lhama enlhit.

EL APOCALIPSIS 2:21

Olaylhic sat mocjam acvocmo acnim siclhenaclha yoyam colaniclhac avalhoc as quilvana. Am eyca coyacmoc colvaticsic actemaclha alanatama.

EL APOCALIPSIS 2:5

Iyasingvoclhojo lhip aptemaclha siclho, quilhvo eyca aptomja aplhinganyam. Ilaniclha sat lhip apvalhoc. Iyiplovquis sat mocjam actemaclha alhta siclho apcasicjayo. Am sat ancoc elaniclhac apvalhoc lhip, ovotac sat apnaclha yoyam otvacsic lhip. Malha sictimquiscama alapongmateycaoc sat cotnejic.