SAN MATEO 3:12 - Enhlit Bible

¹² Apmaycam pala acpayjem apmic. Ingyimpocsic sat motajap apyimpeoc. Ingyicjecsic sat motajap apactic congne tingma. Evatniclhac sat apyimpeoc talha, cosponejec sat —alhta aptomjac Juan.

SAN MATEO 3:12 Iomraidhean Croise

JOB 21:18

¿Apquilhpansacpe ya apquilmapsomcaa, malha alhcajayam ayimposcay paat acyamay? Ayinayc coo paj.

SALMOS 1:4

Moc actemaclha mataa enlhit mepqui aptamilcasomacpo apanco. Apquiltomja malha quilayqui ayimpeoc ayimposcay alhcajayam.

SALMOS 35:5

Ilane sat lhip elminlhinacpoc. Ayinyema apminlhinaycam (ángel) Visqui apcasinancama. Ellhojoc sat ayimpeoc actic ningimposcay alhcajayam.

ISAÍAS 1:31

Enlhit apyimnatem elhojoc sat yamit actajapma. Enlhit aptemaclha colhojoc sat talha alayvom. Comyetic sat lhama. Paj lhama enlhit yoyam esponsic — nic nat acvitay apvanmoncama Isaías.

ISAÍAS 17:13

Apquilinyajamquic mataa, apquillinga inlhojo appayvam Dios Visqui ingac. Malha acyilhna ayimpeoc acsoycam alhcajayam mocjay intomjac, malha yatepiyam acvisay huracán.

ISAÍAS 27:4

Inmasquec siclom sicvita uva avjac. Acvitac sat ancoc yammeyac najan amaoc, osavojoc sat sictovascama uva avjac silvatnama talha, malha siyimpocjay sat cotnejic.

ISAÍAS 28:28

Apliquic mataa enlhit apactic trigo apyilhna, apmaycam mataymong acliclamaclha apactic. Jave acvoncaclhojo apliclama apactic. Am etnajac aptipilquem apyilhna — alhta aptomjac Dios.

ISAÍAS 30:24

Actamila actoycaoc colvitac sat yamelyeyjaycoc najan vayqui yamquilvanaa altimesaycam amyip.

ISAÍAS 41:16

Ingyimpocsic sat maa. Cosovc sat alhcajayam, ingyilhpansic sat yatipiyam. Colpayjiclhac sat apquilvalhoc quellhip ayinyema coo sicvisay Dios. Colhic sat seyaco sicvisay Sicyimtalhnamo nipyesicsa quellhip.

ISAÍAS 5:24

Enatovasacpoc sat, colhojoc sat talha acsovjomo paat acyamay, najan talha acsovjomo yamit ava alyamay. Enatovasacpoc sat quellhip, colhojoc sat yamit ayquipmenaoc altajapma, najan malha yamit ilhnamoc, yoyam colmasquingvomoc sat. Quellhip alhta ayinyema apnatovascama singanamaclha, najan apquilvenéycam Dios apyimtalhnamo, najan apvisay Dios Santo mayayo nipyesicsa enlhitaoc Israel.

ISAÍAS 66:24

Elvitac sat tap tingma enlhitaoc apticyovam apquiltomja selinmelhaycam alhta. Cotsepmaclha ingascoc maa, casponeyaclha talha nac maa. Colhic sat altanova apticyovam nipyesicsa aplhamoclhojo enlhitaoc.

JEREMÍAS 15:7

Actimescasquic coo nipyesicsa co Judá, malha siyimposcay actic, actomja acsovm alhcajayam ayimpeoc. Acyinyovcasquic tingma apancaoc, acyinyovcasquic apquitquic as enlhitaoc, ayinyema mepqui apquilvatescama apquiltemaclha apancaoc.

JEREMÍAS 17:27

Am sat ancoc elilyajaclhoc quellhip siyanamaclha, yoyam eltamilsic acnim ninnayclha. Yitnec sat ancoc mocjam apquilpatmeyquinta asoc apancaoc acnim ninnayclha as atong acyivey, olvitic sat talha tingma apatnaoc colmetic sat, elmetic sat najan tingma apquiltamila, colapvanquejec mataa elsaponsic talha acvanyam — alhta aptomjac Visqui ingac.

JEREMÍAS 4:11

Otnejic sat as acnim ongvatingmojo co Jerusalén: Inquilhcajacmec alhcajayam ayinyema yoclhilhma actamopeycaoc, ellingamcojoc acmajat enlhit ajancaoc. Cotnaja alhcajayam actemaclha ningimposcay trigo apactic.

JEREMÍAS 51:2

Ongvapajacsic sat cotnaja ingmoc nipyesicsa tingma Babilonia. Elinyajamcoc sat acno ningimposcay actic ayimpay ayimpeoc, mepqui enlhit sat cotnejic. Elimpocjac sat nipyava tingma apyovoclhojo cotnaja ingmoc.

JEREMÍAS 7:20

Coo sicvisay Dios Visqui apancaoc, olinmelham sat as enlhitaoc naysicsa siclom, olinmelham sat natingma, olinmelham sat apnatoscama, olinmelham sat yamtaa najan ayimjaclha ninganma. Colhojoc sat talha casponeyaclha, ayinyema sicyanmongsayclha apquiltemaclha apancaoc — alhta aptomjac Dios.

OSEAS 13:3

Apquilyitsomacpec as enlhitaoc tiyam etin ningvitay alhtoo. Malha yalya alhtoo ningvitay acyavataclhojo. Malha actic ayimpeoc ningimposcay, acsoycam alhcajayam. Malha etin acvonquepma — nic nat aptomjac profeta.

AMÓS 9:9

Ongvilhpansic sat nipyesicsa enlhitaoc Israel apquiltamila najan apquilmapsomcaa, acno ningilhpanquiscama asoc ápac naysicsa trigo apactic. Mepalamejec sat nalhpop trigo apactic.

MALAQUÍAS 4:1

Aptomjac alhta Dios Apyimtalhnamo: Incamquitvaac acnim acyitsomalhca talha acvanyam congne malhic. Elmetic sat enlhitaoc ayajamalhco apquilvalhoc najan apquilmapsomcaa. Colhic sat alvatna talha, malha papiyov apmeta sat cotnejic. Mengyaymacpejec sat lhama.

SAN MATEO 13:30

Cotnamoc sat siclho lhama acvocmo acnaclhomalhquilha acyilhna. Invocmec sat ancoc acnaclhomalhquilha acyilhna, olanic sat enlhit apquiltomja apquiltamjaycam: “Elyatemen siclho yammilovqui. Elnatejit sat nalhtaa, ongvatniclhac sat maa. Ellhatavoclha sat motajap apactic congne tingma ajac” —nic nat aptomjac.

SAN MATEO 13:41

Elapajacsic sat ángeles apquilasinancama apvisay Aptiyam Aptomja Enlhit. Elansiclhojoc sat aplhamoclhojo enlhit apquilsilhnanoncama najan enlhit melyascalhma (apquilmapsomcaa).

SAN MATEO 13:42

Etlhacpoc sat congne malhic talha. Elyipcalham sat maa najan cotovamcoc sat apmaoc.

SAN MATEO 13:43

Elapongmatic sat apquilvamlha enlhit apquilpeyvomo Ingyapam apquilnancascama, malha acnim sat eltimjic as enlhitaoc. Ingjaycaoc innac nincoo, pac ongilaylhojo —alhta aptomjac.

SAN LUCAS 3:16

Apcatingmavoc alhta Juan: —Acyapascasamqui inyicje quellhip yingmin. Elhingmac sat lhama enlhit. Apmeyjec apanco, molhno coo. Acyaponcanalhquic oljalhyovasquisic alhataoc tiyayipeoc. Sat eyquima elyapasquisamcoc quellhip Espíritu Santo najan talha.

SAN LUCAS 3:17

Apmaycam pala acpayjem apmic. Ingyimpocsic sat motajap apyimpeoc. Ingyicjecsic sat motajap apactic congne tingma. Evatniclhac sat apyimpeoc talha ma incasponejec sat —alhta aptomjac.

SAN JUAN 15:2

Apquilyatemenquic moclhama actingaoc coyilhnama. Apcalhnascasquic moclhama actingaoc acma acyilhna, yoyam colhamiclha acyilhna.