SAN MATEO 3:11 - Enhlit Bible

¹¹ Acyapascasamquic inyicje quellhip yingmin, yoyam cotnatsalhqueje actomja apquilyanmonquiscama apquilvalhoc. Elhingmac sat lhama apmeyje apanco, am olhno coo. Acyaponcanalhquic yoyam oljalhyovasquisic najan osovsic tiyayipeoc apác. Sat equima elyapasquisamcoc quellhip Espíritu Santo najan talha.

SAN MATEO 3:11 Iomraidhean Croise

ISAÍAS 4:4

Ayinyema apyanmongsayclha Dios apquiltemaclha apancaoc co Jerusalén, colhic sat ayalhnasa tingma acyivey ema acyanquinomalhca, colhic sat acmascosa apquiltemaclha apancaoc acmasom apyovoclhojo tingma Sión (Jerusalén).

ISAÍAS 44:3

Oyanquincajac sat yingmin yoclhilhma acyamacoclhilhma. Otipsic sat vatsam acyamayo lhopactic. Opquinic sat Espíritu ajanco apquilvalhoc apquitquic. Ovaticjapsic sat aptovana quilhvoc appaliyam.

SAN MATEO 3:6

Apquililtimnasquic alhta siclhoc melyascalhma. Natamin apquilyapascasamco yingmin Juan vatsam Jordán.

SAN MARCOS 1:4

Apvaac alhta Juan. Apquilyapascasamquic alhta yingmin enlhitaoc yoclhilhma actamopeycaoc. Apquilanayquic alhta: Elyanmonquis siclho apquilvalhoc. Natamin colmascosalhcac sat melyascalhma.

SAN LUCAS 1:17

Etnimsic sat Juan apmamyi Visqui ingac. Eyiplovjoc sat amay aptemaclha nic nat Elías Dios aplingascama. Colhic sat najan apmopvan apanco. Eltajicsojoc sat apquilvalhoc apquilyapmayc. Elasicjangvomoc sat mocjam apquitquic. Eltajicsojoc sat apquilvalhoc enlhit colyavameycaoc. Elvajaningvomoc sat apquiltemaclha enlhit apquilpeyvomo. Elanic sat elpenacsojo actema nac jay enlhitaoc, yoyam elmoc tacja Visqui ingac —alhta aptomjac ángel Dios apcasinancama.

SAN LUCAS 3:16

Apcatingmavoc alhta Juan: —Acyapascasamqui inyicje quellhip yingmin. Elhingmac sat lhama enlhit. Apmeyjec apanco, molhno coo. Acyaponcanalhquic oljalhyovasquisic alhataoc tiyayipeoc. Sat eyquima elyapasquisamcoc quellhip Espíritu Santo najan talha.

SAN LUCAS 3:3

Aptiyasam alhta Juan yoclhilhma tacjalhit vatsam Jordán. Aptomjac alhta apquilanya enlhitaoc: —Elyanmonquis siclho apquilvalhoc. Natamin colmascosalhcac sat melyascalhma. Eltingya sat yapasquiscama yingmin —alhta aptomjac Juan.

SAN JUAN 1:15

Aplingasquic alhta Juan aplhena apvisay. Apyimnatasquic alhta appayvam: —Eyca as enlhit siclhena alhta, yoyam elhingmac netamin coo. Aptomja apyimtalhnamo, am olhnoc coo. Aptiyasam nic alhta apmamyi motyaycamlha coo.

SAN JUAN 1:30

Eycaso siclhena alhta: “Elhingmac sat lhama enlhit netamin coo. Aptiyasam nic alhta apmamyi. Aptomja apyimtalhnamo molhno coo”.

LOS HECHOS 1:5

Yingmin alhta apyapascasamcoc Juan. Quilhvoc sat colhic acyapascasamco quellhip Espíritu Santo —alhta aptomjac.

LOS HECHOS 19:4

Aptomjac alhta apquilanya Pablo: —Apyapascasamquic alhta inyicje yingmin Juan, yoyam cotnatsalhqueje apquilyanmonquiscama apquilvalhoc enlhitaoc. Nic alhta aptomjac Juan apquilanya enlhitaoc: “Noelyasquim nasa enlhit, yoyam eva netamin coo. Apvisay Jesús aptomja Cristo apanco” —nic alhta aptomjac.

LOS HECHOS 8:36

Lhama alhta apquilyeycajangvocmo acyitnamaclha yingmin. Yejemoc alhta aptomja apcanya as enlhit: —Quip ilanojo, yingmin nac jay. ¿Movanqueje ya otingya yapasquiscama yingmin? —alhta aptomjac.

LOS HECHOS 8:38

Yejemoc alhta apcanya coytic talelhcapoc (calo). Apquilantalhningvocmec alhta yingmin Felipe najan aplhalhma. Apyapascasquic alhta yingmin Felipe as enlhit.

1 CORINTIOS 12:13

Apquilvamlha apquiltomja macyapascaseycaoc yingmin: judíos najan metnaja judíos najan apquiltomja apquilancam apquilmomap najan poc metnaja apquilmomap. Eycaso aplhamoclhojo apquilpasmeyquiclha apquiltomja malha lhama ningyovoclhojo ayinyema apvamlha lhama Espíritu apanco Dios. Ningillhocac nincoo Espíritu apanco Dios, malha singmescama ningyam.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

TITO 3:5

Am nat ongiltamilcasalhcac inganco. Eyca ingilvomcasquic alhta tap ayinyema singamliyam Dios. Najan ayinyema singyapasquisaycaoc acvisay malha nintiyam alhnancoc. Najan ayinyema Espíritu Santo singiltimesquiscama ingjalhnancaoc.

1 SAN PEDRO 5:5

Actomjac coo silanya quellhip quilyimnanic: Elilyejiclhojo sat mataa ingilyipmaa apquilvanyam. Actomjac coo silanya quellhip elyalhinga: Noelyimtalhnesacpojo apanco nipyesicsa. Elpasim sat mataa poc, malha apquilancam. Eycaso actomja actalhesomalhca: Apquilyasquic mataa olhma Dios yoyam eyimtalhnesacpojo apanco enlhit. Dios eyca epasmoc sat mataa enlhit aptomja meyimtalhnesomap apanco —nic nat intomjac vaycajac.