SAN MATEO 3:10 - Enhlit Bible

¹⁰ Inyitnec quilhvo tava ayimjaclha yamit, yoyam colyatemenalhca inquipmenaoc. Am sat ancoc cotamilac acyilhna moclhama yamit, colyatemenalhcac sat. Cotlhalhcac sat natilh.

SAN MATEO 3:10 Iomraidhean Croise

2 SAMUEL 23:7

Innec mataa ayansaclho tava ápac najan sovjeva. Cotlhalhcac sat natilh. Cosovjalhcac sat acmeta.

SALMOS 1:3

Apnoc as enlhit actemaclha yamit mayinayclha nicja yingmin. Inyilhnec mataa acvocmo acyilhnamaclha. Am copalacmoc mataa ava. Jave alhtoc mataa apquillanay asoc enlhit aptamilcasomacpo apanco.

SALMOS 140:10

Ilane sat ellingamcojo talha, yoyam elmetic. Elyinjacpoc sat natilh. Ilane sat elyinjacpoc malhic congno. Colapvanquejec mataa elanteypoc.

SALMOS 92:12

Elmiyovacpoc sat actamilaycam apquilvalhoc. Malha apquilictingam aptomjac. Malha yamit alyivey cedro netin inquilhe Líbano intomjac apquilictingam.

ISAÍAS 27:11

Alyamay maa actingaoc yamtaa, colyintilhvomoc sat quilvanaa, colvitic sat talha tingma. Mepqui apquilyascamco apyovoclhojo enlhitaoc. Dios nic nat apquilantipquiscama as enlhitaoc, Mengyasicjiclhejec sat mocjam as enlhitaoc.

ISAÍAS 61:3

Colhic sat acmesa apquilnatanma apyitsicsaoc, jave mocjam tajap apyitsicsaoc. Colhic sat acmesa apquilitsovascama, jave mocjam apava acmayovsa apquilvalhoc. Colhic sat acmesa apquilayo, jave mocjam ayay apquilvalhoc. Colhic sat alyitquisa yamit actamila najan ayimjaclha acyilhna Visqui ingac, colhic sat ayaco Dios.

JEREMÍAS 17:8

Apyitsomacpo as enlhit yamit ayimja nicja yingmin vatsam, mepqui acyamay naysicsa acmajat, ayinyema ayquipmenaoc alvinatem. Altamila mataa ava alyimseleycaoc, najan maa naysicsa acyamay olhma, inquilhnec mataa acyilhna.

DANIEL 4:14

Aptomjac alhta ángel apyimnatesa appayvam: Elyatemen sat yamit, elsavojo actengaoc. Elsavojo yamit ava najan acyilhna. Colinyajamcoc sat apnatoscama alyanca coning yamit, najan nata alyanca maa.

MALAQUÍAS 4:1

Aptomjac alhta Dios Apyimtalhnamo: Incamquitvaac acnim acyitsomalhca talha acvanyam congne malhic. Elmetic sat enlhitaoc ayajamalhco apquilvalhoc najan apquilmapsomcaa. Colhic sat alvatna talha, malha papiyov apmeta sat cotnejic. Mengyaymacpejec sat lhama.

SAN MATEO 21:19

Apvitac alhta higo yamit ayimja nicja amay. Apyocmec alhta inyicje. Am alhta etac acyilhna, acvamlha ava. Aptomjac alhta Jesús apcanya yamit: —¡Coylhejec sat mataa lhiya! —alhta aptomjac. Yejemoc alhta ayitsepa yamit.

SAN MATEO 7:19

Am sat ancoc cotamilac acyilhna yamit, colhic sat acyatemena. Cotlhalhcac sat natilh.

SAN LUCAS 23:31

Acyitcasquic quellhip yamit alhnancoc. Apquillingamcoc sat ancoc acmasca quellhip apquiltomja malha yamit alhnancoc, ¿jalhco sat eltimjic enlhitaoc apquiltomja malha yamit ápac —alhta aptomjac.

SAN LUCAS 3:9

Inyitnec quilhvo tava quipmenaoc yamit. Am sat ancoc cotamilac acyilhna moclhama yamit, colyatemenalhcac sat, cotlhalhcac sat natilh —alhta aptomjac.

SAN JUAN 15:2

Apquilyatemenquic moclhama actingaoc coyilhnama. Apcalhnascasquic moclhama actingaoc acma acyilhna, yoyam colhamiclha acyilhna.

SAN JUAN 15:6

Am sat ancoc elinlhanacmoc quellhip selyipitcaycam coo, malha ningyamasma sat etnejic. Elhojoc sat actema nac uva actong ningyamasma yoyam coyma. Colhic sat ayansaclho, colvatnalhcac sat natilh.

HEBREOS 12:25

Eltamilsojo quellhip. Noelyinyov nasa aptomja singilpamejitquiscama. Apquilyinyovquic nic nat enlhitaoc Israel apvisqui apancaoc Moisés aptomja aplingascama apmayjayoclha Dios nipyesicsa. Apyanmongsaclhec nic nat Dios apquiltemaclha apancaoc enlhitaoc Israel. Ningyinyovquic sat ancoc Jesús aptomja singilpamejitquiscama apna netin, coyangvomoc sat apyanmongsayclha Dios nintemaclha inganco.

HEBREOS 6:8

Inquictinquic sat ancoc ningilcacjam mantin najan yammeyac, coylhejec sat mataa. Dios sat etanova. Comyetic sat actamongvomlha nelha aclhamoclhojo asoc.