SAN MATEO 27:2 - Enhlit Bible

² Apquilpilhtetacpec alhta Jesús. Apquilyantamaclhec alhta apnaclha yatapvisqui co Roma (Pilato).

SAN MATEO 27:2 Iomraidhean Croise

GÉNESIS 22:9

Apquilvocmec nic nat yoclhilhma apcanyaclha alhta Dios yoyam elyacsic. Apquicjesquic nic nat mataymong yoyam etnejic apvatnamaclha. Appiquinquic nic nat alhpongja netin mataymong. Apquilpilhquitquic nic nat apmeoc apquitca. Appiquinquic nic nat apquitca netin alhpongja.

SAN MATEO 20:19

Colhic sat alanya metnaja judíos, yoyam jelmoc coo. Ongvasmesalhcac sat maa. Colhic sat selyicpilhquitamcaa. Oyipitsalhcac sat asoc timyescama. Natqui acnim sat cotnejic olhaticjangvomoc mocjam —alhta aptomjac.

SAN MATEO 28:14

Aplingangvoclhec sat anco amyaa yatapvisqui co Roma, nocoltamjam nasa apquilvalhoc quellhip. Nincoo sat ongilpamejitsalhcojo, yoyam melsilhnanacpejec quellhip —alhta apquiltomjac.

SAN LUCAS 13:1

Eyca as acnim apquilvactamo alhta enlhit. Apquiltimnascactamo alhta amyaa apnaclha Jesús: Enlhit co Galilea apquilmasquic alhta Dios Ingyapam asoc acticyovam. Apquilanayquic alhta Pilato eticyoc napocja enlhit co Galilea. Yejemoc alhta apquilpalhaquisa enlhit em pac apticyovam najan ema asoc acticyovam.

SAN LUCAS 20:20

Apquilapajasquic alhta enlhit, yoyam etyonamcojo apnaclha Jesús. Apquiltimesacpec alhta apanco apquilpeyvomo. Apquililtamjoc alhta elhnanimsic aplhanma, yoyam elyantamoc apnaclha apvisqui.

SAN LUCAS 23:1

Apquilquimpaclhec alhta apquilanomacpo. Apquilyantamaclhec alhta Jesús apnaclha Pilato.

SAN LUCAS 23:12

Yejemoc alhta apcasicjaclho Herodes Pilato. Aptanovquic alhta siclhoc poc.

SAN LUCAS 3:1

Quince años alhta invocmoc aptimem apvisqui César Tiberio. Poncio Pilato eyca aptomja alhta yatapvisqui yoclhilhma Judea. Herodes aptomja alhta apvisqui yoclhilhma Galilea. Herodes apyalhing Felipe aptomja alhta apvisqui yoclhilhma Iturea najan yoclhilhma Traconite. Lisanías aptomja alhta apvisqui yoclhilhma Abilinia.

SAN JUAN 18:12

Yejemoc alhta appasmacpo singilpilhtetemo najan judíos apquilancam. Apmacpec alhta Jesús. Apquilpilhtetacpec alhta. Aplhalhma alhta singilpilhtetemo apvisqui.

SAN JUAN 18:24

Apcanayquic alhta Anás elpilhtetacpoc Jesús. Apcapajasquic alhta apnaclha Caifás, aptomja apquimja apmamyi sacerdote.

SAN JUAN 18:28

Apnec alhta mocjam Jesús tingma pac Caifás. Yejemoc alhta apquilyantamaclho Jesús tingma pac aptomja yatapvisqui co Roma. Acmopeyam congne alhta intomjac. Am alhta elantalhningvocmoc judíos Pilato tingma pac. Incacoc alhta apnenyaoc judíos eltimjic comasis apyimpeoc napato Dios. Ayinyemaclha apquililtamjoc alhta eltovamcoc pascua aptom actemaclha actamila apquilvalhoc.

LOS HECHOS 12:6

Apquiltamjoc alhta Herodes eyantamiclha Pedro secaseclha. Aptinquic alhta alhtaa Pedro nipyesicsa apcanit singilpilhtetemo. Cadena alhta malpilhquitma apmeoc. Apquilanam alhta poc singilpilhtetemo aptamilquiscama atong singilpilhtetomaclha.

LOS HECHOS 21:33

Yejemoc alhta apvocmo singilpilhtetemo apvisqui. Apmacpec alhta Pablo. Apquilpilhtetacpec alhta anit cadenas. Yejemoc alhta appamejitsa singilpilhtetemo apvisqui: “¿Soc lha enlhit aso? ¿Soc lha apquilanay?” —alhta aptomjac.

LOS HECHOS 22:25

Apquilpilhtitquic alhta siclho asoyimpejic Pablo, yoyam elyicpilhquetacpoc. Yejemoc alhta aptomja Pablo apcanya capitán: —¿Apvanqui ya lhquip jelyicpilhquetic sicvisay co Roma? —alhta aptomjac.

LOS HECHOS 22:29

Yejemoc alhta apquilvatsamco singilpilhtetemo, yoyam elyicpilhquetic Pablo. Lhama alhta apquilyasamco aptomja co Roma. Apquilangvoclhec alhta najan singilpilhtetemo apvisqui. Eyca ayinyemaclha ayajemo apquilpilhquitma.

LOS HECHOS 24:27

Anit años alhta invocmoc apquilvatesa aptimem yatapvisqui Félix. Yatapvisqui Porcio Festo alhta apyamoncasac. Apquiltamjoc alhta melhenacpoc apmapsom Félix nipyesicsa judíos. Am alhta etipcasac Félix Pablo singilpilhtetomaclha.

LOS HECHOS 28:20

Eycaso ayinyemaclha silanyamcaa quellhip. Altamjoc olvita quellhip, yoyam olpamejitsic. Quilhvoc sictomja silpilhtetomalhca cadenas, eyca ayinyemaclha acyitna ningiljalhanma (Visqui ingac) ningilvisay israelitas.

LOS HECHOS 3:13

Quip elanojo. Dios Ingyapam aptomja ilhnic nat apvisqui apancaoc Abraham najan Isaac najan Jacob. Aptimesquiscama apyimtalhnamo Apquitca apvisay Jesús. Apquilanem alhta quellhip emacpoc Jesús najan colhic acyantamo apnaclha Pilato. Apquiltamjoc alhta inyicje eyamyiclha Pilato. Quellhip alhta eyca ayinyemaclha apquiltovascama.

LOS HECHOS 4:27

Naso, apquicjingvactamo alhta as tingma Herodes, najan Poncio Pilato, najan enlhit lhalhma anco najan enlhitaoc Israel. Apquilinmelham alhta lhip Apquitca apponquinomap Jesús.

LOS HECHOS 9:2

Apquiltamjoc alhta elhca vaycajac, yoyam esovc apcaneyquiclhilha judíos tingma Damasco. Apquiltamjoc alhta elmoc najan elpilhtetic enlhit melyasquiyam tasic amyaa najan quilvanaa. Apquiltamjoc alhta enalanta tingma Jerusalén.

1 TIMOTEO 6:13

Actomjac coo siyanya lhip. Aplingac najan sicpayvam Dios aptomja apquillanay nic nat aclhamoclhojo asoc. Aplingac najan Jesucristo aptomja aplingascama apvisay napato Poncio Pilato. Ilyejiclhojo sat lhip apcanyomap etnejic. Notniclha nasa moc actemaclha acvocmo acnim apvoyctamlha Jesucristo Visqui ingac.

2 TIMOTEO 2:9

Acnec coo singilpilhtetomaclha ayinyema siclhanma mataa tasic amyaa. Alpilhtetalhquic coo malha enlhit apmapsom. Am eyca colpilhtetaclha tasic amyaa.

HEBREOS 13:3

Collhen apquilvalhoc quellhip ingilyalhinga apnaycam singilpilhtetomaclha, malha apquilmomap lhama quellhip. Collhen apquilvalhoc quellhip ingilyalhinga apquillingaycamco acmasca, malha apquillingaycamco lhama quellhip. Ayinyemaclha apquileyvec mocjam quellhip as nalhpop.

JUECES 15:12

Apquiltomjac nic nat apquilanya Sansón: —Ningvaac lhac nincoo ongilmoc lhip. Colhic sat acmesa lhip filisteos, etnejic apmomap nipyesicsa — nic nat apquiltomjac. Apcatingmavoc nic nat Sansón: —Eltime sat nasoc anco quellhip, momatnejec nipyesicsa quellhip — nic nat aptomjac.