SAN MATEO 26:70 - Enhlit Bible

⁷⁰ Am alhta elhenac Pedro napatavo enlhit: —Jave coo. Am oyasamcoc aclhena nac lha —alhta aptomjac.

SAN MATEO 26:70 Iomraidhean Croise

PROVERBIOS 28:26

Acyeyjamelhma nincoo, ningyiplovquisa inlhojo aclheneycam ingvalhoc. Ongmiyovalhcac sat nincoo, ningyiplovquisa inlhojo actemalcha acyascamco ingvalhoc.

PROVERBIOS 29:23

Ongiltanovalhcac sat, acyitna inlhojo ayajamalhco ingvalhoc. Colhic sat singaco, mepqui inlhojo ayajamalhco ingvalhoc.

PROVERBIOS 29:25

Ningay nincoo napatavo enlhit colhojoc sat trampa singilmam. Ongmiyovalhcac sat, acyitna inlhojo mongyasquiyam Dios Visqui ingac.

ISAÍAS 57:11

Apquiltimec quellhip apquilayo quilaycmasquiscama. ¿Co laa ayinyema quilaycmasquiscama? ¿So actomja yi selinyova nac coo? Acvanmaquic alhta inyicje naysicsa mepqui selayo quellhip.

JEREMÍAS 17:9

Yitnec mataa actemaclha anco ingilvalhoc, acmasom najan singyinimquiscama. Paj lhama enlhit apyascamco actemaclha anco ingilvalhoc.

SAN MATEO 26:51

Apquinmam alhta lhama enlhit napocja Jesús. Apliquic alhta sovo acvinatem. Apticponquic alhta. Apaycoc alhta apquincac apquimja apmamyi sacerdote apquilancam.

SAN MATEO 26:56

Invitalhquic as asoc, yoyam cotmongvomoc nelha Dios appayvam apnatalhescama ilhnic nat profetas Dios apquillingascama —alhta aptomjac. Yejemoc alhta apquinyajamco apquiltamsoycaoc. Aplhapcoc alhta aptomjaclha Jesús.

SAN MATEO 26:58

Apquimjamquic alhta Pedro. Aptalhningvocmec alhta apvisqui sacerdote tingma pac. Apnacmo alhta lhama singilpilhtetemo. Apquiltamjoc alhta Pedro etamcojo actomjaclha.

SAN MATEO 26:69

Apnacmec alhta Pedro coning tingma. Yejemoc alhta acvactamo quilvana, apvisqui sacerdote alancam. Intomjac alhta ayanya Pedro: —Lhip alhta najan aplhalhma Jesús co Galilea —alhta intomjac.

SAN MATEO 26:71

Apquiningvocmec alhta Pedro tingma apatong. Yejemoc alhta acvita moc quilvana. Intomjac alhta alanya enlhit apnaycamo lhama: —Aplhalhma alhta najan Jesús co Nazaret as enlhit —alhta intomjac.

SAN LUCAS 22:57

Apyinimcasquic alhta Pedro: —Quilvana, moyasamcoc aclhena nac lhiya —alhta aptomjac.

ROMANOS 11:20

Naso, apquilhacpec alhta judíos malha yamit alyatemenomalhca ayinyema apquilyasquiyam. Innec alhta acpalhaquiscacmo lhip ayinyema meyasquiyam lhip. Noyimtalhnesacpojo nasa apanco, itamilsacpojo apanco lhip.

1 CORINTIOS 10:12

Ninganayquic sat ancoc ongyimnac nintimem mongyasquiyam incaymalhquic ongavojo yoyam mongilsilhnanalhqueje.

EL APOCALIPSIS 21:8

Elyinyovacpoc sat naysicsa talha acvanyam macpalhaquiscama azufre acpayesayclha talha enlhitaoc apquiltomja anit apvalhaoc najan apquiltomja apquilyasquiyam najan apquiltomja apquiltamongvaycmolhma najan apquiltomja ticyovam yapmayc najan apquiltomja apquilanatama najan apquiltomja apquilyojolhmaa najan apquiltomja apquilpayescamo quilaycmasquiscama acyitsomalhca Dios najan apquiltomja apquilmopvancaa amyaa. Eycaso acvisay moc ningitsepma.