SAN MATEO 26:2 - Enhlit Bible

² —Apquilyasamcoc quellhip, anit acnim sat eltamjacpoc pascua, caya apquilyeycajaycaoc. Colhic sat setanongvocmo sicvisay Sictiyam Sictomja Enlhit. Oyipitsalhcac sat asoc timyescama —alhta aptomjac.

SAN MATEO 26:2 Iomraidhean Croise

ÉXODO 34:25

Noelpalhaquis nasa pan acyiplomo apquimpascaoc najan ema asoc acmatnam. Noelayim nasa apitic ayaymomalhca fiesta pascua acvaycmo secaseclha.

SAN MATEO 10:4

Najan Simón co Caná; najan Judas Iscariote aptomja apcanem emacpoc Jesús.

SAN MATEO 17:22

Lhama alhta apnamcaa lhama apquiltamsoycaoc yoclhilhma Galilea. Aptomjac alhta Jesús apquilanya apquiltamsoycaoc: Colhic sat setanongvocmo sicvisay Sictiyam Sictomja Enlhit. Omalhcac sat.

SAN MATEO 27:4

Aptomjac alhta Judas apquilanya: —Moyascalhma nac coo ayinyema siyanem emacpoc enlhit appeyvomo —alhta aptomjac. Apquilatingmavoc alhta apquilviscaa: —Jave eyca nincoo. Iyasamcojo sat lhip yoyam etnejic —alhta apquiltomjac.

SAN LUCAS 22:15

Aptomjac alhta apquilanya Jesús: —Avanjec sicmayjayo otvojoc lhama quellhip as pascua apto yicpintama ongvitsapoc.

SAN JUAN 11:55

Camquitvocmec alhta pascua caya apquilyeycajaycaoc, judíos caya apancaoc. Yicpintama caya alhta apquilmiyaclho aplhamoclhojo enlhitaoc tingma Jerusalén, yoyam elalhnasiclha apyimpeoc (actemaclha comasis apyimpeoc).

SAN JUAN 12:1

Seis acnim alhta intomjac yicpintama eltamjacpoc pascua caya apquilyeycajaycaoc. Apmiyaclhec alhta Jesús tingma Betania. Lázaro tingma pac, aplhaticjasquiyam alhta Jesús nipyesicsa apquilmasquingvaycmo.

SAN JUAN 18:2

Apyasamcoc alhta najan as amyip Judas, aptomja apcanem emacpoc Jesús. Ayinyemaclha apcaneyclhec alhta mataa maa Jesús najan apquiltamsoycaoc.

SAN JUAN 18:32

Invocmec alhta aplhanmaclha Jesús actemaclha yoyam ematong.

SAN JUAN 2:13

Camquitvocmec alhta pascua judíos caya apancaoc. Apmiyaclhec alhta Jesús tingma Jerusalén.