SAN MATEO 26:18 - Enhlit Bible

¹⁸ Apcatingmavoc alhta Jesús: —Elmiyaclha sat natingma apnaclha enlhit. Eltime sat elanic: “Camquitvaac acnim, yoyam omatong. Altamjoc yoyam otoc lhama siltamsoycaoc pascua apto lhip tingma pac —lhac aptomjac Visqui ingac” —sat eltimjic elanic.

SAN MATEO 26:18 Iomraidhean Croise

SAN MATEO 21:3

Aptomjac sat ancoc enlhit: ¿Soctomja apliquisa nac tama? Eltime sat elanic: Visqui ingac lhac apquiltamjoc —sat eltime quellhip. Memyovejec sat avtip —alhta aptomjac.

SAN MATEO 23:10

Noeltamjo nasa quellhip eltamjacpoc apvisay visqui. Lhama apanco Visqui apancaoc apvisay Cristo.

SAN MATEO 23:8

‘Noeltamjo nasa quellhip eltamjacpoc apvisay singillhicmoscama. Lhama apanco apquillhicmoscama quellhip. Apquilyalhinga nac quellhip.

SAN MATEO 26:19

Apquillhinquic alhta apquiltamsoycaoc. Apquillanac alhta actomjaclha appayvam Jesús. Apquillaneclhec alhta pascua apto.

SAN MATEO 26:2

—Apquilyasamcoc quellhip, anit acnim sat eltamjacpoc pascua, caya apquilyeycajaycaoc. Colhic sat setanongvocmo sicvisay Sictiyam Sictomja Enlhit. Oyipitsalhcac sat asoc timyescama —alhta aptomjac.

SAN MATEO 26:49

Lhama alhta apvaa Judas apyacmo Jesús. Aptomjac alhta appayvesa: —Visqui, lhip nac —alhta aptomjac. Yejemoc alhta appitsisa Judas apmalhimpenic Jesús.

SAN MARCOS 5:35

Naysicsa appamejitquiscama alhta Jesús apquilvaa enlhit. Apquilinyectac alhta tingma pac apquimja apmamyi apcaneyclhilha. Apquiltimnasquic alhta amyaa: —Inquitsepquic lhac apquitca. Noyampos nasa apvisqui —alhta aptomjac.

SAN LUCAS 22:53

Aclhamoclhojo acnim alhta mataa sicma lhama quellhip tingma apponquinomap. Am alhta eyca jelmac. Quilhvo eyca apvancaac quellhip. Quilhvoc innac acmovan yatescamalhma —alhta aptomjac.

SAN JUAN 11:28

Natamin acpamejitquiscama alhta Jesús actajavo mocjam Marta. Inyilhalhcoc alhta altimnasquiclho inyalhing María. Intomjac alhta ayanya: —María, apvoctac lhac Visqui ingac. Lhiya lhac apquiltamjoc eta —alhta intomjac.

SAN JUAN 12:23

Aptomjac alhta apquiltimnasamcaa Jesús: —Invocmec acvamlha acnim, yoyam colhic seyaco sicvisay Sictiyam Sictomja Enlhit.

SAN JUAN 13:1

Invocmec alhta acnim yicpintama pascua caya apquilyeycajaycaoc. Apyasamcoc alhta Jesús acvocmo acnim, yoyam elvaticsic aptiyascam as nalhpop, yoyam eyoclhac sat mocjam apnaclha Apyap. Apquilasicjavoc alhta mataa apnaymacoc apnaycam as nalhpop. Inyangvocmec alhta Jesús apquilasicjayo acvocmo nelha aptiyascam as nalhpop.

SAN JUAN 17:1

Lhama alhta apsovja apquiltimnascama Jesús. Apsicjaclho alhta netin appamejitsa Ingyapam: —Tata, invocmec acvamlha acnim. Jitne sat seyayo sicvisay lhip Apquitca. Altamjoc coo lha otnesquisic siyayo lhip.

SAN JUAN 20:16

Aptomjac alhta Jesús apcanya quilvana: —María —alhta aptomjac. Yejemoc alhta acpaycalhco. Incatingmavoc alhta hebreo appayvam: —Raboni —alhta intomjac. Ningiltimem nincoo Singillhicmoscama.

SAN JUAN 7:30

Apquililtamjoc alhta enlhitaoc elmoc Jesús. Am alhta emacpoc, ayinyemaclha am alhta covocmoc acnim, yoyam emacpoc.

SAN JUAN 7:6

Aptomjac alhta Jesús apquilanya apquilyalhinga: —Am covocmoc acnim, yoyam olhicmosalhcojo. Apvancaac quellhip ellhicmosacpojo mataa.

SAN JUAN 7:8

Elyas sat quellhip caya. Moyacseje mocjam coo. Am covocmoc mocjam acnim, yoyam olhicmosalhcojo —alhta aptomjac.