SAN MATEO 26:10 - Enhlit Bible

¹⁰ Aplingac alhta Jesús. Aptomjac alhta apquilanya apquiltamsoycaoc: —¿Soctomja apquilyitnocjasa avalhoc quilvana? Actamila anco actomjaclha lhac quilvana.

SAN MATEO 26:10 Iomraidhean Croise

NEHEMÍAS 2:18

Altimnasquic alhta enlhitaoc actemaclha sepasmom Dios, najan maa actemaclha appayvam apvisqui. Elatingmavoc alhta enlhitaoc: —Noc, ongillaniclhac sat mocjam tingma — alhta apquiltomjac. Apquilvascapquic alhta naysicsa apquiltamjaycam.

JOB 13:7

¿Apquililtamjo ya quellhip elmeyvoc Dios, ayinyema apquilyinimquiscama apquilpayvam najan apquiltemaclha apquilmopvan amyaa?

SAN MATEO 26:11

Apquilpalhcaycam mataa quellhip enlhit mepqui apquilnatam. Mopalhquejec sat coo mataa quellhip.

SAN MATEO 26:9

Ingvanqui inyicje ongyinyoc acyanmongam aclhamoclhojo solyayem, yoyam ongilmesic enlhit mepqui apquilnatam —alhta apquiltomjac.

SAN MARCOS 14:6

Aptomjac alhta apquilanya Jesús: —Cotnejec ac lha. ¿Soctomja apquilinlhanacmo nac quilvana? Jetnescasquic lhac actamila asoc.

SAN LUCAS 8:49

Naysicsa appamejitquiscama alhta Jesús acvaa amyaa. Ayinyema alhta tingma pac Jairo apquimja apmamyi apcanayclhilha. Apquiltimnasacpec alhta Jairo: —Inquitsepquic lhac apquitca. Noyampos nasa apvisqui —alhta intomjac amyaa apcanyacpo.

2 CORINTIOS 9:8

Apvanquic Dios elmesic apcaycaoc quellhip actemaclha acyeycajangvaycmo. Coymalhquejec sat mataa quellhip lhama asoc. Coytic sat najan asoc quellhip yoyam elninquinic mataa, yoyam elpasmoc apnaymacoc.

GALATAS 1:7

Acvamlha eyca lhama tasic amyaa. Am coyitnac moc actemaclha tasic amyaa. Eycaso apquiltemaclha apancaoc napocja enlhitaoc. Apquililtamjoc mataa ellhinganimsic quellhip najan elyinyovsic amyaa ayinyema Cristo.

GALATAS 5:12

Incaymalhquic colhic actimesa yamquilvana enlhitaoc apquillhinganimquiscama. Ayinyemaclha apquilanama yoyam eltingya quellhip asoc monquinatquiscama apyimpeoc.

GALATAS 6:17

Am oltamjoc yoyam elyimtalhnecsic mocjam evalhoc coo. Yitnec co asoc monquinatquiscama eyimpejic selyimsem alhta. Cotnatsalhquejec mataa sictomja Jesucristo apquilancam.

EFESIOS 2:10

Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.

COLOSENSES 1:10

Coyiplovjoc sat apquiltamilcasomacpo apanco quellhip actemaclha apyisponcama Dios najan actemaclha yoyam colhic ayaco. Cotalhcac sat actemaclha apquilyiplovquiscama quellhip asoc altamila, malha ningvitay acyilhna. Coyangvomoc sat apquilyasingvoyam quellhip aptemaclha Dios Ingyapam.

2 TESALONICENSES 2:17

Ningiltamjoc nincoo yoyam epayesiclha apquilvalhoc Dios. Yoyam elyimnaticsojoc apquilvalhoc naysicsa apquilpameteycam actamila najan naysicsa apquiltamjaycam actamila.

1 TIMOTEO 3:1

Eycaso actomja nasoc anco. Intasi nac aclhanma apvalhoc enlhit etnejic apquimja apmamyi nipyesicsa Jesucristo apmolhama.

1 TIMOTEO 5:10

Incaymalhquic alhta colhenalhcac mataa actemaclha acyiplovquiscama actamila: actemaclha alvanimquiscama ayitquic najan alyascasingvoyam. Najan actemaclha almam tacja maycaa apquilvoy tingma ac. Najan actemaclha acliquiscama yingmin apmancoc Dios apquitquic. Najan actemaclha ayamliyam enlhit apquillingaycamco acmasca. Najan moc actemaclha acyiplovquiscama actamila.

2 TIMOTEO 2:21

Incaymalhquic mongilpasmiclhejec asoc acmasom. Onlhojoc sat nincoo asoc actamila anco mepqui ningmaycam acyovoclhojo acnim. Onlhojoc sat asoc acponquinomalhca najan asoc acmomalhca, actomja apvisqui apmaycam. Ontimjic sat malha ninpensomalhca yoyam ongillana nintamjaycam actamila.

TITO 1:16

Apquiltomjac mataa as enlhitaoc: “Ningyicpilcoc nincoo Dios” —apquiltomjac mataa. Am eyca elyiplovcasac actamila. Apquilmopvan amyaa apquiltomjac. Aptanovquic Dios apquiltemaclha as enlhitaoc. Apquiltomja melilyajayquiclho najan colmopvancaa ellana asoc actamila.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

TITO 3:1

Ilane sat elyasingvomoc ingilyalhinga actemaclha ningilyajayquiclho apquilviscaa apquilyimtalhnamo. Najan actemaclha ningyiplovquiscama ongillana asoc actamila.

TITO 3:14

Ilane sat elyasingvomoc ingnaymacoc actemaclha ningyiplovquiscama actamila najan actemaclha ningmescama asoc ayaymomalhca. Incaymalhquic coytic apquilyiplovquiscama, malha acyilhna actamila ayinyema mongilyasquiyam.

TITO 3:8

Nasoc anco as amyaa siclhanma lhac. Altamjoc coo evascapoc lhip apyiplovquiscama. Ilane sat najan elyiplovsic poc. Yoyam najan quilhvo apquilyanmonquiscama apquilvalhoc elyiplovsic actemaclha actamila yoyam elvita apnaymacoc. Actamila anco as actemaclha yoyam ongiltimjic ningilmaycam ninlhamoclhojo.

HEBREOS 13:21

Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.

1 SAN PEDRO 2:12

Eltamilsacpojo apanco nipyesicsa enlhit lhalhma anco. Ayinyemaclha inquilantipsalhquic mataa apquilvisay quellhip nipyesicsa apquilmopvancaa amyaa. Cotalhcac sat nipyesicsa maa actemaclha apquiltamilcasomacpo apanco quellhip. Eltimjic sat apquilayo Dios as enlhitaoc acvocmo sat acnim ningyicpilcomalhquilha.