SAN MATEO 23:8 - Enhlit Bible

⁸ ‘Noeltamjo nasa quellhip eltamjacpoc apvisay singillhicmoscama. Lhama apanco apquillhicmoscama quellhip. Apquilyalhinga nac quellhip.

SAN MATEO 23:8 Iomraidhean Croise

SAN MATEO 10:25

Incaymalhquic mallhicmoscama colcojoc apvalhoc apquilinmalhingvoyclha apquillhicmoscama. Incaymalhquic apquilancam colcojoc apvalhoc apquilinmalhingvoyclha apvisqui. Apquiltomjacpec alhta apquilmolhama apyap apvisay Beelzebú, ningiltimem somquic quilyicjamo. Colhic sat najan altomja apmolhama apquilvisay Beelzebú —alhta aptomjac.

SAN MATEO 17:5

Pilapcasquic alhta ayajapvaa yipjopay alyinmom naysicsa appamejitquiscama Pedro. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.,

SAN MATEO 23:10

Noeltamjo nasa quellhip eltamjacpoc apvisay visqui. Lhama apanco Visqui apancaoc apvisay Cristo.

SAN MATEO 23:7

Apquilyispaquic mataa malpayvescama natingma. Apquililtamjoc mataa eltamjacpoc apvisay singillhicmoscama.

SAN MATEO 26:25

Aptomjac alhta Judas apcanya Jesús: —Visqui, ¿jave ya coo? —alhta aptomjac. Apcatingmavoc alhta Jesús: —Eje, lhip sat etnejic —alhta aptomjac.

SAN MATEO 26:49

Lhama alhta apvaa Judas apyacmo Jesús. Aptomjac alhta appayvesa: —Visqui, lhip nac —alhta aptomjac. Yejemoc alhta appitsisa Judas apmalhimpenic Jesús.

SAN MARCOS 10:51

Aptomjac alhta Jesús: —¿Soc asoc apquiltamjo olana? Apcatingmavoc alhta enlhit: —Visqui, ingyane sat colhniclha ajataoc —alhta aptomjac.

SAN MARCOS 11:21

Yejemoc alhta aclhena apvalhoc Pedro, appamejitsa: —Visqui, quip ilanojo higo yamit apyamneycam alhta lhip. Quitsepqui nac anco.

SAN MARCOS 14:45

Lhama alhta apvaa apyacmo Jesús. —Visqui, Visqui —alhta aptomjac Judas. Yejemoc alhta appitsisa.

SAN MARCOS 9:5

Aptomjac alhta Pedro apcanya Jesús: —Visqui, intasic sat onlhic as olhma. Ongilanamcoc sat apnatqui tingma. Lhama sat lhip, lhama sat Moisés, lhama sat Elías —alhta aptomjac.

SAN LUCAS 22:32

Almalhnescasquic mataa coo, yoyam comasqueje meyasquiyam lhip. Apyanmoncasquic sat ancoc apvalhoc lhip, ilyimnaticsojo apquilyalhinga —alhta aptomjac.

SAN JUAN 1:38

Yejemoc alhta appaycacpo Jesús. Apvitac alhta apquilyiplacmo. Aptomjac alhta apquilanya: —¿Soc apquiltingyamco yi? —alhta aptomjac. Apquilatingmavoc alhta: —Singillhicmoscama, ¿jalhco acpayjo apmaclha? —alhta apquiltomjac.

SAN JUAN 1:49

Aptomjac alhta mocjam Natanael: —Singillhicmoscama, lhip nac aptomja Dios Apquitca. Lhip aptomja enlhitaoc Israel Apvisqui apancaoc —alhta aptomjac.

SAN JUAN 11:8

Apquilatingmavoc alhta apquiltamsoycaoc: —Visqui, apquililtamjoc alhta judíos elajic lhip. ¿Apquiltamjo ya lhquip emyaclha mocjam maa? —alhta apquiltomjac.

SAN JUAN 20:16

Aptomjac alhta Jesús apcanya quilvana: —María —alhta aptomjac. Yejemoc alhta acpaycalhco. Incatingmavoc alhta hebreo appayvam: —Raboni —alhta intomjac. Ningiltimem nincoo Singillhicmoscama.

SAN JUAN 3:2

Alhtaa alhta intomjac apmiyacmo apnaclha Jesús. Aptomjac alhta Nicodemo: —Singillhicmoscama, ningyasamcoc nincoo. Dios Ingyapam aptomja apcapajascama lhip, yoyam jingillhicmocsic nincoo. Apvanquic lhip ellanac aptamjaycam sinpilapquiscama. Copvanqueje eyca poc enlhit elhnasojoc actemaclha lhip aptamjaycam mepqui aplhalhma Dios Ingyapam —alhta aptomjac.

SAN JUAN 3:26

Yejemoc alhta apquilyoctamo apnaclha Juan. Apquiltomjac alhta apquilanya: —Singillhicmoscama, quip ilanojo enlhit aplhalhma alhta lhip tap vatsam Jordán. Singiltimnasa alhta lhip apvisay Jesús. Quilhvoc aptomja apquilyapascaseycaoc yingmin enlhitaoc. Apquilyacmec aplhamoclhojo enlhitaoc maa —alhta apquiltomjac.

SAN JUAN 4:31

Yicpintama apquilvoy enlhitaoc apquiltomjac alhta apquiltamsoycaoc: —Visqui, ilyintamap etovc —alhta apquiltomjac.

SAN JUAN 6:25

Apquilvoclhec alhta enlhitaoc tap acyayengviyam. Apquilvitac alhta Jesús. Apquiltomjac alhta enlhitaoc apquilanya: —Visqui, ¿quilhvo ya apvoctac lhip aso? —alhta apquiltomjac.

SAN JUAN 9:2

Apquiltomjac alhta apquiltamsoycaoc apquilanya Jesús: —Visqui, ¿so actema ayenmo nac congne mepqui apataoc as enlhit? ¿Naso ya ayinyema meyascalhma apanco? ¿Inlhoyqui laa ayinyema meyascalhma apyap najan inquin? —alhta apquiltomjac.

2 CORINTIOS 1:24

Am alhta ongiltamjoc ongilyimtalhnesalhcojo inganco naysicsa melyasquiyam quellhip. Ayinyemaclha apquilinlhanacmec quellhip apquiltimem melyasquiyam. Ningiltamjoc alhta ongilpasmoc quellhip yoyam coyangvomoc acpayjayclha apquilvalhoc.

2 CORINTIOS 4:5

Ningillhenquic mataa apvisay Jesucristo Visqui ingac naysicsa ninlingascama tasic amyaa. Am ongillhenac nincoo ningilvisay inganco. Ayinyemaclha nincoo ningiltomja ningilancam quellhip ayinyema Jesús.

EFESIOS 3:15

Dios aptomja apquilyap aplhamoclhojo apnaycam netin najan apnaycam as nalhpop.

FILEMON 1:16

Comascoc sat etnejic apvisay apquilancam. Etnejic sat eyca apvisay ingyalhing ningasicjayo. Avanjec siyasicjayo Onésimo. Incaymalhquic coyavojoc lhip apcasicjayo, molhno coo. Anit actemaclha yoyam ingyasicjojoc lhip: ayinyemaclha Onésimo aptomja lhip apquilancam najan lha aptomja apyalhing ayinyema apvisay Visqui ingac.

SANTIAGO 3:1

Quellhip elyalhinga. Noeltamjo nasa mataa eltimjic apquillhicmoscama Dios appayvam. Elyasamcojo quellhip, avanjec sat actingyamalhca asoc enlhit aptomja apquillhicmoscama am elhno poc enlhit.

1 SAN PEDRO 5:3

Noeltime nasa malha apquilviscaa apquiltomja apquilapajascama mataa. Elvitasquis sat apquiltemaclha quellhip yoyam elvajanamcoc Jesucristo apmolhama.

EL APOCALIPSIS 1:9

Coo nac sicvisay Juan, sictomja elyalhinga quellhip. Sictomja siclingaycamco lhama quellhip. Opasmiclhac sat quellhip acvaa sat Dios apquilnancascama. Sictomja silinlhanyacmo lhama quellhip ayinyema ninpasmeyquiclha Jesucristo. Acnec alhta acyayem lhip acvisay Patmos, sicmomalhca alhta. Acmalhquic alhta ayinyema siclingascama Dios appayvam najan ayinyema siclingascama apvisay Jesucristo.

EL APOCALIPSIS 19:10

Alpolintac alhta nalhpop apquinmamcaclha ángel yoyam opayicsojo. Aptomjac alhta seyanya ángel: —Notne nasa. Coo najan sictimem silancamo lhama Dios. Acno coo lhip najan apquilyalhinga apquiltomja apquillingascama amyaa ayinyema Jesús. Ipayicsojo sat lhip Dios. Ayinyemaclha apquillingasquic mataa amyaa ayinyema Jesús apquiltomja Dios apquillingascama —alhta aptomjac ángel.

EL APOCALIPSIS 22:9

Aptomjac alhta ángel seyanya coo: —Notne nasa. Coo najan sictimem silancamo lhama lhip najan sictimem silancam lhip apquilyalhinga najan silancam profetas Dios apquillingascama najan silancam apquiltomja apquilyiplovquiscama Dios appayvam acnatalhesomalhca as vaycajac. Ipayicsojo sat Dios —alhta aptomjac.