SAN MATEO 23:4 - Enhlit Bible

⁴ Apquillanac mataa moc nintemaclha, yoyam ongilyiplovcasojo. Yimtilhec anco as actemaclha malha apquilpatam. Apquililtamjoc mataa fariseos elpatimsic poc. Am eyca colyacmoc fariseos elpatmaoclha.

SAN MATEO 23:4 Iomraidhean Croise

ISAÍAS 46:1

Quilaycmasquiscama acyitsomalhca dios acvisay Bel, moc quilaycmasquiscama acvisay Nebo, mepqui mataa alyimnatem, altomja eyca acnatovasomalhca. Inquilpatmalhquic apnatoscama acpoc. Inquilyampavoc apnatoscama co Babilonia.

SAN MATEO 23:23

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilmesqui inyicje quellhip asoc ningincajay nintom ningmescama Dios. Lhama mataa apquilmesac acyitna inlhojo diez asoc. Am elyiplovcasac mataa quellhip actemaclha ayimja amamyi singanamaclha Dios. Am elyiplovcasac actemaclha acpeyvomo najan actemaclha ningamliyam najan mongyasquiyam. Elyiplovcasojo quellhip as asoc. Noelayim nasa elmesic Dios lhama asoc acyitna inlhojo diez asoc.

SAN MATEO 23:3

Elyiplovcasojo sat quellhip aclhamoclhojo asoc apquilanyomap ellana. Noelvajanaoc nasa apquiltemaclha apancaoc. Apquillhenqui inyicje asoc, am eyca elyiplovcasac asoc apquillhanma.

SAN LUCAS 11:46

Aptomjac alhta apquilanya Jesús: —Quellhip najan layi, apquilyascamco apquiltemaclha. Colapvanqueje inyicje enlhitaoc elyiplovcasojo apquiltemaclha apancaoc quellhip. Quellhip eyca am colyacmoc elyiplovcasojo apquiltemaclha apancaoc —alhta aptomjac.

LOS HECHOS 15:10

Quip elanojo. ¿Soctomja pa elyascomoc quellhip, yoyam elyipconic aptemaclha Dios? ¿Apquililtamjo ya quellhip elpatimsic moc nintemaclha, malha apquilpatam enlhit melyasquiyam tasic amyaa? Am nic nat colapvancaac ingilyapmayc elpatmaoclha. Mongvanquejec alhta nincoo lha ongilpatmaoclha.

LOS HECHOS 15:28

Inlhenquic nincoo ingvalhoc najan maa Espíritu Santo, mongilpatimseje quellhip apquilpatam. Acvamlha anco as asoc ayaymalhco:

GALATAS 6:13

Apquililtamjoc as enlhitaoc elanic quellhip yoyam colhic actimesa asoc monquinatquiscama apyimpeoc. Am eyca elyiplovcasac singanamaclha as enlhitaoc acma asoc monquinatquiscama apyimpeoc. Apquililtamjoc ellhamasiclha apmolhama judíos. Eycaso apquiltemaclha apancaoc yoyam elyimtalhnesacpoc apanco.

1 SAN JUAN 5:3

Ningasicjayo Dios actomja ninyiplovquiscama singanamaclha. Inquilhyevamoc anco ongyiplovcasojo singanamaclha Dios.

EL APOCALIPSIS 2:24

Actomjac coo silanya apnaymacoc apnaycam tingma Tiatira: Am alhta elyiplovcasac quellhip actemaclha aclhenomalhca asoc acyilhomalhca ayinyema yavey Satanás. Am oltamjoc oyimtalhnesic apquilvalhoc quellhip.