SAN MATEO 23:13 - Enhlit Bible

¹³ ‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilapeclhe inyicje quellhip atong Visqui netin apquilnancascama, yoyam melantalhningvomeje enlhitaoc. Melpalhavomejec sat quellhip. Apquilmiyovquic quellhip, yoyam elpalhavomoc apnaymacoc apquilmayjayo elantalhningvomoc.

SAN MATEO 23:13 Iomraidhean Croise

SAN LUCAS 11:52

“Quellhip layi, apquilyascamco apquiltemaclha. Apquilmiyovquic quellhip colhic acyasamco apnaymacoc. Melantilheje quellhip Dios apquilnancascama. Apquilmiyovquic mataa quellhip apnaymacoc apquilmayjayo elantalhningvomoc —alhta aptomjac Jesús.

SAN MATEO 23:29

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilanesqui inyicje quellhip altamila tacjalhpopayc apquilatongnomacpilha profetas najan enlhit apquilpeyvomo apquilmasquingvaycmo nano.

SAN MATEO 23:27

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilyitsacpec quellhip tacjalhpopayc almopisomalhca. Altamila inyicje ayimpeoc tacjalhpopayc. Lanoc eyca avalhoc apilhquipcoc enlhit apquilmasquingvaycmo najan asoc actajapma.

SAN MATEO 23:23

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilmesqui inyicje quellhip asoc ningincajay nintom ningmescama Dios. Lhama mataa apquilmesac acyitna inlhojo diez asoc. Am elyiplovcasac mataa quellhip actemaclha ayimja amamyi singanamaclha Dios. Am elyiplovcasac actemaclha acpeyvomo najan actemaclha ningamliyam najan mongyasquiyam. Elyiplovcasojo quellhip as asoc. Noelayim nasa elmesic Dios lhama asoc acyitna inlhojo diez asoc.

ZACARÍAS 11:17

¡Enlhit layi aptomja apyamasma apnatoscama mepqui aptamilquiscama! ¡Coyimsasic sat sovo acvinatem apectong najan apatic derecho! Etniclhac sat appinsem najan apyavec as apquilancam — alhta aptomjac — nic nat aptomjac profeta.

LOS HECHOS 8:1

Apcavoc alhta Saulo apmatnam Esteban. Yejemoc alhta actomja macminlhinaycam acvanyam. Apquiltovasacpec alhta cristianos Jesucristo apmolhama apnaycam Jerusalén. Apquilhpanec alhta. Apquilyasquic alhta yoclhilhma Judea najan yoclhilhma Samaria. Apquilnaclhec alhta mocjam apóstoles apquilapajasomap.

2 TIMOTEO 4:15

Ingyavojo sat lhip. Aptanovquic alhta Alejandro yoyam ongiltimnacsic tasic amyaa.

ISAÍAS 33:14

Apquilpilhyinimquic apyovoclhojo tingma Jerusalén, enlhit melyascalhma najan apquilyamasma Dios, apquiltomjac mataa: ¿Ingvanqui ya onlhic naysicsa talha singiltovascama cotmongvoycamlha nelha? — apquiltomjac maa.

2 TIMOTEO 3:8

Apquilnoc as enlhitaoc apquiltemaclha ilhnic nat apquilyojolhma apquilvisay Janes najan Jambres. Apquiltomja ilhnic nat apquilinmelhaycam Moisés. Apquilnoc as enlhitaoc apquiltomja apquilinmelhaycam amyaa actomja nasoc anco. Apquilnoc as enlhitaoc actemaclha yamsicaa najan apquiltemaclha apquilyascamongvoyam.

LOS HECHOS 13:8

Apquilyasquic alhta olhma apyojolhma, moc apvisay Elimas. Apquiltamjoc alhta apyojolhma elvatesquisic actemaclha meyasquiyam yatapvisqui.

LOS HECHOS 5:40

Apquilvajanamquic alhta actomjaclha appayvam. Yejemoc alhta apquilevamcaa apóstoles apquilapajasomap. Apquilyicpilhquetamquic alhta elvatsamcoc apquillhanma apvisay Jesús. Yejemoc alhta apquilyamyeclho.

LOS HECHOS 5:28

—Nincoo alhta ninganem elvatsamcoc quellhip apquillhicmoscama actemaclha apvisay Jesús. Quip elanojo, apsovjoquic quellhip apquillhicmoscama aplhamoclhojo co Jerusalén. Apquililtamjoc quellhip jingilpejescac ningajem as enlhit —alhta apquiltomjac.

SAN JUAN 9:34

Apquiltomjac alhta mocjam apquilanya: —Ayenmo congne meyascalhma nac lhip. ¿Apquiltamjo ya lhquip jingillhicmocsic nincoo? —alhta apquiltomjac. Aptipsacpec alhta enlhit aptamalviyam.

SAN JUAN 9:24

Yejemoc alhta apquilevamcaa mocjam enlhit aptamalviyam, mepqui apataoc alhta. Apquiltomjac alhta apquilanya: —Ipeyvacsojo sat aplhanma napato Dios Ingyapam. Ningyasamcoc nincoo, enlhit meyascalhma nac maa —alhta apquiltomjac.

SAN JUAN 9:22

Am alhta coyacmoc elhenic apyap najan inquin. Apcacac alhta apquiltemaclha judíos. Am alhta coyeycajalhcac moc apquilvalhoc judíos. Apquililtamjoc alhta mataa elantipsic apcaneyquiclhilha moclhama enlhit aptomja aplhanma apvisay Jesús aptomja Cristo.

SAN MATEO 23:25

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilliqui inyicje ayimpeoc ingjaycoc najan asoc payjem. Asomqui eyca avalhoc. Lanoc avalhoc acminyilhma najan ayitsepma ingnenyic.

SAN MATEO 3:7

Lhama alhta apvita Juan apquilvaa aplhamoclhojo fariseos najan saduceos. Aptingyeycaoc yapasquiscama yingmin alhta. Aptomjac alhta Juan apquilanya fariseos najan saduceos: —¡Yitnec quellhip apquilvalhoc malha yamacyeyva ayitcaoc! ¿Soc ayinyema altimnascama elinyejic quellhip acyanmongayclha ayinyema Dios yoyam covac sat?

SAN MATEO 23:16

‘Quellhip layi, mepqui apataoc apnalayclha apnaymacoc. Apquiltomjac mataa quellhip apquilanya apnaymacoc: “Aptimec sat ancoc nasoc anco appayvam enlhit elhenic tingma apponquinomap, yoyam colhejec acyascacmo. Ayajemo sat cotnejic aplhanma. Aptimec sat ancoc nasoc anco appayvam enlhit elhenic asoc alyinmom tingma apponquinomap, yoyam colhejec acyascacmo. Nasoc sat cotnejic aplhanma” —alhta apquiltomjac mataa quellhip.