SAN MATEO 22:16 - Enhlit Bible

¹⁶ Apquilapajasquic alhta apquilancam fariseos najan apquillhalhmaa apvisqui Herodes apquilyiploycam. Apquiltomjac alhta apquilanya Jesús: —Visqui, ningyasamcoc nincoo lhip actomja acpeyvomo anco appayvam. Nasoc anco lhip aptemaclha apquillhicmoscama. Am elyajaclhoc lhip alquitamsama apquilvalhoc enlhitaoc.

SAN MATEO 22:16 Iomraidhean Croise

1 REYES 22:14

Apcatingmavoc nic nat profeta Micaías: —Oltimnacsic sat coo seyanya alhta Dios, yavamlha oltimnacsic. Nasoc sicpayvam mepqui sicyeycajascaoc — nic nat aptomjac.

SALMOS 12:2

Apquilpamejitsacpec mataa apquilmopvan amyaa. Anit apvalhaoc ayinyema apquilpayvam apquilaycmascam.

SALMOS 5:9

Actemaclha apquilpayvam apquilyinimquiscama. Somcoc mataa apquilpayvam. Malha singnasipma intomjac apquiltemaclha. Avanjec apquilmopvan amyaa.

SALMOS 55:21

Moc actemaclha apquilpayvam. Malha inyicje acmasis apquilpayvam. Moc actemaclha apquilvalhoc. Malha inyicje yoyam elnapacpoc. Mepqui acmasom apquilpayvam. Malha mepqui apquilsilhnanomap apanco. Moc actemalcha apquilvalhoc. Malha apquilmaycam sovo acvinatem intomjac.

PROVERBIOS 29:5

Nintimec sat ancoc mataa ningayo ingmoc, cotnejic sat trampa yoyam emacpoc.

MALAQUÍAS 2:6

Apquiltomjac alhta apquillhicmoscama actomja nasoc anco, mepqui alhta acmasom apquilpayvam. Yitnec alhta apquiltamilcasomacpo apanco aplhamoclhojo enlhit.

MALAQUÍAS 2:9

Quellhip alhta melyajayquiclho sicpayvam, apquiltomja apquilyacyescama enlhit naysicsa apquillhicmoscama. Elvennacpoc sat quellhip nipyesicsa apnaymacoc enlhit. Eycaso sicpayvam Visqui Sicyimtalhnamo — nic nat aptomjac profeta.

SAN MATEO 22:24

—Visqui. Aptomjac nic nat singanama Moisés: Apquitsepquic sat ancoc enlhit mepqui apquitca, ingyane sat apyalhing colyimjapiclha tampeyi. Etingyacsic sat apquitca apipma —nic nat aptomjac Moisés.

SAN MATEO 22:26

Apquitsepquic nat apyalhing. Innoc nat actomjaclha poc apyalhing. Apvocmec nat siete apquilmayquiclha. Apsovjacpoc nat apquilitsepma.

SAN MATEO 26:18

Apcatingmavoc alhta Jesús: —Elmiyaclha sat natingma apnaclha enlhit. Eltime sat elanic: “Camquitvaac acnim, yoyam omatong. Altamjoc yoyam otoc lhama siltamsoycaoc pascua apto lhip tingma pac —lhac aptomjac Visqui ingac” —sat eltimjic elanic.

SAN MATEO 26:49

Lhama alhta apvaa Judas apyacmo Jesús. Aptomjac alhta appayvesa: —Visqui, lhip nac —alhta aptomjac. Yejemoc alhta appitsisa Judas apmalhimpenic Jesús.

SAN MARCOS 10:17

Apquimpaclhec alhta mocjam Jesús. Yejemoc alhta apquinincantamo lhama enlhit. Apquilticlhiquic alhta aptapnaoc nalhpop apquinmamcaclha. Appamejitsa alhta: —Visqui aptamalma. ¿Jalhco sat otnejic, yoyam momasquingvomoc? —alhta aptomjac.

SAN MARCOS 12:13

Natamin apquilapajasomacpo alhta apnaclha Jesús fariseos najan napocja Herodes apquilancam. Apquililtamjoc alhta elsilhnana.

SAN MARCOS 12:14

Apquilvoctac alhta apnaclha apquilpamejitsa: —Visqui, ningyasamcoc nincoo, lhip actomja nasoc anco appayvam. Am ingyacac lhip apnaymacoc. Am etnajac lhip apquilayo enlhit. Inpeyvoc lhip singillhicmoscama Dios amay pac. ¿Ingvanqui ya ongilmesic solyayem impuesto apvisqui César co Roma, inlhoyqui laa mongvanqueje? —alhta apquiltomjac.

SAN MARCOS 3:6

Yejemoc alhta apquilantepa fariseos. Apquilpamejitsacpec alhta Herodes apnaymacoc. Apquililtamjoc alhta elajic Jesús.

SAN MARCOS 8:15

Aptomjac alhta Jesús: —Elavojo anco quellhip quilpasmongam apquimpascaoc fariseos najan Herodes.

SAN LUCAS 20:21

Apquiltomjac alhta apquilanya: —Visqui, ningyasamcoc nincoo, lhip actomja acpeyvomo anco appayvam. Nasoc anco lhip aptemaclha apquillhicmoscama. Am najan colhenac apvalhoc apquiltemaclha enlhit. Inpeyvoc singillhicmoscama Dios amay pac.

SAN LUCAS 7:40

Yejemoc alhta aptomjac apcanya Jesús: —Simón, yitnec coo amyaa, yoyam oltimnacsic lhip —alhta aptomjac. Apcatingmavoc alhta fariseo: —Visqui, jeltimnas —alhta aptomjac.

SAN JUAN 14:6

Apcatingmavoc alhta Jesús: —Coo sictimem amay najan actomja nasoc anco najan acyimnatem ingnenyic. Am sat ancoc jeyotac coo enlhit, copvanquejec eyoclhac apnaclha coo Tata.

SAN JUAN 18:37

Aptomjac alhta mocjam Pilato: —¿Naso ya aptomja lhip Apvisqui? —alhta aptomjac. Apcatingmavoc alhta Jesús: —Naso coo sictomja Visqui. Acvaac coo aso nalhpop ayinyema sictiyam alhta sictomja enlhit. Altamjoc olngacsic amyaa actomja nasoc anco. Apquiljalhnoc mataa sicpayvam enlhit apquiltomja apquilyajayquiclho amyaa actomja nasoc anco —alhta aptomjac.

SAN JUAN 7:18

Apquiltamjoc mataa ingyajacpojo enlhit aptomja apquillhicmoscama ayinyema apvalhoc apanco. Coo eyca mataa ongvavojo coo Tata aptomja seyapajascama. Nasoc anco siclhanma, am coyitnac evalhoc actemaclha sicyinimquiscama.

2 CORINTIOS 2:17

Naso, apquilpayesquic mataa Dios appayvam napocja enlhitaoc, malha apquilyanmongsomap. Nincoo eyca am ongilyanmongsalhcac mataa. Ningiltimnasquic nincoo mataa Dios appayvam naysicsa actamilaycam ingvalhoc ningiltomja singilasinaycam Dios. Ningiltimnasquic mataa napato Dios ningiltomja ninpasmeyquiclha Cristo.

2 CORINTIOS 4:2

Am ongilyilhascasac mataa nintemaclha yoyam mongilmancayc nincoo. Am ongilyiplovcasac mataa actemaclha ningyinimquiscama, am najan ongilyitnocjasac mataa Dios appayvam. Ninlingasquic mataa amyaa actomja nasoc anco. Apquilyasamcoc najan aplhamoclhojo enlhitaoc ayinyema alyascamco anco apquilvalhoc napato Dios.

2 CORINTIOS 5:16

Am colhenac mataa ingilvalhoc actemaclha apyimpejic enlhit aptomja ningvitay. Am najan colhenac mataa ingilvalhoc actemaclha apyimpejic Cristo ningvitay alhta naysicsa aptiyascam.

GALATAS 1:10

Apquillingac quellhip siclhanma. Noelane nasa eltimjic selayo enlhitaoc yoyam jelavojoc. Altamjoc coo mataa otnejic apmayjayoclha Dios. Altamjoc sat ancoc elyispac sictemaclha enlhitaoc yoyam eltimjic selayo, comascoc sat cotnejic sicvisay Cristo apquilancam.

GALATAS 2:6

Apcaneclhec alhta apquilimja apmamyi apquiltomja malha apquilyimtalhnamo. Am najan colhenac apvalhoc Dios actemaclha apquilvisay apquilyimtalhnamo. Am najan coo lha colhenac evalhoc apquilvisay apquilyimtalhnamo as enlhitaoc. Am alhta jeltimnasac apquilimja apmamyi alhnancoc singanamaclha najan singascamaclha.

DEUTERONOMIO 33:9

Apquiltomjac nat apquilanya apyapmayc: Mongvitayac mataa quellhip. Apquiltomjac nat apquilanya apquilyalhing: Paj ongyicpilcac mataa quellhip. Apquiltomjac nat apquilanya apquitquic: Paj ongilyasamcoc apquilinyemayaclha — nat apquiltomjac. Apquilyiplovcasquic mataa lhip appayvam levitas, am nat enatovasac mataa pacto singanamaclha lhip.

1 TESALONICENSES 2:4

Apcanayquic alhta Dios mongilaponcanalhca nincoo. Ingilasinaquic alhta yoyam onlingacsic tasic amyaa. Ningilyajaclhoc nincoo actemaclha singanama. Am ongiltamjoc yoyam jingilyispa enlhitaoc. Ningiltamjoc eyca yoyam eyispac Dios aptomja apyicpilquemo ingilvalhoc nincoo.

SANTIAGO 3:17

Eyca ningyascamcolhma ayinyema netin acvisay mepqui nintamongvaycmolhma najan mepqui ningilatingmomalhca. Acvisay najan ningiltamilcasomalhco inganco najan nintemaclha ningilyajayquiclho. Acvisay najan ningamliyam najan ningyiplovquiscama actamila. Acvisay najan mepqui acyasquiyam ingvalhoc najan mepqui anit ingvalhaoc.

1 SAN JUAN 5:20

Ningyasamcoc najan: Apvaac nat Dios Apquitca yoyam jingilyascasingvomoc nincoo. Apquiltamjoc ongilyicpilcangvomoc Dios aptomja nasoc anco. Ningilpasmec mataa aptomja nasoc anco apvisay Jesucristo Dios Apquitca. Eyca as apvisay Dios aptomja nasoc anco najan apvisay apyimnatescama ingnenyaoc cotmongvoycamlha nelha.