SAN MATEO 21:5 - Enhlit Bible

⁵ Eliltimnasquiclha sat enlhitaoc tingma Sión: “Quip elanojo, apquilhyacmec quellhip Visqui apancaoc. Mengyajamacpo apanco. Apquinamtem yamelyeyjaycoc ayitcoc. Acmovan colpatmam inyapmoc” —nic nat intomjac appayvam.

SAN MATEO 21:5 Iomraidhean Croise

GÉNESIS 49:10

Copvanquejec lhama enlhit eyinyovsic apmaycam apmic memong yayem vajic. Evac sat actomja apancoc apanco memong yayem vajic. Elyejiclhojoc sat aplhamoclhojo enlhitaoc.

2 SAMUEL 16:2

Aptomjac nic nat apvisqui apcanya Siba: —¿Jalhcojo sat esaclhesic? — nic nat aptomjac. Apcatingmavoc nic nat Siba: —Yamelyeyjaycoc etnejic sat apanco lhip apvisqui najan apquillhalhmaa. Nintom pan najan acyilhna eltovamcoc sat apquillhalhmaa. Uva ayingmenic elyinamcoc sat apquiltomja apquilyampay yoclhilhma actamopeycaoc — nic nat aptomjac Siba.

1 REYES 1:33

Aptomjac nic nat apvisqui apquilanya: —Elansiclha sat apquilyimtalhnamo apquilviscaa. Elane sat ingyinamtic sictamongvoyam Salomón sictoscama yeyjaycoc. Elpeyvojo sat payjoc Gihón.

1 REYES 10:26

Apcansaclhec nic nat apvisqui Salomón carros najan nolhing apcapaoc. Yitnec nic nat mil cuatrocientos carros najan doce mil nolhing apcapaoc. Jave ilhnic nat apquilpalhcomap singilpilhtetemo netin carros, najan nolhing apcapaoc, eycaso apnam nic nat tingma Jerusalén apvisqui tingma pac.

SALMOS 9:14

Yoyam olngacsic sat lhip mayayo nipyesicsa tingma Jerusalén. Silinyejemo coo ayinyema sevomquiscama tap.

ISAÍAS 12:6

Elilpalhamam sat quellhip apnaycam tingma Jerusalén. Apnec nipyesicsa quellhip Dios Visqui ingac aptomja apyimtalhnamo apanco, apvisay Santo mayayo — sat eltimjic quellhip — nic nat aptomjac profeta.

ISAÍAS 40:9

Quellhip co Sión. Elquinamit sat netin inquilhe acvinatem eliltimnacsic tasic amyaa. Quellhip co Jerusalén. Eliltimnas sat tasic amyaa, elyimnaticsojo apquilpayvam. Noncoltamjam nasa apquilvalhoc. Elyimnaticsojo apquilpayvam. Eliltimnas sat aplhamoclhojo tingma Judá apmolhama. Quip elanojo. Apquilhyacme Dios quellhip Apvisqui apancaoc.

ISAÍAS 62:11

Colngalhcac sat lhalhma anco as nalhpop Visqui ingac apayvam: Eliltimnas sat tingma Jerusalén apvactama singvomquiscama tap, apnalayquinta enlhit apancaoc apquilmomap siclho — aptomjac Visqui ingac.

EZEQUIEL 34:24

Nasoc coo sicpayvam, coo sat otnejic Dios Visqui apancaoc, najan apvisqui rey etnejic sat silyacyescama, apna ilhnic nat David.

EZEQUIEL 37:24

Lhama sat etnejic apvisqui apancaoc, apno ilhnic nat apvisqui David. Elyiplovcasojoc sat siyanamaclha coo najan siyascamaclha.

OSEAS 1:7

Ongvasicjiclhojoc sat mocjam apquilmolhama Judá, olvomsic sat tap maa, sicvisay Dios Visqui apancaoc. Cotnejic sat mepqui apquilimpocjay, mepqui pilhpaalh, mepqui sovo acvinatem, mepqui nolhing apcapaoc — nic nat aptomjac Dios Apyimtalhnamo.

MIQUEAS 5:2

Tingma Belén yoclhilhma Efrata, apquitcoc as tingma nipyesicsa apquilmolhama Judá. Ingyinyemac sat maa apvisqui apancaoc Israel. Apvisay aptavin niptamin apquilyeyjamcaa nanoc nat.

NÚMEROS 24:19

Apvisqui apyimnatem apanco nipyesicsa Jacob apquilmolhama. Enatovacsic sat apnaycam tingma apvanyam — nic nat aptomjac Balaam.

SAN MATEO 11:29

Elpatmiclha sat yispaoc ajac sicmescama quellhip, yoyam elyinyovacsic. Elyasingvom sat sictemaclha ajanco. Actamilaycam evalhoc najan cajamalhco evalhoc coo. Comascoc sat alyajapmo apquilvalhoc.

SAN MATEO 2:2

Apquiltomjac alhta apquilanya: —¿Co lha apyitna sicaa quilhvo aptiyam, yoyam etnejic apvisqui nipyesicsa judíos? Ningvitac nincoo apyova apanco actiyapmaclha acnim. Nintiyaningvavoc nincoo asi, yoyam ongilpayicsojo Visqui apjalhnancoc —alhta apquiltomjac.

SAN MATEO 2:6

Lhip tingma Belén yoclhilhma Judea. Jave lhip tingma meyoy, am elhno aplhamoclhojo tingma Judá apcaoclha. Sat ingyinyema Apvisqui as tingma. Eltamilsic sat enlhitaoc Israel, coo enlhit ajancaoc —nic nat intomjac appayvam Visqui ingac.

SAN MATEO 21:6

Apquillhinquic alhta apquiltamsoycaoc. Apquilyajaclhoc alhta actomjaclha appayvam Jesús.

SAN LUCAS 24:27

Yejemoc alhta apquilhicmosa actemaclha ilhnic nat appayvam Moisés najan aclhamoclhojo profetas appayvam Dios apquillingascama. Apcajasoc alhta Jesús aplhena actemaclha aclhanma vaycajac aplhenamap.

SAN JUAN 1:49

Aptomjac alhta mocjam Natanael: —Singillhicmoscama, lhip nac aptomja Dios Apquitca. Lhip aptomja enlhitaoc Israel Apvisqui apancaoc —alhta aptomjac.

2 CORINTIOS 10:1

Coo sicvisay Pablo. Altamjoc oltimnacsic quellhip sicpayvam. Inlhenquic evalhoc aptemaclha Cristo actemaclha actamilaycam apvalhoc. Pac olhnasojoc coo lha naysicsa siclhanma. Aclingac coo siclhenomalhca sictomja mepqui sicyimnatem naysicsa sicma nipyesicsa quellhip. Apquiltomjac alhta selhena: Aplhinquic sat ancoc mocjay poc tingma, coyiplovjoc sat apyimtalhnesomacpo apanco Pablo —nic alhta apquiltomjac selhena coo.

DEUTERONOMIO 17:16

Copvanquejec apvisqui rey elhamasiclha apnatoscama nolhing. Copvanquejec elapajacsic yoclhilhma Egipto, elyanmongsic nolhing etnejic apnatoscama. Aptomjac alhta singilanya Dios: Noeltajojo nasa Egipto cotmongvoycamlha nelha — alhta aptomjac.

JUECES 12:14

acvaycmo ocho años. Apnam nic nat cuarenta apquitquic najan treinta aptovana. Inyancac nic nat aptoscama yamelyeyjaycoc moclhama apquilmolhama.

JUECES 5:10

Eltime apquilayo quellhip apquilquinamtem yamelyeyjaycoc almopoy. Najan maa quellhip apnaycam nintajanma altamila. Najan maa quellhip apquillhingam nalhpop amay.