SAN MATEO 21:41 - Enhlit Bible

⁴¹ Apquilatingmavoc alhta enlhitaoc: —Eyanmoncasiclhac sat apquiltemaclha enlhit apquilmapsomcaa. Emquesic sat apvisqui uva avjac apnaymacoc apquilmaycam siclho uva avjac. Elhquiclhac sat mataa acyilhna acyanmongam apquilmaycam siclho uva avjac —alhta apquiltomjac.

SAN MATEO 21:41 Iomraidhean Croise

SALMOS 2:9

Eyanmongsiclhac sat lhip apquiltemaclha maa. Itipilcam sat memong yayem vajic. Iltipilcam sat enlhitaoc malha ningilpalhcatma yatingvalhva sat cotnejic — alhta aptomjac.

ISAÍAS 65:15

Colhic sat alvennamcaa quellhip nipyesicsa enlhitaoc silyacyescama. Ingyitsapoc sat lhip. Dios Visqui ingac sat ingyajic — sat eltimjic mataa. Moc actemaclha apquilvisay sat colhic altamjamco selancam coo.

DANIEL 9:26

Natamin sesenta y dos semanas ematong sat apvisqui mayayo. Etvasacpoc sat tingma apponquinomap najan apyovoclhojo tingma Jerusalén, ayinyema cotnaja ingmoc apvisqui najan apnaymacoc. Colhic sat acnatovasa acyovoclhojo asoc. Cotningvomoc sat nelha, acno aclhanma ilhnic nat apvalhoc Dios.

ZACARÍAS 12:12

Moclhama familia apquilmolhama cotalhcac sat acmayovsa apquilvalhoc: David aptovana niptamin najan apnatamcaa cotnaja alpalhquemalhca. Natán aptovana niptamin najan apnatamcaa cotnaja alpalhquemalhca.

ZACARÍAS 13:8

Inquitlhincasquic esovjacpoc apticyovam enlhitaoc, elaymacpoc sat napocja, malha tercera parte. Ongvapajacsic sat elmilanic talha as apquilaymomap. Ongvalhnasiclhac sat apquilvalhoc, acno ningalhnascama plata naysicsa talha najan actemaclha oro alyinmom. Jelilmalhnac sat yoyam opasmoc, coo eyca opasingvoclhac sat. Eltamjacpoc sat: Sicmolhama enlhit. Jeltimjic sat: Dios Visqui ingac — sat eltimjic. Naso coo sicpayvam sicvisay Visqui sicyimtalhnamo — alhta aptomjac.

SAN MATEO 21:34

Invocmec nic nat mocjitma acnaclhomalhquilha acyilhna. Apquilapajasquic nic nat apquilancam apnamcaclha apquiltamjaycam enlhit. Apquiltamjoc nic nat apvisqui emiclhac nicja uva acyilhna acyanmongam apquilmaycam siclho uva avjac.

SAN MATEO 21:40

Aptomjac alhta Jesús apquilanya enlhitaoc: —Apvoctac sat ancoc apvisqui actomja apanco uva avjac. ¿Jalhco sat etnesquisic as apquiltamjaycam enlhit? —alhta aptomjac.

SAN MATEO 21:43

Actomjac coo silanya quellhip: Comascoc sat acna Dios apquilnancascama nipyesicsa quellhip. Elmesiclhac sat Dios Ingyapam poc enlhitaoc. Ellanac sat apquiltamjaycam altamila.

SAN MATEO 3:12

Apmaycam pala acpayjem apmic. Ingyimpocsic sat motajap apyimpeoc. Ingyicjecsic sat motajap apactic congne tingma. Evatniclhac sat apyimpeoc talha, cosponejec sat —alhta aptomjac Juan.

SAN LUCAS 20:16

Elnajapvotac sat apquiltamjaycam enlhit. Emquesic sat moyayit uva avjac apnaymacoc —alhta aptomjac. Lhama alhta apquillinga appayvam, apquiltomjac alhta: —Nongyane nasa cotnejic aplhena nac lha —alhta apquiltomjac.

LOS HECHOS 15:7

Avanjec alhta apquilpamesma poc. Yejemoc alhta apquinmaclho netin Pedro apquiltimnasamcaa: —Elyalhinga, apquilyasamcoc quellhip. Eyacyesquic coo siclhoc anco Dios Ingyapam nanoc alhta. Apquiltamjoc otnejic sicsoycam tasic amyaa nipyesicsa metnaja judíos, yoyam eltimjic melyasquiyam tasic amyaa.

LOS HECHOS 18:6

Yejemoc alhta apquilinmelhamcaa judíos. Apquilyamnam alhta. Yejemoc alhta appalhnilhcamcaa aptalhnama Pablo. Aptomjac alhta apquilanya: —Quellhip ayinyema apquilsilhnanomap apanco. Am cotyemeje evalhoc. Pac oyacsic sat quilhvo nipyesicsa metnaja judíos, yoyam olhicmocsic mataa —alhta aptomjac.

LOS HECHOS 28:28

Elyasamcojo anco quellhip: Tasic amyaa ayinyema Dios Ingyapam actomja ayapajasomalhca nipyesicsa metnaja judíos. Elaylhojoc sat maa metnaja judíos —alhta aptomjac Pablo.

LOS HECHOS 28:8

Ningmasquem alhta incajac Publio apyap. Acmelhanma apyimpejic alhta intomjac najan ningyanma. Yejemoc alhta aptiyaningvocmo Pablo. Apquilmalhnescasquic alhta. Apninquinquic alhta apmeoc tacjaplhit acmasca apyimpejic. Yejemoc alhta aptamalvocmo.

1 TESALONICENSES 2:16

Apquilmiyovquic alhta yoyam ongiltimnacsic tasic amyaa nipyesicsa enlhitaoc lhalhma anco yoyam elvomsacpoc tap. Inyangvocmec tap melyascalhma ayinyema apquiltemaclha apanco. Invaac quilhvo nac jay apyanmongsayclha Dios apquiltemaclha judíos yoyam elnatovasacpoc.

HEBREOS 12:25

Eltamilsojo quellhip. Noelyinyov nasa aptomja singilpamejitquiscama. Apquilyinyovquic nic nat enlhitaoc Israel apvisqui apancaoc Moisés aptomja aplingascama apmayjayoclha Dios nipyesicsa. Apyanmongsaclhec nic nat Dios apquiltemaclha apancaoc enlhitaoc Israel. Ningyinyovquic sat ancoc Jesús aptomja singilpamejitquiscama apna netin, coyangvomoc sat apyanmongsayclha Dios nintemaclha inganco.

HEBREOS 2:3

Ningiltomjac sat ancoc ningvinéycam nincoo ningilvomsomalhca tap acyiviy anco, mongvanquejec ongilinquitalhca. Ayinyemaclha Visqui ingac aptomja singlingascama siclhoc anco as amyaa ningilvomsomalhca tap. Natamin apquiltomja najan singlingascama poc, apquiltomja alhta apquillingay amyaa ayinyema Visqui ingac.