SAN MATEO 21:12 - Enhlit Bible

¹² Aptalhningvoclhec alhta Jesús congne Dios tingma apponquinomap. Apquilapajasquic alhta enlhit apquilyanmongsomap congne. Apquilyanincasamquic alhta mesa apancaoc apquilyanmonquiscama moc solyayem. Apquilyanincasamquic alhta apquiltajanem enlhit apquilhacjam yamvalhaay.

SAN MATEO 21:12 Iomraidhean Croise

ÉXODO 30:13

Moclhama enlhit mactalhescama apvisay eyinyoc sat acyanmongam contribución napato Dios cinco gramos de plata, actomja nalhit solyayem alyipsatomalhca carpa apponquinomap.

LEVÍTICO 1:14

Elyacyes sat aptoscama sapop, tasic najan valhaay, etnejic macmescama Dios actemaclha holocausto, ematong sat acyanmongam melyascalhma.

LEVÍTICO 12:6

Insovjalhquic sat ancoc acnim actanovmalhca quilvana napato Dios, ayinyema actimquiscama ayitca apquinavo, najan quilvana ayitcoc. Incaymalhquic cotingya asoc macmescama Dios, payjoc apatong carpa apponquinomap. Cotnejic sat macmescama Dios lhama nipquesic apquitcoc un año, ematong actemaclha holocausto malvatnama talha, najan lhama valhaay, najan maa sapop. Colhic acmesa sacerdote.

LEVÍTICO 12:8

Am sat ancoc eyancac actoscama nipquesic, avanquic as quilvana cotingyac apcanit sapop, tasic najan apcanit valhaay, lhama sat cotnejic actemaclha holocausto, poc sat cotnejic macmescama Dios acyanmongam coyascalhma. Elmalhnesquisic sat sacerdote, comascoc sat actanovmalhca quilvana napato Dios — nic nat aptomjac.

LEVÍTICO 14:22

Mocjam apcanit sapop macmescama Dios, tasic najan apcanit valhaay. Lhama sat cotnejic macmescama Dios acyanmongam meyascalhma, poc sat cotnejic macmescama Dios holocausto malvatnama talha.

LEVÍTICO 14:30

Natamin etingyac sat sacerdote lhama sapop, tasic najan lhama valhaay.

LEVÍTICO 15:14

Vocmec sat ancoc ocho (octavo) acnim etingyac sat apcanit sapop, tasic najan apcanit valhaay, esaclhac sat payjoc apatong carpa apponquinomap, colhic sat acmesa sacerdote, napato Dios.

LEVÍTICO 15:29

Cotingyac sat as quilvana, acvocmo inlhojo ocho acnim, apcanit sapop, najan apcanit valhaay, comquesic sat sacerdote payjoc apatong carpa apponquinomap.

LEVÍTICO 5:11

Am sat ancoc coyitnac solyayem enlhit eyanmongsic sapop najan valhaay, incaymalhquic enlhit etingya dos kilo harina motajap. Apvamlha maa, mepqui aceite najan mepqui asoc acmasis, ayinyema acvisay macmescama Dios acyanmongam apsilhnanomap apanco.

LEVÍTICO 5:7

Am sat ancoc coyitnac solyayem enlhit eyanmongsic nipquesic apquitcoc, apvanquic etingya sapop, tasic najan valhaay, etnejic macmescama Dios acyanmongam meyascalhma (apsilhnanomap apanco), poc sat actemaclha holocausto macmescama Dios.

SAN MARCOS 11:11

Lhama alhta apvaclho Jesús Jerusalén. Aptalhningvoclho alhta tingma apponquinomap. Apquilyacyesam alhta aclhamoclhojo asoc maa. Intalhnacmo alhta aptepa aptajaclho Betania. Apquillhalhmaa alhta doce apquiltamsoycaoc.

SAN LUCAS 2:24

Inquililtamjoc alhta najan colmesic asoc ningmescama Dios. Actemaclha nic nat apcanama Dios Ingyapam. Elmesaoc sat apcanit sapop inlhoyqui laa apcanit valhaay apquitcoc —nic nat intomjac vaycajac apcanama Dios Ingyapam.

SAN JUAN 2:13

Camquitvocmec alhta pascua judíos caya apancaoc. Apmiyaclhec alhta Jesús tingma Jerusalén.