SAN MATEO 20:7 - Enhlit Bible

⁷ Apquilatingmavoc nic nat: “Am evac lhama, yoyam jingilanic ongiltamjam” —nic nat apquiltomjac. Yejemoc nic nat apquilanyamcaa: “Ingva, eltiyaningvomjo quellhip lha eltamjam uva avjac. Olmesic sat acyanmongam acvamlha siclhanma olmesic” —nic nat aptomjac.

SAN MATEO 20:7 Iomraidhean Croise

ECLESIASTÉS 9:10

Pac ongilvascapoc mocjam ningillanay asoc ningilanyomalhca ongillana. Ningatoynalhquic sat ancoc actomjaclha nelha acnim, comascoc sat ningiltamjaycam, najan aclhanma ingilvalhoc, najan acyascamco ingvalhoc, najan ningyicpilquemo.

SAN MATEO 20:1

Visqui netin apquilnancascama acyitsomalhco apmolhama apyap malha apvisqui. Aplhinquic nic nat alhtooc anco, yoyam etingyam enlhit apquiltamjaycam uva avjac.

SAN MATEO 20:6

Yicpintama actalhnama acnim nic nat apvitangveclho mocjam enlhit mepqui apquiltamjaycam. Aptomjac apvisqui apquilanya enlhitaoc: “¿Soctomja apcanamcaa nac aso aclhamoclhojo acnim mepqui apquiltamjaycam?” —nic nat aptomjac.

SAN MATEO 20:8

Intalhnec nic nat acnim. Aptomjac nic nat apvisqui apcanya apquimja apmamyi: “Ilevam sat apquiltamjaycam enlhit. Ilmes sat acyanmongam apquiltamjaycam. Ilmes sat apmamyi acyanmongam apquiltomja apquiltamjaycam alhayi. Alhayi sat ilmes acyanmongam apquiltomja apquiltamjaycam apmamyi” —nic nat aptomjac.

SAN JUAN 9:4

Acnim anco mocjam. Incaymalhquic ollanac aptamjaycam aptomja seyapajascama. Cotnejic sat alhtaa, mongvanquejec yoyam ongiltamjam.

LOS HECHOS 4:16

Apquiltomjac alhta: —¿Co sat ontimesquisic as enlhitaoc? —alhta apquiltomjac. Apquilyasamcoc najan aplhamoclhojo enlhitaoc co Jerusalén actemaclha apquillanay asoc monquinatquiscama. Mongvanquejec ongyilhasquisojo.

ROMANOS 16:25

Pac ontimjic ningayo Dios. Apvanquic eyimnaticsojoc apquilvalhoc quellhip ayinyema tasic amyaa aplhenamap Jesucristo. Eycaso apquillinga alhta quellhip siclingascama coo nipyesicsa. Asoc actomja acyilhomalhca ayenmoclha siclhoc anco aptomja singillhicmoscama Cristo.

EFESIOS 6:8

Apquilyasamcoc quellhip. Ellhovac sat moclhama acyanmongam ayinyema Visqui ingac acyanmongam apquiltamjaycam actamila. Ellhovac sat apquilancam apquilmomap najan poc enlhitaoc metnaja apquilmomap.

COLOSENSES 1:26

Eycaso actomja ilhnic nat acyilhomalhca nipyesicsa enlhitaoc apquileyvam nano. Quilhvo eyca apquilyicpilcangvocmo apquiltomja Dios apquilyacyescama ayinyema Dios apquilyascasingvoyam.

HEBREOS 6:10

Dios aptomja appeyvomo. Colvonquemejec mataa Dios apquiltemaclha alhta quellhip apquilasicjayo najan apquilpasmom ingilyalhinga ayinyema apvisay apanco. Najan actemaclha apquilpasmom ingilyalhinga quellhip quilhvo nac jay.