SAN MATEO 2:23 - Enhlit Bible

²³ Lhama alhta apvoclho maa. Apnaclhec alhta tingma Nazaret. Invocmec alhta nelha apquillhanma profetas Dios apquillingascama: —Iltamjacpoc sat apvisay nazareno —nic nat intomjac appayvam.

SAN MATEO 2:23 Iomraidhean Croise

NÚMEROS 6:13

Insovjalhquic sat ancoc tiempo apponquinomap apanco aptimem nazareo napato Dios, incaymalhquic emyaclha carpa apponquinomap, esaclha macmescama Dios.

SAN MATEO 1:22

Eycaso invitalhquic alhta. Invocmec nic nat nelha Visqui ingac appayvam aplhanma ilhnic nat profeta Dios aplingascama, yoyam cotnejic:

SAN MATEO 21:11

Apquiltamjoc alhta enlhitaoc: —Jesús nac, profeta Dios aplingascama. Tingma pac Nazaret yoclhilhma Galilea —alhta apquiltomjac.

SAN MATEO 26:71

Apquiningvocmec alhta Pedro tingma apatong. Yejemoc alhta acvita moc quilvana. Intomjac alhta alanya enlhit apnaycamo lhama: —Aplhalhma alhta najan Jesús co Nazaret as enlhit —alhta intomjac.

SAN MARCOS 1:24

—Jesús co Nazaret. ¿Soc pa jintimesquisic nincoo? ¿Apvaa ya lhquip, yoyam jingilmascoscomoc? Acyicpilcoc lhip, Dios Apponcanma nac lhip —alhta aptomjac.

SAN MARCOS 1:9

Lhama acnim alhta aptepa Jesús tingma Nazaret yoclhilhma Galilea. Apmiyaclhec alhta apnaclha Juan. Apyapasacpec alhta yingmin Jesús vatsam Jordán. Juan alhta apyapasquiscama yingmin.

SAN LUCAS 1:26

Apvocmec alhta seis piltin. Apcapajasquic alhta Dios Ingyapam lhama ángel apcasinancama apvisay Gabriel. Apcanayquic alhta eyacsic tingma apvisay Nazaret yoclhilhma Galilea.

SAN LUCAS 18:37

Apquilatingmavoc alhta: —Jesús co Nazaret lhac apyeycaac apnaclha —alhta apquiltomjac.

SAN LUCAS 2:39

Lhama alhta acsovjalhco asoc actemaclha apcanama Dios Ingyapam. Aptajaclhec alhta José najan María actomjaclha apcaoclha tingma Nazaret yoclhilhma Galilea.

SAN JUAN 18:5

Apquilatingmavoc alhta singilpilhtetemo: —Jesús co Nazaret ninquitamac —alhta apquiltomjac. Apcatingmavoc alhta Jesús: —Coo nac aso —alhta aptomjac. Apcanvocmoc alhta lhama apquillhalhmaa Judas, aptomja apcanem yoyam emacpoc Jesús.

SAN JUAN 18:7

Yejemoc alhta apquilmalhna mocjam Jesús: —¿So apquiltingya yi? —alhta aptomjac. Apquilatingmavoc alhta: —Jesús co Nazaret ninquitamac —alhta apquiltomjac.

SAN JUAN 19:19

Apcanayquic alhta Pilato, yoyam elyipitsic netin asoc timyescama actalhesomalhca actomjaclha appayvam: “Jesús co Nazaret, judíos Apvisqui apancaoc” —alhta intomjac actalhesomalhca.

LOS HECHOS 2:22

“Quellhip enlhitaoc Israel, elaylhojo sicpayvam. Pac olhenic Jesús co Nazaret. Apcasinaquic alhta Dios Ingyapam. Apquiltamjoc alhta etnejic apmopvan aptamjaycam najan aptamjaycam sinpilapquiscama najan asoc monquinatquiscama nipyesicsa quellhip. Eycaso apquilyasamcoc quellhip aptomjaclha Dios Ingyapam.

LOS HECHOS 24:5

Ningvitac as enlhit aptomja apmapsom (malha apsoycam ningmasquem). Aptomja mataa Pablo apquillanay quimpocjacme nipyesicsa judíos lhalhma anco. Aptomja Pablo lhama apvisqui apancaoc apquilvisay nazarenos.

JUECES 13:5

Etnejic sat quilhva aptiyam apponquinomap napato Dios, moc apvisay nazareo. Copvanquejec mataa etingyasquisic apyisem apquitcoc. Etnejic sat apyimtalhnamo, elvomsic tap enlhitaoc Israel nipyesicsa filisteos — nic nat aptomjac ángel.

1 SAMUEL 1:11

Intomjac nic nat almalhnancama Ana: Dios Apyimtalhnamo. Jelanojo coo, nojetanov nasa sicvisay silancam lhip. Jetingyasquis sat sictamongvoyam. Etnejic sat lhip apanco, etnejic sat lhip apquilancam. Mepqui apyisem sat cotnejic apcatic, yoyam cotnatsalhquejec mataa, aptomja lhip apquilancam — nic nat intomjac almalhnancama.