SAN MATEO 2:13 - Enhlit Bible

¹³ Lhama alhta apquiltajaclho enlhit co actiyapmaclha acnim. Invanmesquic alhta José lhama ángel Visqui ingac apcasinancama. Aptomjac alhta ángel apcanya José: —Ilhaticja, iyantim sat sicaa najan inquin. Ingyinyajas yoclhilhma Egipto. Ilhnim sat maa acvocmo acnim, yoyam ongvanic mocjam lhip. Apquitamquic apvisqui Herodes, yoyam ingyajic as sicaa —alhta intomjac acvanmescama.

SAN MATEO 2:13 Iomraidhean Croise

1 REYES 11:17

Apquinyec nic nat Hadad aptomja ilhnic nat apyimnanic. Apquinyec nic nat yoclhlhma Egipto, apquillhalhmaa napocja apquiltimesaycam apyap ninga.

1 REYES 3:5

Apnec nic nat apvisqui Salomón netin inquilhe Gabaón. Invitac nic nat apvanmoncama alhtaa. Aptomjac nic nat Dios apcanya Salomón: —Jelmalhna sat asoc, momyovejec sat coo — nic nat aptomjac.

JOB 33:15

Alhtaa mataa, naysicsa nintiyanma actomja acvitay ningvanmoncama aptemaclha Visqui ingac singilpamejitquiscama.

JOB 33:17

Elvatesquisic nintemaclha ningmasom, emascocsic ayajamalhco ingilvalhoc.

ÉXODO 1:22

Apcasinnaquic nic nat apvisqui faraón enlhit apancaoc. Aptomjac nic nat apquilanya: —Elyinyov sat nayingmin vatsam moclhama sicaa quilhvoc appaliyam. Elmiyov sat moclhama quilvana ayitcoc acpaliyam — nic nat aptomjac.

SAN MATEO 1:20

Naysicsa allheneycam apvalhoc alhta José, acvanmesa lhama ángel Visqui apcasinancama. Aptomjac alhta ángel apcanya José: —José, lhip nac David aptavin niptamin. Nongya nasa etnejic aptava María. Ayinyemaclha Espíritu Santo aptimesquiscama inlovso.

SAN MATEO 10:23

Apquilminlhinacpec sat ancoc quellhip lhama tingma, elinyi sat, elyas sat poc tingma. Actomjac coo silanya quellhip: Naso, ovotac sat mocjam coo sicvisay Sictiyam Sictomja Enlhit yicpintama elsavojoc quellhip apquileyvam tingma Israel apquilaoclha.

SAN MATEO 2:12

Yejemoc alhta acvanmesa amyaa ayinyema Dios Ingyapam: —Noeltajojo nasa apnaclha apvisqui Herodes —alhta intomjac acvanmescama. Apquiltajaclhec alhta apquilaoclha. Moc amay alhta apquilmiyaclha.

SAN MATEO 2:14

Alhtaa alhta aplhaticja José. Apyantimquic alhta sicaa najan inquin. Apyasquic alhta yoclhilhma Egipto.

SAN MATEO 2:16

Am alhta elvoctac co actiyapmaclha acnim apnaclha apvisqui Herodes. Apquilyinimsam alhta. Aplovquic alhta apvisqui Herodes. Yejemoc alhta apquilapajasa singilpilhtetemo. Apquilanama alhta elnapoc sicaa apquiltomja apquilinava apnaycam tingma Belén najan poc tingma nipyava Belén. Apquilanama alhta elnapoc sicaa apvamlha anit años najan apsilhyavo. Acno acvamlha apquillhanma año co actiyapmaclha acnim apquilvitay siclhoc apyova.

SAN MATEO 2:22

Aplingangvoctac alhta amyaa José aptomjayclha apvisqui yoclhilhma Judea apvisay Arquelao. Herodes apquitca alhta Arquelao apya'monquiscama apyap. Apcacac alhta José emyaclhac maa. Invanmesquic alhta mocjam José. Apcanya Dios Ingyapam eyacsic yoclhilhma Galilea.

LOS HECHOS 10:22

Apquilatingmavoc alhta: —Capitán Cornelio nincoo ningilinyemac. Aptasic maa. Enlhit appeyvomo. Apcacavoc mataa Dios Ingyapam. Apquilasicjavoc mataa aplhamoclhojo judíos. Apvitac alhta Cornelio lhama ángel Dios apcasinancama. Appamejitcasquic nic alhta apcanya eltimnascomoc lhip, yoyam eyacsic lhip Cornelio tingma pac. Apquiltamjoc alhta ingyeylhojo lhip appayvam —alhta apquiltomjac.

LOS HECHOS 10:7

Lhama alhta apvoncapaclho ángel Dios apcasinancama. Yejemoc alhta apquilevamcaa Cornelio apcanit apquilancam najan lhama singilpilhtetemo appeyvomo.

LOS HECHOS 12:11

Apyasingvocmec alhta Pedro. Yejemoc alhta appametamcaa: —Quilhvoc acyasingvocmec actomja nasoc anco aptomjaclha Visqui ingac. Apcapajasqui nac ángel apanco, yoyam jevomsic tap naysicsa yoyam jelajic apvisqui Herodes najan co Judea —alhta intomjac apvalhoc Pedro.

LOS HECHOS 12:7

Yejemoc alhta aptalhningvaa ángel apquinyema Visqui ingac. Inquilsasquic alhta olhma aptenaclha singilpilhtetomaclha. Appatningvocmo alhta ángel Dios apcasinancama Pedro aplhaticjasa. Aptomjac alhta apcanya: —Ingyapajam ilhaticja —alhta aptomjac ángel Dios apcasinancama. Yejemoc alhta aljalhyovasalhco apmeoc cadenas.

LOS HECHOS 16:36

Yejemoc alhta aptomjac singilpilhtetomaclha avisqui ac apcanya Pablo: —Apquilapajasquic amyaa singyicpilquemo, yoyam olantipsic quellhip. Elanteyip, eltajiclha quellhip. Eltamilsojo sat apquilvalhoc —alhta aptomjac.

LOS HECHOS 5:19

Alhtaa alhta intomjac apvaa ángel Visqui ingac. apcasinancama. Aplicasquic alhta atong singilpilhtetomaclha apquilantipsa. Aptomjac alhta apquilanya:

LOS HECHOS 7:19

Apquilyinimcasam nic nat apvisqui ningilyeyjamcaa. Apnatovasquic nic nat. Apcanayquic nic nat elajic sicaa quilhva appaliyam.

JOSUÉ 3:13

Esovc sat sacerdotes yamit aysicsic actomja apanco Dios Apyimtalhnamo as nalhpop. Apquiltamac'ac sat ancoc sacerdotes yingmin vatsam Jordán, coyaptalhcac sat nalhit yingmin. Nitnoc sat coytic yingmin moc nicja ayinyemayaclha yingmin — nic nat aptomjac Josué.

JOSUÉ 3:17

Apquilsovquic nic nat sacerdotes yamit aysicsic. Apca'nam nic nat naysicsa vatsam acyamac'aclha. Apsovjacpoc nic nat enlhitaoc apquiltamac'a acyamac'aclha nalhit vatsam.

JOSUÉ 4:10

Apquilsovquic nic nat sacerdotes yamit aysicsic acyitnamaclha Dios appayvam. Apcanam nic nat naysicsa vatsam. Invocmec nic nat aclhamoclhojo actemaclha Dios appayvam apcanama Josué yoyam eltimnacsic enlhitaoc. Invocmec nic nat actemaclha Moisés appayvam apcanama Josué. Apquilpecjasquic nic nat enlhitaoc. Apquiljalhtipilhquitquic nic nat vatsam.

JOSUÉ 4:18

Apquilsovquic nic nat sacerdotes yamit aysicsic. Apquilyinyovquic nic nat apcanamcaclha vatsam Jordán. Apquilyipjongvocmec nic nat mepqui lha yingmin. Yejemoc nic nat acyaveclho mocjam yingmin. Inyejingvocmec nic nat yingmin nicja vatsam.

EL APOCALIPSIS 12:14

Yejemoc alhta aclhoca quilvana anit alhimpancoc alvinatem. Mama apyiviy alhta aplhimpancoc. Yoyam comyaclhac mocjam yoclhilhma actamopeycaoc, acmaclha alhta tres años y medio. Aclhoyaclha alhta asoc alaymomalhca. Am alhta covoyacmo nimisma acyiviy.

EL APOCALIPSIS 12:4

Inmacjesam alhta ayicpacyic nipyesicsa apyova netin. Inpalsacmec alhta apyova aplhamoclhojo, malha tercera parte. Appalacmec alhta as nalhpop. Inyinavaac alhta sinavocpo ayinmamcaclha quilvana inlovso. Inquiljalhnec alhta sinavocpo yoyam cotimsic ayitca quilvana yoyam cotoc sat.

EL APOCALIPSIS 12:6

Inquinyec alhta quilvana, yoclhilhma actamopeycaoc alhta inyasac. Invitac alhta quilvana apquillanesquiscama Dios yoyam colhic sat. Yoyam najan colhcac asoc alaymomalhca acvoncaclhojo, acvocmo mil doscientos sesenta acnim.