SAN MATEO 2:12 - Enhlit Bible

¹² Yejemoc alhta acvanmesa amyaa ayinyema Dios Ingyapam: —Noeltajojo nasa apnaclha apvisqui Herodes —alhta intomjac acvanmescama. Apquiltajaclhec alhta apquilaoclha. Moc amay alhta apquilmiyaclha.

SAN MATEO 2:12 Iomraidhean Croise

GÉNESIS 31:24

Alhtaa ilhnic nat intomjac acvanmesa Labán. Invitac nic nat apvanmoncama actemaclha apcanama Dios Apyimtalhnamo. Aptomjac nic nat apcanya: —Quip ingyeylhojo. Itamilsojo sat apvalhoc apnaclha Jacob— nic nat intomjac acvanmesa.

ÉXODO 1:17

Inquilacac nic nat Dios Apyimtalhnamo as quilvanaa. Am nic nat colyajaclhoc actomjaclha appayvam apvisqui co Egipto. Am nic nat colnapac sicaa appaliyam.

DANIEL 2:19

Invitac nic nat apvanmoncama alhtaa Daniel actemaclha amyaa acyilhamalhca. Aptomjac nic nat apcayo Dios.

SAN MATEO 1:20

Naysicsa allheneycam apvalhoc alhta José, acvanmesa lhama ángel Visqui apcasinancama. Aptomjac alhta ángel apcanya José: —José, lhip nac David aptavin niptamin. Nongya nasa etnejic aptava María. Ayinyemaclha Espíritu Santo aptimesquiscama inlovso.

SAN MATEO 2:13

Lhama alhta apquiltajaclho enlhit co actiyapmaclha acnim. Invanmesquic alhta José lhama ángel Visqui ingac apcasinancama. Aptomjac alhta ángel apcanya José: —Ilhaticja, iyantim sat sicaa najan inquin. Ingyinyajas yoclhilhma Egipto. Ilhnim sat maa acvocmo acnim, yoyam ongvanic mocjam lhip. Apquitamquic apvisqui Herodes, yoyam ingyajic as sicaa —alhta intomjac acvanmescama.

SAN MATEO 2:19

Invocmec alhta acnim apquitsepma apvisqui Herodes. Apnec alhta mocjam José yoclhilhma Egipto. Yejemoc alhta acvanmesa José lhama ángel Visqui ingac apcasinancama. Aptomjac alhta ángel apcanya José:

SAN MATEO 2:22

Aplingangvoctac alhta amyaa José aptomjayclha apvisqui yoclhilhma Judea apvisay Arquelao. Herodes apquitca alhta Arquelao apya'monquiscama apyap. Apcacac alhta José emyaclhac maa. Invanmesquic alhta mocjam José. Apcanya Dios Ingyapam eyacsic yoclhilhma Galilea.

SAN MATEO 27:19

Lhama alhta apna Pilato netin aptajanem singyicpilquemoclha. Yejemoc alhta aplinga amyaa ayinyema aptava. Intomjac alhta ayanya: “Etnejic sat apác lha. Enlhit appeyvomo nac lha. Evanmasquic lhac coo alhtaa. Aclingamcoc co acmasca ayinyema sicvanmoncama” —alhta intomjac ayanya.

SAN LUCAS 2:26

Apyicpilcangvocmec alhta Simeón ayinyema Espíritu Santo, yoyam emoncajangvojo. Etamcojoc sat Cristo apquinyema Dios Ingyapam yicpintama ingyitsapoc.

LOS HECHOS 10:22

Apquilatingmavoc alhta: —Capitán Cornelio nincoo ningilinyemac. Aptasic maa. Enlhit appeyvomo. Apcacavoc mataa Dios Ingyapam. Apquilasicjavoc mataa aplhamoclhojo judíos. Apvitac alhta Cornelio lhama ángel Dios apcasinancama. Appamejitcasquic nic alhta apcanya eltimnascomoc lhip, yoyam eyacsic lhip Cornelio tingma pac. Apquiltamjoc alhta ingyeylhojo lhip appayvam —alhta apquiltomjac.

LOS HECHOS 4:19

Yejemoc alhta apcatingmavoc Pedro najan Juan: —¿Soc lha asoc actomja acpeyvomo napato Dios? ¿Pa ya ongilaylhojo quellhip, inlhoyqui laa ongilaylhojo Dios Ingyapam? Elyicpilcojo sat quellhip lha.

LOS HECHOS 5:29

Apquilatingmavoc alhta Pedro najan apnaymacoc apóstoles apquilapajasomap: —Ingvanquic nincoo mongilyejiclhojo enlhit. Eyca Dios mongvanquic mongilyejiclhojo.

1 CORINTIOS 3:19

Aptanovquic mataa Dios actemaclha ningyascamco inganco ayinyema lhalhma anco. Yitnec nic nat Dios appayvam actalhesomalhca: “Dios sat elmoc apquilyascamco apanco ayinyema lhalhma anco naysicsa apquiltemaclha apancaoc. Malha quiljanma acmam asoc sat cotnejic”.

HEBREOS 11:7

Meyasquiyam nic nat innac Noé. Apyasingvocmec nic nat Noé amyaa ayinyema Dios yoyam colvac sat asoc actomja cotamalhca nic nat mocjam. Apquilyajaclhoc nic nat Noé. Apquillanac nic nat barco yamit aysicsic acyiviy yoyam elvomsic tap apmolhama. Am nic nat cotnatsalhcac aptomjaclha Noé yoyam elnatovasacpoc enlhitaoc lhalhma anco. Aptimesacpec nic nat appeyvomo Noé napato Dios ayinyema actemaclha meyasquiyam.

HEBREOS 8:5

Apquiltamjaycam Dios apquilancam congne tingma apponquinomap acyitsomalhca quilaycmasquiscama, malha pisquisca ancaoc asoc acnaycaoc netin. Aptomjac nic nat Dios apcanya Moisés naysicsa apquillanay appaclhanma apponquinomap: “Quip ilanojo, illana sat lhip aclhamoclhojo asoc appaclhanma apponquinomap, actemaclha alhta sillhicmoscama lhip netin inquilhe acvinatem” —nic nat aptomjac.