SAN MATEO 2:11 - Enhlit Bible

¹¹ Apquilantalhningvocmec alhta congne tingma. Apquilvitac alhta sicaa najan inquin María. Apquilticlhicvocmec alhta aptapnaoc apyitnaclha sicaa. Apquilpayasoc alhta sicaa. Yejemoc alhta apquiljalhyovasa asoc apquilsoyam. Apquilmesquic alhta oro asoc almamnave najan asoc masis najan yamit anic acmasis.

SAN MATEO 2:11 Iomraidhean Croise

GÉNESIS 43:11

Aptomjac nic nat apquilyap apquilanya: —Eltime sat quellhip actema nac jay: Elsaclhes sat asoc apquilmescama mepqui acyanmongam apvisqui Egipto. Elsaclhes altamila anco asoc avalhoc yamquintimajac: anit bálsamo yamit ayeyvaoc najan anit yamyovjene apyingmenic najan yamit acyilhna najan almendro yamit acyilhna.

1 REYES 10:10

Intomjac nic nat avisqui acmesa Salomón asoc acmamnave: tres mil novecientos sesenta kilos oro asoc alyinmom. Najan asoc masis cotlaycaoc, najan alnatanma altamila anco. Am nic nat cotamalhca mocjam macmescama cotlaycaoc asoc masis. Quilhvoc anco aplhoy apvisqui Salomón acyivey ayaycaoc avisqui co Sabá.

SALMOS 2:12

Eltime sat apquilayo Dios Apquitca yoyam melvejec sat. Melmasquingvomejec sat naysicsa apquileyvam. Cotlapsic sat ongvita naysicsa aplom. Apquilinyejemoc anco enlhit apquiltomja apquilyilhanmeycam Visqui ingac.

SALMOS 45:8

Asoc masis acticjanma lhip apquilantalhnama (mirra, áloe, conela). Inlingalhquic apquilpayvascama música congne tingma apquiltamila.

SALMOS 72:10

Elhcac sat apvisqui apcaycaoc alinyema apquilviscaa co Tarsis (España) najan apnaycam acyayem lhop. Apcaycaoc alinyema apquilviscaa co Sabá (Arabia) najan co Seba (Etiopía).

SALMOS 72:15

Innec ayaco apvisqui rey. Elhcac sat macmescama oro alyinmom ayinyema Sabá (Arabia). Colhic sat mataa ayaco. Colhic sat almalhnesquisa apvisqui rey.

SALMOS 95:6

Noc, ongilticlhoc intapnaoc yoyam ongilpayicsojo. Ongilticlhoc sat intapnaoc napatoc Visqui ingac, aptomja singilantipquiscama.

ÉXODO 30:23

—Ilyacyes sat lhip asoc acmasis ayinyema plantas yamit: seis kilos mirra acmasis, najan tres kilos canela acmasis, najan tres kilos caña acmasis,

ÉXODO 30:34

Aptomjac nic nat Visqui ingac apcanya Moisés: —Itingya sat moclhama plantas yamit: resina acmasis, uña acmasis, incienso acmasis najan gálbano acmasis.

LOS CANTARES 3:6

¿Soc lha apquilhyam payjoc yoclhilhma actamopaycaoc? Apvitacpec maa naysicsa etin acmiyayclha netin, acvisay etin ayinyema asoc acmasis acmeta najan mirra acmasis acmeta, najan ayinyema aclhamoclhojo actemaclha acpaniyam asoc acmasis.

ISAÍAS 60:6

Elvac sat enlhit apnalayquinta camellos alpatmeyquinta asoc, ayinyema yoclhilhma Madián najan Efa. Elvac sat co Sabá apnalayquinta apnatoscama alpatmeyquinta oro najan asoc acmasis. Ellingacsic sat sictemaclha mayayoclha ajanco.

LEVÍTICO 6:15

Lhama sacerdote elcoc sat harina apyacvom apmic, acyiplomo aceite najan asoc acmasis. Comyetic sat naysicsa talha macmescama Dios, actomja apyisponcama.

MALAQUÍAS 1:11

Innec seyaco coo nipyesicsa enlhitaoc lhalhma anco. Innec seyaco coo lhalhma anco ayinyema apquilvatnama talha asoc masis. Najan ayinyema selmescama asoc altamila sicyisponcama coo.

NÚMEROS 7:14

Mocjam lhama yacvom nintom de oro ciento diez gramos, aclaneyo asoc acmasis.

NÚMEROS 7:86

Mocjam doce cucharones de oro aclaneyo asoc acmasis, acvaycmo ciento diez gramos moclhama, acno balanza del santuario. Acvamlha ilhnic nat oro cucharones acvaycmo mil trescientos veinte gramos.

SAN MATEO 1:18

Eycaso actemaclha alhta aptiyaycamlha Jesucristo. Inponquinalhquic alhta María. Apponcanma alhta José, yoyam etnejic aptava. Am alhta colyimjapac mocjam. Inyasamcoc alhta María actomja inlovso ayinyema apmopvan Espíritu Santo.

SAN MATEO 12:46

‘Naysicsa apquiltimnaycam alhta Jesús acvaa inquin najan apquilyalhinga. Am alhta cotatescaclha apnaclha Jesús. Inquiltamjoc alhta copamejitsic.

SAN MATEO 14:33

Apquilticlhiquic alhta aptapnaoc enlhit apnaycam barco avalhoc. Apquiltomjac alhta apquilanya Jesús: —Nasoc anco aptomja lhip Dios Apquitca —alhta apquiltomjac.

SAN MATEO 2:10

Inquilpayjeclhec alhta apquilvalhoc co actiyapmaclha acnim apquilvitaclho mocjam apyova.

SAN MATEO 2:2

Apquiltomjac alhta apquilanya: —¿Co lha apyitna sicaa quilhvo aptiyam, yoyam etnejic apvisqui nipyesicsa judíos? Ningvitac nincoo apyova apanco actiyapmaclha acnim. Nintiyaningvavoc nincoo asi, yoyam ongilpayicsojo Visqui apjalhnancoc —alhta apquiltomjac.

SAN LUCAS 2:16

Apquilpecjasquic alhta elvita. Apquilvitangvoclhec alhta María najan José najan sicaa apyitna actoycamcolha mocnatoscama.

SAN LUCAS 2:38

Actalhningvactamo alhta Ana. Inlhenquic alhta avalhoc Dios Ingyapam. Aplhenacpec alhta mataa sicaa. Altimnasamcaa alhta innaymacoc aptomja apquiljalhanma ningilvomsomalhca tap tingma Jerusalén.

SAN JUAN 19:39

Apvaac alhta Nicodemo, aptomja alhta apyoyam apmamyi apnaclha Jesús alhtaa aysicso. Apsantac alhta malha treinta kilos panatem acpalhacsomalhca yamit ayingmenic acmasis najan yamit anic acmasis.

EL APOCALIPSIS 19:10

Alpolintac alhta nalhpop apquinmamcaclha ángel yoyam opayicsojo. Aptomjac alhta seyanya ángel: —Notne nasa. Coo najan sictimem silancamo lhama Dios. Acno coo lhip najan apquilyalhinga apquiltomja apquillingascama amyaa ayinyema Jesús. Ipayicsojo sat lhip Dios. Ayinyemaclha apquillingasquic mataa amyaa ayinyema Jesús apquiltomja Dios apquillingascama —alhta aptomjac ángel.

EL APOCALIPSIS 5:8

Lhama alhta apma vaycajac. Yejemoc alhta acnalhpolintamo nalhpop cuatro asoc alyanca maa. Apnalhpolintac alhta najan veinticuatro apquilimja apmamyi apyancaclha Nipquesic Apquitcoc. Yitnec alhta yatalhpong moclhama apquilimja apmamyi. Yitnec najan ingjaycoc oro alyinmom aclaneyo asoc masis. Eycaso acyitsomalhco actemaclha apquililmalhnancama ayinyema Dios apquilyacyescama.

1 SAMUEL 10:27

Apnam nic nat napocja apquilinmelhaycam. Apquiltomjac nic nat apquilanya. —Metnaja apyimnatem Saúl yoyam jingilvomsic tap — nic nat apquiltomjac. Apquilvennam nic nat. Am nic nat elsantimcasac actemaclha ningmescama. Am nic nat ingyajalhnoc Saúl apquilpayvam enlhit.