SAN MATEO 18:7 - Enhlit Bible

⁷ Enlhit layi lhalhma anco apquiltomja apquilsilhnanoncama. Mongvanqui inyicje ma incolhic singilsilhnanoncama. Enlhit layi aptomja apquilsilhnanoncama.

SAN MATEO 18:7 Iomraidhean Croise

GÉNESIS 13:7

Apquilnapacpec nic nat mataa apquiltamilquiscama Abram apnatoscama najan apquiltamilquiscama Lot apnatoscama. Apquileyvec nic nat maa enlhitaoc cananeos najan ferezeos.

2 SAMUEL 12:14

Apcasmesacpec Dios nipyesicsa cotnaja ingmoc, lhip ayinyema aptomjaclha alhta. Aptiyacmec alhta lhip apquitca, ingyitsapoc sat — nic nat aptomjac profeta.

SAN MATEO 16:23

Yejemoc alhta appaycacpo Jesús. Aptomjac alhta Jesús apcanya Pedro: —¡Conyi yavey Satanás! Elyasquilhma coo. Am colhenac apvalhoc lhip Dios apanco asoc. Acvamlha aclhena apvalhoc lhip enlhit apanco asoc —alhta aptomjac.

SAN MATEO 26:24

Ovonquepeclhac sat sicvisay Sictiyam Sictomja Enlhit acno siclhenamalhca vaycajac Dios appayvam actalhesomalhca. Enlhit layi aptomja apcanem, yoyam omalhca. Intasic alhta inyicje metyamoc as enlhit —alhta aptomjac Jesús.

SAN MARCOS 13:7

“Apquillingac sat ancoc quellhip amyaa apquilnapacpilha enlhit, noela nasa. Mongvanquejec mongvita aso. Am covocmoc mocjam nelha acnim.

SAN LUCAS 17:1

Aptomjac alhta Jesús apquilanya apquiltamsoycaoc: —Mongvanqui inyicje ma incolhic (mongvita) singitsilhnanoncama. Nincoo layi ningiltomja ningitsilhnanoncama.

SAN JUAN 17:12

Altimnasquic alhta mataa as enlhitaoc actemaclha lhip apmopvan naysicsa sicnaycamo lhama. Acmiyovquic alhta mataa as enlhitaoc. Am alhta etvasacpoc lhama enlhit. Apvamlha lhama enlhit aptomja aplhinganyam, apcanyomap alhta elhnanmoc. Yoyam cotmongvomoc nelha actemaclha aclhanma Dios appayvam actalhesomalhca.

LOS HECHOS 1:16

—Quellhip elyalhinga. Incaymalhquic alhta cotmongvomoc nelha aclhanmaclha ilhnic nat vaycajac Dios appayvam. Aplhanma ilhnic nat David ayinyema Espíritu Santo aplhenacpo Judas. Apnalayclha alhta Judas enlhitaoc, yoyam elmoc Jesús.

1 CORINTIOS 11:19

Incaymalhquic inyicje am colhoyc moc apquilvalhoc apcaneyquiclha quellhip, yoyam colhic alyicpilco apquiltomja apquiltamilcasomacpo apanco.

1 TIMOTEO 6:1

Apquillhenacpec apquilancam apquiltomja Jesucristo apmolhama. Incaymalhquic elavojo mataa apquilviscaa apancaoc. Yoyam colhejec actimesquisa acmasom apvisay Dios Ingyapam. Yoyam najan colhejec actimesquisa acmasom actemaclha singillhicmoscama Cristo.

TITO 2:5

Incaymalhquic coltimjic alyascamco anco najan actemaclha actamilaycam avalhoc. Incaymalhquic yoyam coltamjam mataa tingma ac. Incaymalhquic yoyam coltamilsalhcojo anco yoyam najan colilyejiclhojo anatamcaa. Yoyam cotanovalhquejec mataa Dios appayvam.

TITO 2:8

Illhicmos sat amyaa acpeyvomo yoyam colhejec acyascacmo apquillhicmoscama actamila, yoyam najan cotanovalhqueje. Elmancangvomoc sat apquiltomja apquilinmelhaycam. Colapvanquejec sat elantipsam ningilvisay.

SAN JUDAS 1:4

Apquilyilhacpoc alhta apquilpalhavocmo quellhip napocja metnaja Jesucristo apmolhama. Apquilyascacmec as enlhitaoc Dios Ingyapam najan actemaclha singamliyam. Apquilanayquic acmovan amyaa. Apquilposquic mataa actemaclha apquiltamongvaycmolhma. Apquiltamjoc mataa apquilanya: Jave nincoo singillhicmoscama Visqui ingac Jesucristo —apquiltomjac mataa. Inlhenquic nic nat Dios appayvam yoyam elnatovasacpoc as enlhitaoc.

1 SAMUEL 2:17

Avanjec nic nat apquilsilhnanomap apanco apcanit apquitquic napato Dios. Apquilvennam nic nat asoc macmescama Dios apquilsayquinta enlhit.