SAN MATEO 15:9 - Enhlit Bible

⁹ Ayajemo selayo coo. Apquiltamsamquic anco apnaymacoc enlhit apquiltemaclha apquilpayvam —nic nat aptomjac Isaías.

SAN MATEO 15:9 Iomraidhean Croise

SALMOS 39:6

Nintiyascam nincoo acyitsomalhca pisquisca. Mepqui acvisay nintamin. Alhto inyicje ningicjescama ningilnatam. Mepqui apmayclha as asoc nintamin.

SALMOS 73:13

¿Alhto ya sictemaclha sicyanmonquiscama evalhoc? ¿Alhto ya sictemaclha sictamilcasomalhco ajanco?

ÉXODO 20:7

Mongvanquic ongvennam apvisay Dios Visqui ingac. Ongilsilhnanalhcac sat ningiltomja ningvenéycam apvisay Dios.

ISAÍAS 29:13

Aptomjac alhta seyanya Visqui ingac: Aclingac inyicje apquilpayvam as enlhitaoc apquiltomja selayo, am eyca conyemac aclhanma apquilvalhoc coo. Alhto inyicje apcaneyquiclha as enlhit, ayinyema apquiltemaclha apancaoc enlhit, elvajanamcoc apquilpayvam.

LEVÍTICO 26:16

Oyanmongsiclhac sat apquiltemaclha apancaoc quellhip. Ongvapajacsic sat acyimtalhnama, yoyam ellingamcojoc quellhip. Acvisay ningapnaclhoncama najan ningilpilhyinamam. Acvisay acmasca ingataoc mongvitay olhma najan ningmasquem. Alhto inyicje elquiniclha actic amyip. Elsavojoc sat acyilhna cotnaja ingmoc.

LEVÍTICO 26:20

Alhto inyicje apquiltamjaycam quellhip. Melvityejec sat acyilhna ayimjaclha ninganma. Melvityejec sat acyilhna ayimjaclha yamit.

MALAQUÍAS 3:14

Eycaso apquilpayvam: Ingilastinquic nincoo ningiltimesaycam Dios. Ingilastinquic nincoo ningyiplovquiscama singanamaclha Dios. Ningilanyalhquic mataa ongilantalhniclha apava acmayovsa ingvalhoc napato Dios Apyimtalhnamo.

SAN MATEO 15:10

Apquilevam alhta Jesús aplhamoclhojo enlhit. Aptomjac alhta apquilanya: —Quip elaylhojo siltimnaycam. Elyasamcojo sicpayvam:

SAN MARCOS 7:7

Ayajemo selayo coo. Apquiltamsamquic anco apnaymacoc enlhit apquiltemaclha apquilpayvam —nic nat aptomjac Isaías.

1 CORINTIOS 15:2

Quellhip apquiltomja apquilvomsomap tap ayinyema tasic amyaa. Incaymalhquic quellhip elyiplovsic mataa actemaclha sillhicmoscama. Am sat ancoc elinlhanacmoc apquilyiplovquiscama, alhtoc sat cotnejic apquilyanmonquiscama apquilvalhoc.

DEUTERONOMIO 12:32

Elyiplovcasojo acyovoclhojo singanamaclha Dios siltimnascama quellhip acnim nac jay. Noelayim nasa moc, noelyeycajas nasa moc.

1 TIMOTEO 1:4

Yoyam elvatsamcoc actemaclha apquillhanma amyaa nano najan apquillheneycam apquilinyemayaclha siclhoc anco apquilyeyjamcaa —alhta actomjac coo. Eycaso ayinyema mataa apquilatingmomap nipyesicsa enlhitaoc. Eyca as asoc altomja singilyascamalhma ongillhicmocsic actemaclha aptamjaycam Dios ayinyema actemaclha mongyasquiyam.

TITO 1:14

Nongyane nasa elvajaniclhojo actemaclha amyaa nano ayinyema judíos. Noelane nasa elilyejiclhojo actemaclha apquilpayvam apquilmopvancaa amyaa.

HEBREOS 13:9

Noelyinimsap nasa quellhip ayinyema apquillhicmoscama moc actemaclha amyaa. Inyimnatesalhquic sat ancoc ingvalhoc ayinyema singasicjayo Dios, eycaso actomja actamila anco, am colhnoc ningyiplovquiscama singascamaclha ontoc. Alhtoc mataa apquilyiplovquiscama enlhitaoc singascamaclha ontoc.

SANTIAGO 2:20

Acyeyjamelhma nac lhip. ¿Am ya eyasamcoc lhip actemaclha ayajemo mongyasquiyam mepqui ningyiplovquiscama?

EL APOCALIPSIS 22:18

Actomjac coo silanya quellhip apquiltomja apquillingay Dios appayvam actalhesomalhca as vaycajac: Apyipitcasquic sat ancoc enlhit moc amyaa as vaycajac actalhesomalhca, coyangvomoc sat aplingaycamco acmasca ayinyema Dios, acno aclhanma as vaycajac.

1 SAMUEL 25:21

Inlhenquic nic nat apvalhoc David aptemaclha apanco Nabal: Alhto inyicje sictamilquiscama alhta apnatoscama Nabal yoclhilhma actamopeycaoc. Mepqui alhta sictovascama asoc apanco. Apmapsom apanco Nabal naysicsa sictimesquiscama actamila.