SAN MATEO 14:8 - Enhlit Bible

⁸ Inquiltimnaseclho alhta inquin asoc, yoyam colmalhna. Intomjac alhta quilvana ayitcoc ayanya apvisqui: —Jimques sat avalhoc asoc payjem Juan yapasquiscama yingmin inyap apcatic —alhta intomjac.

SAN MATEO 14:8 Iomraidhean Croise

1 REYES 18:13

¿Am ya elngac lhip amyaa actemaclha alhta apvisqui aptava Jezabel alnapma profetas Dios apquillingascama? Alyilhanimcasquic alhta cien profetas Dios apquillingascama. Cincuenta najan moc cincuenta avalhoc mataymong. Acsantimcasquic alhta mataa aptoycaoc najan yingmin apyinaycaoc.

1 REYES 18:4

Innec nic nat alminlhinamcaa profetas Dios apquillingascama ayinyema apvisqui aptava Jezabel. Abdías aptomja ilhnic nat apquilvomquiscama tap cien profetas Dios apquillingascama. Apquilyilhanimcasquic nic nat cincuenta najan moc cincuenta avalhoc mataymong. Apsantimcasquic nic nat aptoycaoc najan yingmin apyinaycaoc.

1 REYES 19:2

Yejemoc nic nat ayapajasa amyaa quilvana apnaclha Elías. Aptomjac nic nat apsovm amyaa apcanya: —Lha intomjac apvisqui aptava: secaseclha sat ematong lhip. Colhojoc sat actemaclha alhta apticyovam enaymacoc profetas. Am sat ancoc cotnajac actemaclha siclhanma, olngamcojoc sat acyanmongayclha ayinyema quilaycmasquiscama acyitsomalhca dios — lha intomjac — nic nat aptomjac.

2 REYES 11:1

Inlingac nic nat quilvana Atalía, Ocozías inquin, amyaa apmatnam ayitca. Incapajasquic nic nat eticyoc apyovoclhojo apquilmolhama apvisqui.

ESDRAS 1:9

Innec nic nat almesa aclhamoclhojo asoc: treinta asoc payjem oro alyinmom najan mil asoc payjem plata alyinmom najan veintinueve ningilvatnamaclha asoc masis,

PROVERBIOS 1:16

Apquilpecjam mataa ellanac acmasom. ¡Apquilpecjam ellajic poc!

PROVERBIOS 29:10

Ningiltanovalhquic nincoo ningilvisay ningilpeyvomo napatavo ticyovam yapmayc. Jingilmeyvoc mataa ingnaymacoc apquilpeyvomo.

NÚMEROS 7:13

Ofrenda acvisay bandeja de plata acvamlha mil cuatrocientos treinta gramos, najan tazón de plata setecientos setenta gramos (acno balanza del santuario). Aclaneyo ilhnic nat harina, apyelaquiscama aceite, cotnejic ofrenda macmescama Dios.

NÚMEROS 7:19

Apnasoc ofrenda appatmeyquinta Naasón.

SAN MATEO 14:11

Apquilsantac alhta apcatic avalhoc asoc payjem. Apquilmesquic alhta quilvana ayitcoc. Insantac alhta acnaclha inquin.

SAN MATEO 14:7

Yejemoc alhta aplhena apvisqui etnejic nasoc anco, yoyam emquesic asoc almalhnaycam quilvana ayitcoc.

SAN MATEO 14:9

Inyitnocjavoc alhta apvalhoc apvisqui. Am alhta copvanac emyoc ayinyema apquillhalhma (maycaa) najan ayinyema appayvam aplhanma, yoyam emquesic asoc. Apcanayquic alhta apvisqui, yoyam colhic acmesa.

SAN MARCOS 6:24

Yejemoc alhta actepa. Inquilmalhningvoclhec alhta inquin. —¿Soc sat asoc olmalhnac qui? —alhta intomjac. —Colmalhna sat Juan yapasquiscama yingmin inyap apcatic —alhta intomjac inquin.

SAN MARCOS 6:25

Yejemoc alhta acvoclho apnaclha apvisqui, inquilmalhna eyca: —Altamjoc coo quilhvo Juan yapasquiscama yingmin inyap apcatic avalhoc asoc payjem —alhta intomjac.

SAN MARCOS 6:28

Apmiyaclhec alhta singilpilhtetomaclha. Apyatemenquic alhta apyispoc apsantama avalhoc asoc payjem. Apmesquic alhta quilvana ayitcoc. Yejemoc alhta acmesa inquin.