SAN MATEO 11:5 - Enhlit Bible

⁵ Innaclhec apataoc enlhit mepqui apataoc. Intamilaclhec apquillhingam enlhit apquilyateyaycam. Inquiltamilaclhec apyimpeoc actomjaycaoc lepra ningmasquem ningilyitapaycam. Apquillingaclhec amyaa mepqui apaycaoc. Apnalhaticjangvocmec apquilmasquingvaycmo alhta. Apquililtimnasacpec enlhit mepqui apquilnatam tasic amyaa.

SAN MATEO 11:5 Iomraidhean Croise

2 REYES 5:14

Apmiyaclhec nic nat vatsam Jordán general Naamán, aplom congne yingmin acvaycmo siete veces, acno apcanama siclho profeta. Pilapcasquic nic nat apvita apyimpejic ayalhnayo, malha ilhnic nat apyimnanic apyimpejic.

2 REYES 5:7

Apquilyipsatquic nic nat vaycajac apvisqui yoclhilhma Israel. Apyaptec nic nat aptalhnama ayinyema acpilapquiscama. Aptomjac nic nat apcanya: —Jave coo Dios. Paj coyitnac sicmovan yoyam otamilquiscomoc najan yoyam ongvajic. Apquiltamjoc maa otamilquiscomoc enlhit actimem ningmasquem lepra. Apquiltamjoc jesilhnana yoyam ongilnapalhca — nic nat aptomjac.

SALMOS 146:8

Aptomja apnesayclha apataoc enlhit mepqui apataoc. Aptomja aptamilquisquiyam enlhit apsilhnanomap apanco. Aptomja apquilasicjayo enlhit apquilpeyvomo.

SALMOS 22:26

Eltovamcoc sat mataa actomja actamilaycam apquilvalhoc. Elyipcanmoc sat. Elpayicsojoc sat Visqui ingac apquiltomja apquilquitamsama siclho. Colhic sat acyimnatem apnenyaoc cotmongvoycamlha nelha.

ÉXODO 4:11

Aptomjac nic nat Dios Apyimtalhnamo apcanya: —¿Soc alanescama apatong enlhit yoyam elyatam? ¿So aptimesquiscama mepqui appayvam enlhit najan mepqui apaycaoc najan mepqui apataoc? ¿Soc acnesayclha apataoc enlhit? ¿Naso ya coo sicvisay ayinyema sictimesquiscama? — nic nat aptomjac.

ISAÍAS 29:18

Ellingac sat as acnim mepqui appaycaoc vaycajac alyipsatomalhca. Najan mepqui apataoc elviticlhac sat olhma, comascoc sat actemaclha melvitay olhma.

ISAÍAS 29:19

Elitsovacsojoc sat enlhit conjamalhca apquilvalhoc ayinyema Visqui ingac. Elitsovacsojoc sat mepqui apquilyimtalhnamo, aplhenacpo Dios mayayo aptomja apyimtalhnamo nipyesicsa israelitas.

ISAÍAS 43:8

Enalanta sat enlhitaoc melvitay olhma acna inlhojo apataoc. Enalanta sat alvoncayam apaycaoc acna inlhojo apaycaoc.

ISAÍAS 66:2

Coo alhta ayinyema aclhamoclhojo asoc, coo alhta sillanay. Acyispaquic coo aptemaclha enlhit mepqui apyimtalhnesomacpo apanco najan mepqui ayajamalhco apvalhoc, aptomja apcayo sicpayvam.

ZACARÍAS 11:7

Alyajaclhoc alhta siyanyomalhca oltamilsic nipquesic apquilyacyesomap yoyam eticyoc. Actingyac alhta anit yamit apqueleneycam: Altimec alhta acvisay yamit Ingmoc, najan moc acvisay yamit Nimpasmeyquiclha.

SAN MATEO 10:8

Eltamilquisquim sat actomjaycaoc ningmasquem ningilyitapaycam lepra najan moc actemaclha ningmasquem. Elnalhaticjasquim sat enlhit apquilmasquingvaycmo. Elantipquis sat somquic quilyicjamo. Apquillhovamquic quellhip apquilmopvan mepqui acyanmongam. Elvajanaoc sat actemaclha mepqui acyanmongam.

SAN MATEO 11:4

Apcatingmavoc alhta Jesús: —Eltajojo sat quellhip. Eliltimnasquiclha sat Juan asoc apquilvitay najan apquillingay quellhip.

SAN MATEO 12:13

Aptomjac alhta Jesús apcanya enlhit acyamay apmic: —Ipeyvas apmic —alhta aptomjac. Yejemoc alhta appeyvesa apmic. Intamilaclhec alhta apmic, innaclhoc alhta moc apmic.

SAN MATEO 21:14

Yejemoc alhta apquilvaa apnaclha Jesús enlhit mepqui apataoc najan apquilyateyaycam. Apquiltamilquiscacmec alhta Jesús.

SAN MATEO 5:3

—Apquilinyejemoc anco enlhit apquilyicpilcangviyam actemaclha ayaymomalhca apquilvalhoc Espíritu. Apancaoc actomja Visqui netin apquilnancascama.

SAN MATEO 9:30

Yejemoc alhta altamilaclho apataoc. Apquiltimnasiclhoc alhta Jesús: —Elavojo quellhip. Noeliltimnasam nasa enlhitaoc —alhta aptomjac.

SAN MARCOS 7:37

Pilapcasquic alhta anco apvitacpo: —Intasic anco apquilanay asoc. Aptamilcaseclhec enlhit mepqui apaycaoc. Aptipcaseclhec appayvam enlhit mepqui appayvam —alhta intomjac amyaa.

SAN MARCOS 9:25

Lhama alhta apvita Jesús apnateymantamo enlhit appintalhnama. Apquilpalhimcaso alhta eyca somquic quilyicjamo: —Actomjac coo siyanya: Cotyip somquic quilyicjamo mepqui acpayvam najan mepqui ajaycaoc. Nocotalhningvota nasa mocjam —alhta aptomjac.

SAN LUCAS 4:18

Visqui ingac Espíritu pac apnac evalhoc coo. Eponquincasquic coo, yoyam oltimnacsic tasic amyaa enlhit mepqui apquilnatam. Eyasinaquic, yoyam otamilquiscomoc apquilvalhoc enlhit acyajapmo apquilvalhoc. Eyasinaquic oltimnacsic amyaa, yoyam colhic alyamyeclho enlhit apquilmomap. Najan yoyam otascasiclha ilhma enlhit mepqui apataoc. Najan yoyam colhic alyamyeclho enlhit mayasquiscama apyimpeoc.

SAN JUAN 10:25

Apcatingmavoc alhta Jesús: —Altimnasquic alhta inyicje sicvisay. Apquilyascacmec alhta quellhip. Actamjam coo ayinyema apvisay coo Tata. Coo sictamjaycam actomja acyascasingvoyam sicvisay.

SAN JUAN 10:38

Allanac sat ancoc coo Tata aptamjaycam naysicsa selyasquiyam quellhip, noelyasquim nasa sictamjaycam coo. Yoyam elyicpilcangvomoc quellhip, yoyam najan melyascamejec quellhip, aptomja seyipitcayo coo Tata najan sictomja sicyipitcayo coo Tata —alhta aptomjac.

SAN JUAN 2:23

Lhama alhta apna Jesús tingma Jerusalén. Caya alhta intomjac apquiltimem pascua. Apquilvitac alhta aptamjaycam sinpilapquiscama. Am alhta elyascacmoc apvisay Jesús aplhamoclhojo enlhit.

SAN JUAN 3:2

Alhtaa alhta intomjac apmiyacmo apnaclha Jesús. Aptomjac alhta Nicodemo: —Singillhicmoscama, ningyasamcoc nincoo. Dios Ingyapam aptomja apcapajascama lhip, yoyam jingillhicmocsic nincoo. Apvanquic lhip ellanac aptamjaycam sinpilapquiscama. Copvanqueje eyca poc enlhit elhnasojoc actemaclha lhip aptamjaycam mepqui aplhalhma Dios Ingyapam —alhta aptomjac.

SAN JUAN 5:36

Emcasquic coo Tata sictamjaycam seyanya openacsojo. Eyca as sictamjaycam actomja actamila aclingascama sicvisay, colhno aplhanma alhta Juan. Inlingasquic mataa amyaa sictamjaycam actomja naso siyinyema coo Tata aptomja seyapajascama.

SAN JUAN 9:7

Aptomjac alhta Jesús apcanya: —Ingva, iyapasquim yingmin poncalhva acvisay Siloé, ningiltimem nincoo “Apcapajasomacpilha” —alhta aptomjac. Apyasquic alhta as enlhit. Apyapascacmec alhta yingmin. Yejemoc alhta apvitaclho olhma aptajingveclho.

LOS HECHOS 2:22

“Quellhip enlhitaoc Israel, elaylhojo sicpayvam. Pac olhenic Jesús co Nazaret. Apcasinaquic alhta Dios Ingyapam. Apquiltamjoc alhta etnejic apmopvan aptamjaycam najan aptamjaycam sinpilapquiscama najan asoc monquinatquiscama nipyesicsa quellhip. Eycaso apquilyasamcoc quellhip aptomjaclha Dios Ingyapam.

SANTIAGO 2:5

Quellhip elyalhinga. Dios Ingyapam aptomja apquilyacyescama enlhit mepqui apquilnatam as nalhpop. Apquiltamjoc coytic acyiviy melyasquiyam, malha acyitna apquilnatam. Apquiltamjoc ellhovangvomoc sat Dios apquilnancascama. Aplhanma ilhnic nat actomja nasoc anco yoyam elmesic apquiltomja apquilasicjayo.