SAN MATEO 11:3 - Enhlit Bible

³ Apquiltomjac alhta apquilanya Jesús: —¿Lhip ya anco Cristo, yoyam eva? ¿Inlhoyqui laa ongilaylhic poc? —alhta apquiltomjac.

SAN MATEO 11:3 Iomraidhean Croise

GÉNESIS 12:3

Opasmoc sat mataa poc enlhitaoc apquiltomja apquilpayesayclha apvalhoc lhip. Apquilmapsomcaa sat otnesquisic enlhitaoc apquiltomja apquiltimesquiscama apmapsom lhip. Lhip sat conyemac acpayjayclha apquilvalhoc aplhamoclhojo enlhitaoc lhalhma anco.

GÉNESIS 3:15

Otnesquisic sat nimisma ayinmelhmaclha quilvana. Otnesquisic sat nimisma ayitcaoc ayinmelhaclha quilvana atovana. Quilvana atavin etcamoc sat lhiya apcatic. Cotaclhic sat lhiya appajac quilvana atavin— nic nat aptomjac.

GÉNESIS 49:10

Copvanquejec lhama enlhit eyinyovsic apmaycam apmic memong yayem vajic. Evac sat actomja apancoc apanco memong yayem vajic. Elyejiclhojoc sat aplhamoclhojo enlhitaoc.

SALMOS 118:26

Ningilayo aptomja apquilhyam apsoyam apvisay Visqui ingac. Ningilayo quellhip, ayinyema Visqui ingac tingma pac apponquinomap.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

OSEAS 3:5

Elpayquingvomoc sat enlhitaoc Israel, elquitmoc sat Dios Visqui apancaoc najan apvisqui David. Elyoclhojoc sat maa, eltimjic sat apquilayo Dios, ellhocac sat altamila asoc ayinyema Dios Apyimtalhnamo. Sat cotnejic actamongvomlha nelha acnim.

ABDÍAS 1:21

Elvoclhac sat inquilhe Sión enlhit apquilyimnatem apanco, eltimjic sat apquilviscaa apquileyvomaclha Esaú aptovana niptamin. Apvisqui apyimtalhnamo etnejic sat maa Dios Visqui ingac — nic nat aptomjac profeta Dios aplingascama.

MIQUEAS 5:2

Tingma Belén yoclhilhma Efrata, apquitcoc as tingma nipyesicsa apquilmolhama Judá. Ingyinyemac sat maa apvisqui apancaoc Israel. Apvisay aptavin niptamin apquilyeyjamcaa nanoc nat.

HAGEO 2:7

Elpilhyinamam sat apyovoclhojo enlhitaoc as nalhpop. Elsantimquisic sat apquilnatam as tingma apponquinomap. Colhic sat congne gloria mayayoclha. Eycaso sicpayvam sicvisay Dios sicyimtalhnamo:

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

MALAQUÍAS 3:1

Aptomjac alhta Dios Apyimtalhnamo: Ongvapajacsic sat soycam amyaa. Jelanesquisic sat amay yoyam oyacsic. Cotlapsic sat ovota sicvisay Visqui Sicyimtalhnamo payjoc tingma pac apponquinomap. Quellhip apquiljalhanma nano. Apquilhyacmec soycam amyaa Dios apcasinancama pacto apquiljalhanma quellhip — alhta aptomjac Dios.

MALAQUÍAS 4:2

Quellhip apquiltomjac selayo, elvitac sat sictemaclha sicpeyvomo, malha ayitsasquiscama acnim, actomja sintamilquisquiyam. Copayjiclhac sat apquilvalhoc quellhip, colhojoc sat alnilhtingayclha vayqui ayitcoc.

NÚMEROS 24:17

Invitac sicvanmoncama, evac sat lhama, mevoy mocjam. Apyitsomacpo apyová nipyesicsa apquilmolhama Jacob. Apvisay apvisqui apjalhnancoc. Elnapoc sat enlhitaoc co Moab. Elnapoc sat aptovana Set.

SAN MATEO 11:10

Juan alhta aplhenacpoc maa. Eycaso actomja ilhnic nat aclhanma Dios appayvam actalhesomalhca: Quip elanojo. Ongvapajacsic sat soycam amyaa apmamyi lhip. Yoyam elanecsic amay, yoyam eyacsic lhip —nic nat intomjac.

SAN MATEO 11:4

Apcatingmavoc alhta Jesús: —Eltajojo sat quellhip. Eliltimnasquiclha sat Juan asoc apquilvitay najan apquillingay quellhip.

SAN MATEO 21:5

Eliltimnasquiclha sat enlhitaoc tingma Sión: “Quip elanojo, apquilhyacmec quellhip Visqui apancaoc. Mengyajamacpo apanco. Apquinamtem yamelyeyjaycoc ayitcoc. Acmovan colpatmam inyapmoc” —nic nat intomjac appayvam.

SAN MATEO 21:9

Apquillhinquic alhta aplhamoclhojo enlhit apquilmamyi. Niptamin alhta apquilanac napocja enlhit. Apquililpalhamam alhta aplhamoclhojo enlhit: —¡Sas, tasic anco! ¡Ningilayo apvisqui David apquitca! ¡Ningilayo aptomja apquilhyam apsoyam apvisay Visqui ingac! ¡Sas, tasic anco netin aja! —alhta apquiltomjac apquilpamesma.

SAN MARCOS 11:9

Apquillhinquic alhta apquilmamyi napocja enlhit. Apquilyiplaclhec alhta apnaymacoc apquilpalhamamcaa: —Sas, tasic anco. Ningilayo aptomja apquilhyam apsoyam apvisay Visqui ingac.

SAN LUCAS 19:38

Apquiltomjac alhta: —Ningilayo aptomja apquilhyam apsoyam apvisay Visqui ingac. Coltamilsojoc sat apvalhoc netin. Ningayo netin Dios Ingyapam —alhta intomjac amyaa.

SAN JUAN 11:27

Intomjac alhta Marta: —Eje, Visqui. Moyascacmoc coo lhip aptomja Cristo Dios Apquitca, yoyam evac as nalhpop —alhta intomjac.

SAN JUAN 12:13

Yejemoc alhta apquilyatemenamco alha ava. Apquilamyilhamquic alhta Jesús apquilpalhamamcaa: —Sas, tasic anco. Ningilayo aptomja apquilhyam aplhanma apvisay Visqui ingac. Ningilayo aptomja Israel Apvisqui apancaoc —alhta apquiltomjac apquilpamesma.

SAN JUAN 16:14

Colhic sat seyaco ayinyema Espíritu apvisay Singilmalhnesquiscama. Ayinyemaclha elhcac sat amyaa ajanco, yoyam ellhicmocsic quellhip.

SAN JUAN 4:21

Apcatingmavoc alhta Jesús: —Lhiya, nojeyasquim nasa coo. Comoc sat acnim, yoyam ongilpayicsojo Ingyapam. Mongilvotayc sat as netin inquilhe. Mongilmiyaclhejec sat najan tingma Jerusalén.

SAN JUAN 6:14

Lhama alhta apquilvita enlhitaoc aptamjaycam sinpilapquiscama. Apquiltomjac alhta enlhitaoc: —Naso nac aptomja profeta Dios aplingascama aplhenamap, yoyam evac as nalhpop —alhta apquiltomjac.

SAN JUAN 7:31

Am alhta elyascacmoc aplhamoclhojo enlhitaoc. Apquiltomjac alhta nipyesicsa: —Apvaac sat ancoc Cristo apanco, ¿pa ya ellanac aclhamoclhojo asoc monquinatquiscama, melhno as enlhit? —alhta apquiltomjac.

HEBREOS 10:37

Intomjac nic nat Dios appayvam actalhesomalhca: Cotlapsic sat evotac aptomja apcanyomap evota. Meyeycajacseje yoyam evota.