SAN MATEO 11:21 - Enhlit Bible

²¹ —¡Quellhip layi co Corazín! ¡Quellhip layi co Betsaida! Invitalhquic nat ancoc as asoc sinpilapquiscama tingma Tiro najan Sidón, quilhvoc nat elyanmongsic apquilvalhoc. Quilhvoc nat elvitacpoc apma apquilantalhnama yamquintim ajac apnaycam naysicsa tajap.

SAN MATEO 11:21 Iomraidhean Croise

JOB 42:6

Acmancaquic coo siclhanma sicpayvam. Naso, sicsilhnanomalhca ajanco, sicna coo netin lhopactic najan tajap — nic nat aptomjac Job.

JEREMÍAS 13:27

Acvitac alhta apquiltemaclha quellhip ayitsepma apnenyaoc, apquiltemaclha apquilanatama, apquiltemaclha apquilayo quilaycmasquiscama netin inquilhe najan amyip. Quellhip layi co Jerusalén, ¿co sat acvam elyanmongsic sat apquilvalhoc quellhip, acyitna inlhojo acmasom anco apquilvalhoc? — alhta aptomjac Visqui ingac.

JOEL 3:4

¿So apquiltingya yi quellhip co Tiro, najan quellhip co Sidón, najan quellhip co Filistea? ¿Quellhip ya elyanmongsiclha sictemaclha coo? ¿Soc sat jeltimesquisic coo? Quilhvoc sat oyanmongsiclha apquiltemaclha apancaoc quellhip.

AMÓS 1:9

Aptomjac alhta mocjam: Avanjec apquilmapsomcaa enlhitaoc tingma Tiro. Oyanmongsiclhac sat apquiltemaclha apancaoc. Apnalaclhec alhta apyovoclhojo apquilmomap, apquilhaquic alhta nipyesicsa co Edom, eltimjic apquiltimesaycam apquilmomap. Apquiltovasquic alhta pacto ningmiyovmalhca apquilmolhama.

SAN MATEO 11:22

Acvocmo sat acnim ningyicpilcomalhcoclha coyimtilhojoc sat acyanmongayclha quellhip, am colhoyc acyanmongayclha co Tiro najan co Sidón.

SAN MATEO 15:21

Apquimpaclhec alhta mocjam Jesús. Apyasquic alhta moc yoclhilhma acvisay Tiro najan Sidón.

SAN MATEO 18:7

Enlhit layi lhalhma anco apquiltomja apquilsilhnanoncama. Mongvanqui inyicje ma incolhic singilsilhnanoncama. Enlhit layi aptomja apquilsilhnanoncama.

SAN MATEO 26:24

Ovonquepeclhac sat sicvisay Sictiyam Sictomja Enlhit acno siclhenamalhca vaycajac Dios appayvam actalhesomalhca. Enlhit layi aptomja apcanem, yoyam omalhca. Intasic alhta inyicje metyamoc as enlhit —alhta aptomjac Jesús.

SAN MARCOS 3:8

Inlingalhquic alhta apvisay apmopvan aptamjaycam. Appintalhnama alhta enlhit apquilinyema yoclhilhma Judea, najan tingma Jerusalén, najan yoclhilhma Idumea, najan tap vatsam Jordán, najan yoclhilhma Tiro najan Sidón.

SAN MARCOS 6:45

Yejemoc alhta apquilpecjesamcaa apquiltamsoycaoc. Apquilanya elquinatvoclha barco, yoyam eltamiclhac sat apquilmamyi elvoclhojo tingma Betsaida. Alhayi alhta apquiltamjoc elapajacsic enlhit.

SAN MARCOS 7:24

Apquimpaclhec alhta mocjam Jesús. Apmiyaclhec alhta nicja yoclhilhma acvisay Tiro najan Sidón. Aptalhningvocmo alhta lhama tingma. Am alhta eltamjoc colhic acyasamco. Am alhta copvanac eyilhacpojo.

SAN MARCOS 7:31

Apquimpaclhec alhta mocjam Jesús. Yoclhilhma Tiro alhta apquimpac. Apyeycajangvocmec alhta Sidón najan apvisay diez tingma. Apvoclhec alhta mocjam acyayengviyam Galilea.

SAN MARCOS 8:22

Apquilvoclhec alhta tingma Betsaida. Yejemoc alhta apquilyantamacmo apnaclha lhama mepqui apataoc. Apcanyacpec alhta Jesús, yoyam epatningvomjo.

SAN LUCAS 4:26

Am nic nat ingyapajasac Dios Ingyapam Elías acnaycamcaclha lhintampaa Israel apcaoclha. Acvamlha apcapajasomacpo ilhnic nat acnaclha quilvana tampeyi co Sarepta ningatoc tingma Sidón.

SAN LUCAS 6:17

Aptipquic alhta inquilhe acvinatem Jesús najan apquiltamsoycaoc. Apquiningvoctac alhta amyip. Apquicjingvaac alhta apquiltamsoycaoc najan enlhit appintalhnama. Apquilinyemac alhta yoclhilhma Judea, najan tingma Jerusalén najan yoclhilhma Tiro najan Sidón nicja yingmin acvanyam. Apquililtamjoc elaylhojo tasic amyaa. Apquililtamjoc alhta najan, yoyam eltamilquiscomoc acmasca apyimpeoc.

SAN LUCAS 9:10

Apquilvoctac alhta apóstoles apquilapajasomap apnaclha Jesús. Apquililtimnasquic alhta aclhamoclhojo asoc apquiltamjaycam apquilinyectamlha. Natamin apnalaclhec alhta Jesús apquilvamlha apquiltamsoycaoc. Apquilmiyaclhec alhta yoclhilhma actomjaclha ningato tingma Betsaida.

SAN JUAN 1:44

Co Betsaida alhta Felipe, tingma pac Andrés najan Pedro.

SAN JUAN 12:21

Apquilyoclhec alhta griegos apnaclha Felipe apquinyema tingma Betsaida yoclhilhma Galilea. Apquiltomjac alhta apquilanya: —Visqui, ningiltamjoc nincoo ongvita Jesús —alhta apquiltomjac.

LOS HECHOS 12:20

Apquiltanongvocmec alhta apvisqui Herodes enlhitaoc apnaycam tingma Tiro najan tingma Sidón. Yejemoc alhta apquilquilhyacmo as enlhitaoc. Apquilyoctamo alhta apnaclha Herodes apcasinancama apvisay Blasto. Apquilpamejitsacpec alhta. Apquiltamjoc eltimjic altamilaycam apquilvalhoc. Nintom alhta ayinyemaclha. Intingyalhquic alhta mataa nintom apvisqui apcaoclha.

LOS HECHOS 27:3

Moc acnim alhta intomjac ningilvoclho tingma (niyava yingmin) Sidón. Apquimlacmoc alhta Pablo capitán Julio. Apcavoc alhta, yoyam etyaningvoclhojo Pablo apnaymacoc, yoyam elhca aptom nalhit amay.

SAN JUDAS 1:11

Enlhit layi aptomja apquilvajaneycaoc. Ayinyemaclha apquilyiplovcasquic as enlhitaoc aptemaclha ilhnic nat Caín apcajayclha apyalhing. Apquilyiplovcasquic as enlhitaoc aptemaclha ilhnic nat Balaam profeta apmopvan amyaa. Ayinyema ayitsepma apnenyaoc solyayem as enlhitaoc. Apquilyiplovcasquic as enlhitaoc aptemaclha ilhnic nat Coré, aptomja ilhnic nat apyimtalhnesomap apanco nipyesicsa enlhitaoc Israel.

EL APOCALIPSIS 11:3

Olapajacsic sat apcanit apquillingascama sicvisay. Yoyam ellingacsic amyaa actemaclha sicmayjayoclha acvocmo mil doscientos sesenta acnim. Yamquintim ajac sat etnejic apquilantalhnama, malha apmapyovsica sat eltimjic.

EL APOCALIPSIS 6:12

Lhama alhta aplica Nipquesic Apquitcoc moc macyipitquiscama vaycajac, seis alhta intomjac. Yejemoc alhta acyovjamcaa lhop. Inpaysacmec alhta acnim, malha apava appasyam alhta intomjac. Apyilhvasquic alhta piltin apyovoclhojo, malha ema alhta aptomjac.