SAN MATEO 10:22 - Enhlit Bible

²² Eltanovacpoc sat quellhip lhalhma anco, coo sicvisay ayinyemaclha. Apquilinlhanacmec sat ancoc enlhit actamongvomlha nelha acnim, evomsacpoc sat tap.

SAN MATEO 10:22 Iomraidhean Croise

PROVERBIOS 29:27

Apquiltanovacpec mataa apquilmapsomcaa napatavo enlhit apquilpeyvomo. Apquiltanovacpec mataa enlhit apquilpeyvomo napatavo apquilmapsomcaa.

SAN MATEO 10:39

Apmiyovquic sat ancoc enlhit apyimnatem apanco, comascoc sat. Am sat ancoc emyavac apyimnatem apanco, coo ayinyema sicmayjayoclha, colhic sat acyimnatem apnenyic —alhta aptomjac.

SAN MATEO 24:13

Apquilinlhanacmec sat ancoc enlhit actamongvomlha nelha, evomsacpoc sat tap.

SAN MATEO 24:9

‘Natamin elmacpoc sat quellhip. Colhic sat ayasquisa apyimpeoc quellhip. Elticyoc sat quellhip. Eltanovacpoc sat quellhip ayinyema apquillhanma sicvisay.

SAN MATEO 5:11

‘Apquilinyejemoc anco enlhit malyamneycam najan mayasquiscama apyimpeoc najan ayajemo malantipquiscama apquilvisay quellhip, coo selyiploycam eyca ayinyemaclha.

SAN MARCOS 13:13

Eltanovacpoc sat quellhip lhalhma anco, coo sicvisay ayinyema apquiltanoncama. Apquilinlhanacmec sat ancoc enlhit actamongvomlha nelha, evomsacpoc sat tap.

SAN LUCAS 21:17

Eltanovacpoc sat quellhip lhalhma anco, coo ayinyemaclha sicvisay apquiltanoncama.

SAN LUCAS 21:19

Apquilinlhanacmec sat ancoc quellhip actamongvamlha nelha, elvomsacpoc sat tap.

SAN LUCAS 6:22

Apquilinyejemo nac quellhip apquiltanovacpo inlhojo. Apquiltemaclha enlhit apquiltanoncama quellhip, najan apquilapajascama, najan apquilyamneycam, najan apquilantipquiscama apquilvisay quellhip. Ayinyema sicvisay Sictiyam Sictomja Enlhit.

SAN LUCAS 8:15

Poc enlhit eyca acyitsomalhco mayinayclha actic actamila lhopactic. Apquillingac ancoc amyaa, yejemoc almam apquilvalhoc. Inlhamaclhec anco apyilhna enlhit actemaclha apquilinlhanyam —alhta aptomjac Jesús.

SAN JUAN 17:14

Altimnasquic alhta mataa lhip appayvam. Apquiltanovacpec as enlhitaoc nipyesicsa enlhitaoc lhalhma anco. Cotnaja apquilaoclha as nalhpop, acno coo lha cotnaja siyaoclha as nalhpop.

SAN JUAN 7:7

Am eltanovacpoc mocjam quellhip nipyesicsa enlhitaoc lhalhma anco. Coo eyca actanovalhcac, ayinyemaclha aclingasquic coo apquiltemaclha almasomcaa enlhit lhalhma anco.

LOS HECHOS 9:16

Olhicmocsic sat actemaclha ayasquiscama apyimpejic ayinyema apsoycam sicvisay —alhta aptomjac.

ROMANOS 2:7

Apquilyiplovcasquic sat ancoc actemaclha actamila naysicsa apquiltingyey acyimnatem apnenyaoc, coyanmongentac sat. Eltimjic sat apquilyimtalhnamo ayinyema Dios najan colhic sat alaco najan ellhovac sat acyimnatem apnenyaoc cotmongvoycamlha nelha.

2 CORINTIOS 4:11

Inquitlhincasquic mataa ongitsapoc naysicsa ningileyvam ayinyema ninlingascama apvisay Jesús. Yoyam cotalhcac sat actemaclha acyimnatem apnenyic Jesús naysicsa coyimnatem ingyimpejic.

GALATAS 6:9

Incaymalhquic mongilvatsamquejec nintemaclha ningamliyam actamila. Am sat ancoc ongilvatsamcoc nintemaclha actamila, comoc sat acnim yoyam ongillhovac acyanmongam, malha ningnaclhama acyilhna.

HEBREOS 3:14

Ningilinlhanacmec sat ancoc ningyiplovquiscama acvocmo actamongvomlha nelha naysicsa mongyasquiyam acyitna nincoo siclhoc anco, ongilpasmoc sat nincoo Cristo.

HEBREOS 6:11

Ningiltamjoc nincoo moclhama quellhip yoyam elyimnac najan elinlhanmojo apquilyiplovquiscama aljalhneycam ingvalhoc acvocmo actamongvomlha nelha.

SANTIAGO 1:12

Ningilinlhanacmec sat ancoc naysicsa singyipconma, incaymalhquic copayjiclha ingvalhoc. Am sat ancoc ongilyajaclhoc singyipconma, ongillhovac sat acyanmongam. Malha ningvoyam ingmamyi ongillhovac sat acyanmongam acyimnatem ingnenyic. Aplhanma ilhnic nat actomja nasoc anco Dios Ingyapam yoyam jingilmesic ningiltomja ningilasicjayo.

1 SAN JUAN 3:13

Quellhip elyalhinga. Apquiltanovacpec sat ancoc quellhip nipyesicsa enlhitaoc lhalhma anco, noelpilapquis nasa apquilvalhoc.

EL APOCALIPSIS 2:10

Nongya nasa lhip apvita sat mayasquiscama apyimpejic. Elalhingsacpoc sat singilpilhtetomaclha napocja quellhip ayinyema yavey diablo yoyam coyipconic quellhip. Ellingamcoc sat quellhip acmasca acvaycmo diez acnim. Ilinlhanmojo sat lhip apyiplovquiscama acvocmo apquitsepma. Omquesic sat acyanmongam lhip. Elhcac sat acyimnatem apnenyic.

EL APOCALIPSIS 2:17

Apaycaoc innac quellhip, elaylhojo Espíritu apanco Dios apquiltimnascama aplhamoclhojo Jesucristo apmolhama: Apquilinlhanacmec sat ancoc apyiplovquiscama enlhit. Omquesic sat aptom maná ayinyema netin, actomja mongvitay mocjam. Omquesic sat mataymong acmopoy. Cotalhosalhcac sat alhnancoc apvisay enlhit nicja mataymong. Melyasamquejec sat poc enlhitaoc alhnancoc apvisay. Eyasamcojoc sat apvamlha aptomja aplhoy apvisay apanco” —alhta aptomjac seyanya otalhocsic.

EL APOCALIPSIS 2:26

Apquilinlhanacmec sat ancoc enlhit apyiplovquiscama sicmayjayoclha acvocmo actamongvomlha nelha, omquesic sat sicmovan yoyam etnejic apyimtalhnamo nipyesicsa enlhitaoc lhalhma anco.

EL APOCALIPSIS 2:3

Apquilinlhanacmec alhta lhip aplhanma sicvisay naysicsa aplingaycamco acyimtalhnama. Am alhta eyampac naysicsa aptamjaycam.

EL APOCALIPSIS 2:7

Apaycaoc innac quellhip, elaylhojo Espíritu apanco Dios apquiltimnascama aplhamoclhojo Jesucristo apmolhama: Apquilinlhanacmec sat ancoc apyiplovquiscama enlhit, elhcac sat acyanmongam. Omquesic sat aptom yamit acyilhna ayinyema yamit acyimnatescama ingnenyic. Inquinmec as yamit yoclhilhma paraíso apmaclha Dios” —alhta aptomjac seyanya otalhocsic.

EL APOCALIPSIS 3:21

Apquilinlhanacmec sat ancoc enlhit apyiplovquiscama, olhnesic sat sicnaclha. Jelhojoc sat lhama sicmaclha netin sictajanem actomja Visqui aptajanem. Acno alhta coo lha silinlhanyacmo naysicsa sicyiplovquiscama. Acnacmec alhta lhama coo Tata apmaclha netin aptajanem actomja Visqui aptajanem.