SAN MATEO 10:16 - Enhlit Bible

¹⁶ Aptomjac alhta mocjam Jesús: —¡Quip elanojo quellhip! Pac olapajacsic quellhip malha nipquesic naysicsa asoc navjac aclom. Eltamilsojo sat apquilvalhoc eltimjic malha nimisma. Noelovquis nasa apquilvalhoc, eltime sat malha valhaay.

SAN MATEO 10:16 Iomraidhean Croise

GÉNESIS 3:1

Inyitnec nic nat maa nimisma. Acmovan nic nat nimisma, am colhnoc moc asoc navjac apquilantipquiscama Dios Apyimtalhnamo. Intomjac nic nat nimisma ayanya quilvana: —¿Naso ya apcascama Dios coltovamcoc aclhamoclhojo yamit acyilhna?— nic nat intomjac.

GÉNESIS 3:13

Aptomjac nic nat Dios Apyimtalhnamo apcanya quilvana: —¿So actomja lhca yi?— nic nat aptomjac. Incatingmavoc nic nat quilvana: —Esilhnanaquic lhac nimisma. Actovquic lhac acyilhna— nic nat intomjac.

NEHEMÍAS 4:13

Alapajasquic alhta enlhitaoc ajancaoc ingyaniclhac sat acvayveyquintamlha lhopactic, apjalhtam jalip, ayapalhquilha apjalhtam. Apquilmec alhta apquilmaycam sovjeva najan sovo acvinatem najan yanca apancaoc. Apcanaycam alhta aplhamoclhojo moclhama apmolhama.

JEREMÍAS 40:16

Apcatingmavoc nic nat Gedalías: —¡Vamlha itne! Movan amyaa aptemaclha Ismael, acmiyovquic coo — nic nat aptomjac.

OSEAS 7:11

Efraín apquilmolhama apquilyitsomacpo valhaay mepqui apyascamco. Apquilanayquic alhta siclho elpasingvotac co Egipto, natamin eyca yoyam elpasingvotac co Asiria.

SAN MATEO 24:25

Altimnasquic lhac ajanco yicpintama cotnejic as asoc.

SAN MATEO 24:45

Aptomjac alhta mocjam Jesús: —¿Soc enlhit apyitsomacpo apquilancam apquilyajayquiclho najan apyascamco? ¿Jave ya apquilancam apcanyomap etamilsic apvisqui tingma pac, aptema laa apmilasictem aptoycaoc apquiltamjaycam enlhit?

SAN MATEO 25:2

Am nic nat colpenaso cinco quilvanaa. Moc cinco quilvanaa ilhnic nat altomja alyascamco najan alpenescamo.

SAN MATEO 25:4

Inquilsovquic nic nat quilvanaa alyascamco najan alpenescamo calevascama najan ayingmenic alyatam memonganyi.

SAN MATEO 25:9

Inquilatingmavoc nic nat quilvanaa alpenescamo: “Am ontimjic ma. Mongilinmalhalhquejec sat nincoo lha. Coltingyangvoclha maa alyanmomalhquilha” —ilhnic nat inquiltomjac.

SAN LUCAS 10:3

Ellhing quellhip. Quip elanojo, alapajasquic quellhip malha nipquesic apquitcaoc naysicsa asoc navjac aclom.

SAN LUCAS 21:15

Olmesic sat apquilpayvam najan apquilyascamcolhma quellhip. Colapvanquejec sat cotnaja ingmoc elatingmojo najan elyacsilhma apquilpayvam.

LOS HECHOS 20:29

Acyasamcoc coo lha. Acvoncapaclhec sat ancoc coo, elvac sat poc. Elnatovacsic sat Jesucristo apmolhama, malha asoc navjac aclom ayilhpanquiscama nipquesic.

1 CORINTIOS 14:20

Quellhip elyalhinga. Noeltime nasa malha sicaa. Eltime sat enlhit apquilyascamco. Eltime sat malha sicaa colyiplovquiscama acmasom. Eltime sat malha apquilvaneycaoc elyasamcojo asoc.

2 CORINTIOS 1:12

Ningiltamjoc ongiltimnacsic quellhip actemaclha acyascamco anco ingvalhoc naysicsa acpayjayclha ingvalhoc: Ningyiplovcasquic mataa lhalhma anco actemaclha ningiltamilcasomalhco inganco najan lha nipyesicsa quellhip. Ingilpasmec alhta Dios ayinyema singasicjayo. Am alhta conyemac actemaclha ningyascamco inganco.

2 CORINTIOS 11:14

Cotnaja acpilapquiscama ongvita. Eycaso actemaclha yavey Satanás yoyam coyitsalhcojo anco ángel Dios apcasinancama apquinyema ayitsayolhma.

2 CORINTIOS 11:3

Incacoc enquenyic elyinimsacpoc sat quellhip. Malha alyinimsomalhca intomjac apquilvalhoc quellhip, acno ilhnic nat nimisma acyinimquiscama Eva. Asilhtec quellhip apquilasicjayo Cristo.

2 CORINTIOS 8:20

Ningiltamjoc yoyam colhejec singillhenamcaa naysicsa ningiltamilquiscama solyayem acninquinomalhca.

FILIPENSES 2:15

Yoyam melsilhnanacpoc quellhip. Eltime sat Dios apquitquic apquilpeyvomo nipyesicsa enlhitaoc apquilmapsomcaa. Eltime sat quellhip malha apquilapongmateycaoc apyova netin.

COLOSENSES 1:9

Ninlingac alhta amyaa siclhoc anco apquiltemaclha quellhip. Ningilinlhanacmec mataa nincoo ningilmalhnesquiscama quellhip yoyam elhicmocsic sat Dios actemaclha apmayjayoclha yoyam elyasingvomoc quellhip najan elyicpilcangvomoc ayinyema Espíritu apanco Dios.

COLOSENSES 4:5

Eltime sat mataa apquilyascamco nipyesicsa enlhitaoc lhalhma anco. Elyintamap sat ellhenic actemaclha melyasquiyam quellhip.

1 TESALONICENSES 2:10

Quellhip alhta apquiltomja singilvitaycamco. Najan lha Dios aptomja singvitaycamco actemaclha alhta ningileyvam nipyesicsa quellhip apquiltomja melyasquiyam. Ningiltamilsalhcoc alhta inganco actemaclha actamilaycam ingvalhoc najan actemaclha acpeyvomo najan mepqui ningilsilhnanomalhca.

1 TESALONICENSES 5:22

Elyinyov sat aclhamoclhojo actemaclha almasomcaa.