SAN MATEO 1:6 - Enhlit Bible

⁶ Isaí apquitca ilhnic nat David, aptomja ilhnic nat apvisqui. Apvisqui David apquitca ilhnic nat Salmón, inquin nic nat Urías aptava niptamin.

SAN MATEO 1:6 Iomraidhean Croise

2 SAMUEL 11:3

Yejemoc nic nat apcapajasa apvisqui David. Apquiltamjoc eyasamcojo aptomja aptava as quilvana. Apquilatingmavoc nic nat: Eliam apquitca as quilvana, acmolhama heteo. Urías aptava acvisay Betsabé — nic nat apquiltomjac.

2 SAMUEL 23:1

Eycaso actomjaclha nelha appayvam David: Quip elaylhojo sicvisay David, Isai apquitca. Innec seyaco ayinyema Dios. Setnesquiscama Visqui ayinyema Dios apancaoc apquilmolhama Jacob. Innec seyasicjayo ayinyema sicminaycmascama nipyesicsa enlhitaoc Israel.

2 SAMUEL 23:39

Poc nic nat Urías hitita. Apyovoclhojo ilhnic nat treinta y siete apquilviscaa.

1 REYES 15:5

Aptasic nic nat mataa apvisqui David, mepqui apyeycajascama apcanamaclha Dios. yitne inyicje lhama aptemaclha apanco ilhnic nat David, napato Urías apvisay hitita.

1 CRÓNICAS 11:41

Urías apquiltimem hitita. Zabad, Ahlai apquitca.

1 CRÓNICAS 14:4

Appalacmec nic nat apquitquic tingma Jerusalén: Samúa, Sobab, Natán, Salomón,

1 CRÓNICAS 2:15

najan Ozem najan David. Apyovoclhojo ilhnic nat siete.

1 CRÓNICAS 28:5

Aplhamaseclhec alhta Dios eyitquic, apquilyacyesa sictamongvoyam Salomón etnejic apvisqui nipyesicsa enlhitaoc Israel.

1 CRÓNICAS 3:5

Apvitac nic nat maa cuatro apquitquic mocjam, apquilvisay: Simea, Sobab, Natán najan Salomón, inquin nic nat Betsabé, Amiel apquitca.

SALMOS 72:20

Nelha intomjac apquilmalhnancama David, Isaí apquitca.

ISAÍAS 11:1

Enlhit apvisay nic nat David apmolhama Isaí najan aptovana. Apquilyitsomacpo ilhnic nat yamit avjac najan alhcapoc alhnancoc ayictingam, actiyapma apquipmenaoc.,

SAN MATEO 1:5

Salmón apquitca ilhnic nat Booz, inquin nic nat Rahab. Booz apquitca ilhnic nat Obed, inquin nic nat Rut. Obed apquitca ilhnic nat Isaí.

ROMANOS 8:3

Am alhta covanac jingilvomsic tap singanamaclha Moisés. Ayinyemaclha nintemaclha inganco actomja ayinmelhaycam. Apvanquic alhta Dios jingilvomsic tap: Apcapajasquic alhta Apquitca ningyesicsa naysicsa ningyiplovquiscama mongilyascalhma. Aptomjaclhec alhta enlhit apanco, ningno nincoo. Apmascosquic alhta Cristo acmovan mongilyascalhma. Ayinyemaclha am eyiplovcasac mataa mongilyascalhma.

RUT 4:22

Obed apquitca ilhnic nat Isaí. Isaí apquitca ilhnic nat David.

1 SAMUEL 16:1

Aptomjac nic nat Dios apcanya Samuel: —¿Jalhco sat acvam comascoc acvinama apvalhoc lhip ayinyema aptemaclha Saúl? Acyinyovcasquic alhta aptimem apvisqui nipyesicsa enlhitaoc Israel. Ingva, ilic sat lhip alhancoc ningatsisquiscama yingmenic. Ongvapajacsic sat lhip tingma Belén apnaclha enlhit apvisay Isaí. Alyacyesquic coo lhama apquitca yoyam etnejic apvisqui nipyesicsa enlhitaoc.

1 SAMUEL 17:12

David apyap nic nat Isaí, tingma pac Belén yoclhilhma Judea. Apnaymacoc nic nat enlhitaoc efrateos. Ocho apquitquic nic nat Isaí. Apvanacmec nic nat Isaí naysicsa aptimem apvisqui Saúl.

1 SAMUEL 17:58

Aptomjac nic nat Saúl apcanya David: —Lhip, ¿soc lhip enlhit apquitca? — nic nat aptomjac. Apcatingmavoc nic nat David: —Isaí apvisay tata coo, tingma Belén. Lhip apquilancam aptomja tata coo — nic nat aptomjac David.

1 SAMUEL 22:8

Quellhip apquiltomja selinmelhaycam, ayinyema mejeltimnascama amyaa sictamongvoyam najan Isaí apquitca David. Yitnec alhta apquilpamejitsomap apquillhanma mepqui apquilyeycajascaoc. Am alhta jeltimnasac amyaa lhama nipyesicsa quellhip. Am alhta jeltimnasac amyaa seyinmelhaycam sictamongvoyam, ayinyema alhta aptemaclha apanco aplhalhma, aptomjac seyamascam coo as ningvamlha nac jay — nic nat aptomjac Saúl.