SAN MATEO 1:23 - Enhlit Bible

²³ Quip elanojo, inlovsoc sat cotnejic quilvana mepqui atava. Cotimsic sat ayitca apquinavo. Colhic sat actimesa apvisay Emanuel, ningiltimem nincoo Dios singilpalhavoy —nic nat intomjac appayvam.

SAN MATEO 1:23 Iomraidhean Croise

SALMOS 46:11

Ninlhalhma aptomjac Visqui ingac apyimtalhnamo. Jacob apvisqui pac Dios aptomja ningyilhanmeycam.

SALMOS 46:7

Ninlhalhma aptomjac Visqui ingac apyimtalhnamo. Jacob apvisqui pac Dios aptomja ningyilhanmeycam.

ISAÍAS 12:2

Dios aptomja sevomquiscama tap, mepqui sicyasquiyam coo, mepqui siyay coo. Visqui ingac aptomja sevomquiscama tap, sictomja sicyilhanmeycam, aptomja seyimnatescama.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

SAN MATEO 1:24

Lhama alhta aplhaticja José. Apquilyajaclhoc alhta actomjaclha appayvam ángel Visqui apcasinancama. Apyipitcavoc alhta José. Aptava alhta aptomjac María.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

SAN LUCAS 20:44

Apquiltimec nic nat David Apvisqui Cristo. ¿Apvanqui ya Cristo etnejic David apquitca? —alhta aptomjac.

SAN JUAN 1:14

Enlhit apanco alhta aptomjaclhac apvisay Appayvam. Apnactac alhta ningyesicsa. Ningvitac alhta gloria aptamila apanco. Eycaso actomja gloria aptamila apanco Ingyapam Apquitca apvamlha pac lhama, am colhno moc gloria actamila anco. Inlanoc alhta apvalhoc singamliyam najan aptomja nasoc anco.

LOS HECHOS 18:9

Alhtaa alhta apvita Pablo malha ningaat ayinyema Visqui ingac. Aptomjac alhta apcanya Visqui ingac: —Nongya nasa lhip. Nolvatesquim nasa apquiltimnascama tasic amyaa.

ROMANOS 8:31

¿Jalhco sat ongiltimjic nincoo? Aptomjac sat ancoc Dios singmasma nincoo, copvanquejec lhama enlhit jingilinmelham nincoo.

ROMANOS 9:5

Enaymacoc apquiltomja aptovana niptamin ningilyeyjamcaa apquilictingam apmamyi. Apvaac alhta Cristo aptomjayclho enlhit apanco nipyesicsa enaymacoc judíos. Cristo aptomja Visqui, malha Dios tacjalhit aclhamoclhojo asoc. Pac ontimjic mataa ningayo cotmongvoycamlha nelha. Amén.

2 CORINTIOS 5:19

Dios aptomja aptimesquiscama apcasicjayclho aplhamoclhojo enlhitaoc lhalhma anco ayinyema Cristo. Am alhta elyipsatac Dios melyascalhma enlhitaoc. Ingilasinaquic nincoo yoyam ongilpayecsic as amyaa actemaclha singasicjayclho mocjam.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

2 TIMOTEO 4:17

Epasmec alhta Visqui ingac, aptomja alhta seyimnatescama. Acsovjoquic siltimnascama tasic amyaa yoyam ellinga aplhamoclhojo enlhitaoc lhalhma anco. Evomcasquic tap Visqui ingac apnamcaclha cotnaja ingmoc, malha asoc navjac aclom setaclhama.

2 TIMOTEO 4:22

Altamjoc coo etnejic aplhalhma lhip Jesucristo Visqui ingac. Altamjoc yoyam epasmoc Dios Ingyapam aplhamoclhojo quellhip. Amén.