SAN MATEO 1:19 - Enhlit Bible

¹⁹ Enlhit appeyvomo alhta José. Am alhta eltamjoc etipquisam acvisay María. Inlhenquic alhta apvalhoc, yoyam eyilhacpojo eyinyoc María.

SAN MATEO 1:19 Iomraidhean Croise

GÉNESIS 38:24

Tres piltin nic nat apvocmoc. Pilapcasquic nic nat Judá aplinga amyaa: —Inquilpatjetamquic nic alhta poc enlhitaoc lhip aptapa Tamar. Inlovsoc nic alhta intomjaclha— nic nat intomjac amyaa. Apyimnatasquic nic nat appayvam Judá: —Eltipquis sat quilvana, colhic sat acyinyova natilh— nic nat aptomjac.

GÉNESIS 6:9

Eycaso amyaa aptemaclha ilhnic nat Noé. Appeyvomo ilhnic nat Noé. Am nic nat esilhnanacpoc napato Dios Apyimtalhnamo. Am nic nat elhnoc apquictingaycamco lhama. Apyiplovcasquic nic nat Noé apmayjayoclha Dios Apyimtalhnamo.

LEVÍTICO 19:20

Appatjetamquic sat ancoc enlhit lhama quilvana acmomalhca. Actomja eyca apponcanma poc enlhit. Nasoc sat ancoc acmomalhca, colhejec sat acyanmongseclho, comatnejec sat quilvana, mematnejec sat enlhit. Eyinyoc sat acyanmongam apsilhnanomap apanco.

LEVÍTICO 20:10

Appatjetamquic sat ancoc quilvana cotnaja aptava, esilhnanacpoc apanco. Ematong sat enlhit apsilhnanomap apanco. Comatong sat quilvana acsilhnanomalhca.

SAN MARCOS 10:4

Apquilatingmavoc alhta: —Aptomjac nic nat Moisés: Apyinyovquic sat ancoc aptava, italhosquis sat vaycajac actemaclha ningyamasma intava —alhta apquiltomjac.

SAN MARCOS 6:20

Apyasamcoc alhta Herodes aptemaclha Juan, aptomja appeyvomo najan apponquinomap. Apcacac alhta. Apyispaquic alhta mataa apjalhenmo apquiltimnaycam. Lhama alhta aplinga apquiltimnaycam Juan, intamjam alhta apvalhoc. Apmiyovcacpec alhta singilpilhtetomaclha.

SAN LUCAS 2:25

Apnec alhta tingma Jerusalén lhama enlhit apvisay Simeón. Appeyvomo alhta as enlhit apcayo Dios Ingyapam. Apquiljalhanmec alhta apquilvomquiscama tap enlhitaoc Israel. Espíritu Santo alhta apnac apvalhoc.

LOS HECHOS 10:22

Apquilatingmavoc alhta: —Capitán Cornelio nincoo ningilinyemac. Aptasic maa. Enlhit appeyvomo. Apcacavoc mataa Dios Ingyapam. Apquilasicjavoc mataa aplhamoclhojo judíos. Apvitac alhta Cornelio lhama ángel Dios apcasinancama. Appamejitcasquic nic alhta apcanya eltimnascomoc lhip, yoyam eyacsic lhip Cornelio tingma pac. Apquiltamjoc alhta ingyeylhojo lhip appayvam —alhta apquiltomjac.

LOS HECHOS 27:39

Lhama alhta ayitsaca. Am alhta elyicpilcac yoclhilhma. Apquilvitac alhta inyicje lhopactic niyava yingmin. Apquililtamjoc alhta elvoclhac maa.

2 CORINTIOS 1:15

Am alhta oyascacmoc coo yoyam ovoclhac nipyesicsa quellhip. Yoyam ellhovac sat quellhip mocjam Dios apcaycaoc, anit sicvayclho sat cotnejic.

DEUTERONOMIO 22:20

Nasoc sat ancoc altamay acpatjetamalhca as quilvana ayitcoc.