SAN MATEO 1:11 - Enhlit Bible

¹¹ Josías apquitca ilhnic nat Jeconías najan apquilyalhinga. Apquileyvam nic nat naysicsa macnalayclha israelitas apquilmomap yoclhilhma Babilonia.

SAN MATEO 1:11 Iomraidhean Croise

2 REYES 23:31

Vocmec nic nat veintitrés años aptiyascam Joacaz aptimesacpo apvisqui. Aptimec nic nat apvisqui tingma Jerusalén acvaycmo tres meses. Inquin nic nat acvisay Hamutal, Jeremías apquitca tingma Libna.

2 REYES 24:14

Innec nic nat acnalaclho enlhitaoc co Jerusalén najan apquilyimtalhnamo najan acma apquilmaycam. Invocmec nic nat diez mil apquilmomap. Apsovjoc nic nat apquilmacpo apquillanay tava ápaoc. Paj nic nat lhama enlhit apcaymomap. Apquilaymacpec nic nat apquilvamlha enlhit mepqui apquilnatam apnaycam amyip, tap tingma apvanyam.

2 REYES 25:11

Innec nic nat acnalaclho yoclhilhma Babilonia enlhitaoc apquilmomap najan enlhitaoc apquilaymomap natingma najan enlhitaoc apquilhpaneycam. Apnalaclhec nic nat singilpilhtetemo apvisqui capitán Nabuzaradán.

2 CRÓNICAS 36:10

Vocmec nic nat acmamayaclha as año (primavera). Aptomjac nic nat apcanama apvisqui Nabucodonosor, colhic acyantamaclho Joaquín tingma Babilonia. Elsavojoc sat apquilmaycam acmamnave acnaycaoc congne tingma apponquinomap, elpatmaoclhac sat maa. Aptimesacpec nic nat Joaquín apmolhama apvisay Sedequías, etnejic apvisqui nipyesicsa co Judá najan co Jerusalén.

2 CRÓNICAS 36:20

Innec nic nat acnalaclho tingma Babilonia apyovoclhojo apquilaymomap mepqui apticyovam. Apquilanyacpec nic nat apquilmomap eltimesam nipyesicsa maa, najan eltimesam nipyesicsa apvisqui aptovana. Acvaycmo ilhnic nat acnim, etnejic apvisqui apvisay co Persia.

ISAÍAS 13:1

Apcanyacpec nic nat Isaías, Amoz apquitca, elngacsic amyaa ayinyema Dios, yavamlha cotnejic nipyesicsa co Babilonia:

JEREMÍAS 39:9

Lhama guardia apvisqui ilhnic nat Nabuzaradán. Apnalaclhec nic nat Babilonia apyovoclhojo apquilaymomap tingma apvanyam. Apsovjacpoc nic nat enlhitaoc apquilmomap.

DANIEL 1:2

Am nic nat emyavac Dios aptomjaclha apvisqui Nabucodonosor. Apmacpec nic nat apvisqui Joacim. Apquilpatmaoclhec nic nat aclhamoclhojo apquilmaycam alinyema Dios tingma pac apponquinomap. Apnalaclhec nic nat apvisqui Nabucodonosor tingma Babilonia judíos apquilmomap. Apninquinquic nic nat alhanaoc najan ingjaycaoc alponquinomalhca, appalhaquisa asoc acnaycaoc acyitnamaclha quilaycmasquiscama mayayo, acyitsomalhca dios.

SAN MATEO 1:12

Natamin macnalayclha israelitas apquilmomap yoclhilhma Babilonia aptiyacmo ilhnic nat apquitca Jeconías apvisay Salatiel. Salatiel apquitca ilhnic nat Zorobabel.

SAN MATEO 1:17

Invocmec nic nat catorce apyamoncascaoc apquilictingaycaoc apmamyi apquilinyema Abraham acvocmo apvisqui David. Invocmec nic nat mocjam catorce apyamoncascaoc apquilictingaycaoc apmamyi apquilinyema apvisqui David acvocmo acnim macnalayclha israelitas apquilmomap yoclhilhma Babilonia. Natamin invocmec nic nat mocjam catorce apyamoncascaoc apquilictingaycaoc apmamyi acvocmo acnim aptiyam Cristo.