SAN MATEO 1:1 - Enhlit Bible

¹ Eycaso acnatalhesomalhca apquilvisay apquictingaycaoc apmamyi apquinyemayaclha Jesucristo. Abraham najan David aptovana niptamin nic nat Jesucristo.

SAN MATEO 1:1 Iomraidhean Croise

GÉNESIS 12:3

Opasmoc sat mataa poc enlhitaoc apquiltomja apquilpayesayclha apvalhoc lhip. Apquilmapsomcaa sat otnesquisic enlhitaoc apquiltomja apquiltimesquiscama apmapsom lhip. Lhip sat conyemac acpayjayclha apquilvalhoc aplhamoclhojo enlhitaoc lhalhma anco.

GÉNESIS 2:4

Eycaso actemaclha ilhnic nat apquilantipquiscama Dios netin najan nalhpop. Lhama ilhnic nat apquillana Dios netin najan nalhpop.

GÉNESIS 22:18

Olpasmoc sat mataa aplhamoclhojo enlhitaoc lhalhma anco, ayinyema apquilyajayquiclho lhip sicpayvam”— nic nat intomjac Dios Apyimtalhnamo appayvam.

GÉNESIS 5:1

Eycaso acnatalhesomalhca ilhnic nat apquilvisay Adán aptovana niptamin. Lhama ilhnic nat apquillana Dios enlhit. Apnoc nic nat aptemaclha Dios.

SALMOS 132:11

Meyeycajacsejec mataa Visqui ingac appayvam actomja nasoc anco. Aptomjac alhta Visqui ingac apcanya David:

SALMOS 89:3

Aptomjac alhta lhip appayvam: —Acpenasquic coo sicpamejitsomalhca sicmayjayoclha apnaclha selancam David. Sictomja silyacyescama coo.

SALMOS 89:36

—Olmeyvoc sat mataa aptovana niptamin. Elhnam sat apvisqui aptajanem cotmongvoycamlha nelha.

ISAÍAS 11:1

Enlhit apvisay nic nat David apmolhama Isaí najan aptovana. Apquilyitsomacpo ilhnic nat yamit avjac najan alhcapoc alhnancoc ayictingam, actiyapma apquipmenaoc.,

ISAÍAS 53:8

Innec alhta acyantaveclho naysicsa macyicpilquemo najan aplingaycamco acyimtalhnama. Am alhta collhenac apquilvalhoc enlhitaoc. Innec alhta acmascosa aptiyascam as nalhpop nipyesicsa apnaymacoc. Apmatnec alhta acyanmongam mongilyascalhma.

JEREMÍAS 23:5

Aptomjac alhta Dios apquilanya: Incovac sat acnim, yoyam etyamoc sat apvisqui David aptavin. Etnejic sat apvisqui apyascamco, aptemaclha appeyvomo najan aptemaclha appeyvescasquiclha appeyvomo.

JEREMÍAS 33:26

Momascocsejec sat Jacob aptovana niptamin. Momascocsejec sat mataa David aptovana niptamin, eltimjic sat mataa apquilviscaa reyes nipyesicsa enlhitaoc Abraham aptovana, najan Isaac aptovana, najan Jacob aptovana. Ongvasicjiclhojoc sat mataa enlhit ajancaoc, yoyam elmiyovacpoc — alhta aptomjac Visqui ingac.

AMÓS 9:11

Aptomjac alhta mocjam: Covac sat acnim, yoyam ollaniclha mocjam paat apmaclha David. Ollaniclhac sat mataymong almayjem, najan mataymong alyananma, colhojoc sat actemaclha nano.

ZACARÍAS 12:8

Olmeyvoc sat coo sicvisay Visqui enaymacoc Jerusalén. Enlhit melyimnatem as tingma ellhojoc apquilyimnatem, apno ilhnic nat apvisqui David. Aptovana niptamin David ellhojoc sat Dios, ellhojoc sat ángel Dios apcasinancama, aptomja apnalayclha enlhit.

SAN MATEO 1:18

Eycaso actemaclha alhta aptiyaycamlha Jesucristo. Inponquinalhquic alhta María. Apponcanma alhta José, yoyam etnejic aptava. Am alhta colyimjapac mocjam. Inyasamcoc alhta María actomja inlovso ayinyema apmopvan Espíritu Santo.

SAN MATEO 1:2

Abraham apquitca ilhnic nat Isaac. Isaac apquitca ilhnic nat Jacob. Jacob apquitca ilhnic nat Judá najan apquilyalhinga.

SAN MATEO 15:22

Pilapcasquic alhta acvitalhco quilvana co Canaán, alpalhamamcaa alhta: —¡Visqui, David apquitca, jeyimlimojo coo! Somquic quilyicjamo actovascama sictamongvoyam. Avanjec ayasquiscama ayimpejic —alhta intomjac.

SAN MATEO 3:16

Innec alhta acyapasquisa yingmin Jesús. Naysicsa aptiyapma nayingmin alhta Jesús acyaptalhco netin. Apvitac alhta Jesús apvayventamo Dios Espíritu. Malha valhaay alhta intomjac apvayventama tacjaplhit.

SAN MATEO 9:27

Aplhinquic alhta mocjam Jesús. Yejemoc alhta apquilyiplaclho apcanit mepqui apataoc. Apquilpalhamamcaa alhta: —¡Jesús, David Apquitca!, ¡jingimlimojo nincoo! —alhta apquiltomjac.

SAN LUCAS 1:33

Etnejic sat mataa apvisqui apancaoc enlhitaoc Israel. Cotningvomejec sat nelha apcanamaclha apanco —alhta aptomjac.

SAN JUAN 7:42

Yitnec actemaclha aclhanma Dios appayvam actalhesomalhca, yoyam ingyinyemac Cristo tingma Belén, apvisqui David tingma pac nano., Ayinyemaclha apvisqui David aptavin sat etnejic Cristo —alhta apquiltomjac.

LOS HECHOS 2:30

David aptomjac nic nat profeta Dios aplingascama. Apyasamcoc nic nat aplhanmaclha Dios Ingyapam. Nasoc anco sat etnesquisic appayvam. Apquiltamjoc nic nat etnescasiclha apvisqui, yoyam elhic aptavin niptamin David. Yoyam eyanmongsic sat aptavin niptamin apvisay Cristo.

ROMANOS 4:13

Aplhenquic nic nat Dios actomja nasoc anco yoyam emquesic sat Abraham aclhamoclhojo asoc nalhpop. Yoyam najan elmesic aplhamoclhojo aptovana niptamin, malha ningillhoy ingilyap apquilnatam. Eycaso aplhanma ilhnic nat Dios ayinyema actemaclha meyasquiyam Abraham mepqui apyiplovquiscama singanamaclha. Aptimesacpec nic nat appeyvomo Abraham napato Dios.

ROMANOS 9:5

Enaymacoc apquiltomja aptovana niptamin ningilyeyjamcaa apquilictingam apmamyi. Apvaac alhta Cristo aptomjayclho enlhit apanco nipyesicsa enaymacoc judíos. Cristo aptomja Visqui, malha Dios tacjalhit aclhamoclhojo asoc. Pac ontimjic mataa ningayo cotmongvoycamlha nelha. Amén.

GALATAS 3:16

Aplhenquic nic nat Dios actomja nasoc anco, yoyam elmesic apcaycaoc Abraham najan aptavin niptamin. Am nic nat ellhenacpoc aplhamoclhojo “aptovana niptamin”. Aplhenacpec nic nat apvamlha lhama “aptavin niptamin”. Cristo ilhnic nat aplhenacpoc.

1 TIMOTEO 2:5

Apnec apvamlha pac lhama Dios. Apnec apvamlha pac lhama Jesucristo aptomja enlhit apanco, aptomja singyipitcasquiclha Dios.

2 TIMOTEO 2:8

Iyasingvoclhojo mataa lhip Jesucristo aptomja aplhaticjangviyam nipyesicsa apquilmasquingvaycmo. Aptomja alhta apvisqui David aptavin niptamin. Eycaso tasic amyaa siltimnascama mataa coo.

EL APOCALIPSIS 22:16

—Coo sicvisay Jesús. Ayapajasquic coo ángel siyasinancama yoyam elngacsic as amyaa nipyesicsa quellhip najan aplhamoclhojo Jesucristo apmolhama. Coo sicvisay ayinyemayaclha aclhamoclhojo asoc najan sicvisay apvisqui David aptavin niptamin. Coo sicvisay apyova apyiviy aptomja apcapongmatem.