SAN LUCAS 9:51 - Enhlit Bible

⁵¹ Camquitvocmec alhta acnim, yoyam emyaclhac mocjam netin Jesús. Appeyvoc alhta apmiyaclho tingma Jerusalén.

SAN LUCAS 9:51 Iomraidhean Croise

2 REYES 2:11

Apquillhinquic nic nat, apquilpametamcaa naysicsa apquillhingam. Pilapcasquic nic nat apquilvita naysicsa talha nolhing apyinyovascama carro. Apyinyovquic nic nat aplhalhma profeta Elías. Apmiyaclhec nic nat netin nipyesicsa piyam apyimnatem.

SAN MARCOS 16:19

Lhama alhta apsovja apquiltimnaycam Visqui Jesús, apmiyaclho eyca netin. Apnaclhec alhta apnaclha Dios Ingyapam. Yejemoc alhta apquillhinga apquiltamsoycaoc.

SAN LUCAS 12:50

Olngamcojoc sat acmasca seyapajasquiscama. Eyovse inyicje coo olinlhanmojo.

SAN LUCAS 13:22

Apquimpaclhec alhta mocjam. Apquillhalhmaa alhta apquiltamsoycaoc. Jerusalén alhta apmiyaclha. Apquilquitamamcaclho alhta mataa tingma yoycamlha eltamsamcoc enlhit.

SAN LUCAS 17:11

Apmiyaclhec alhta Jesús tingma Jerusalén. Apyeycajangveclhec alhta yoclhilhma Samaria najan yoclhilhma Galilea.

SAN LUCAS 18:31

Apquilevamcaa alhta aplhapcavo doce apóstoles apquilapajasomap. Aptomjac alhta apquilanya: —Quip elanojo, ningilmiyaclhec tingma Jerusalén. Pa incomoc nelha aplhanmaclha ilhnic nat profetas Dios apquillingascama. Siclhenomalhca coo sicvisay Sictiyam Sictomja Enlhit.

SAN LUCAS 19:11

Apcamquitvoclhec alhta Jesús tingma Jerusalén. Apquilanayquic alhta apquillhalhmaa elvitac sat Dios apquilnancascama. Apquiljalhnoc alhta mocjam enlhitaoc.

SAN LUCAS 19:28

Lhama alhta apsovja apquiltimnaycam Jesús, apmiyaclho alhta tingma Jerusalén.

SAN LUCAS 24:51

Naysicsa apquilmalhnesquiscama alhta apmiyaclho netin.

SAN LUCAS 9:57

Nalhit amay alhta aptomjac apcanya lhama enlhit: —Visqui, pac oyiplovjoc mataa lhip apyasaclha —alhta aptomjac.

SAN JUAN 13:1

Invocmec alhta acnim yicpintama pascua caya apquilyeycajaycaoc. Apyasamcoc alhta Jesús acvocmo acnim, yoyam elvaticsic aptiyascam as nalhpop, yoyam eyoclhac sat mocjam apnaclha Apyap. Apquilasicjavoc alhta mataa apnaymacoc apnaycam as nalhpop. Inyangvocmec alhta Jesús apquilasicjayo acvocmo nelha aptiyascam as nalhpop.

SAN JUAN 16:28

Nasoc anco coo siyinyemay coo Tata. Acvaac coo as nalhpop. Oyamyiclhac sat mocjam as nalhpop, yoyam omyaclhac mocjam apnaclha coo Tata —alhta aptomjac.

SAN JUAN 16:5

Quilhvo eyca pac omyaclhac apnaclha coo Tata aptomja seyapajascama. Am eltamjoc quellhip jelanic: ¿Jalhco apyasa?

SAN JUAN 17:11

‘Molhejec sat coo mocjam as nalhpop. Elhnam sat mocjam as enlhitaoc as nalhpop. Oyoclhojoc sat coo apnaclha lhip. Tata appeyvomo, imyov sat lhip actemaclha apmopvan as enlhitaoc selmescama alhta. Altamjoc yoyam eltimjic apquilpasmeyquiclha, yoyam colhojoc moc apquilvalhoc, acno nincoo inlhama, lhip najan coo.

SAN JUAN 6:62

Coyangvomoc sat apquilnatjemo quellhip jelvitac sicvisay Sictiyam Sictomja Enlhit sicmiyaclho sat netin siyinyemayaclha —alhta aptomjac.

LOS HECHOS 1:2

acvaycmo apmiyayclhilha netin. Amamyi apmiyayclha netin alhta apquilyacyesa apóstoles apquilapajasomap. Apcasinaquic alhta Espíritu Santo actemaclha, yoyam elvajanamcoc apóstoles apquilapajasomap.

LOS HECHOS 1:9

Natamin apquiltimnascama Jesús macyaseclho netin. Apquilanaoclho alhta apquiltamsoycaoc. Yejemoc alhta ayajapva lhama yipjopay. Inmasquec alhta apquilvita.

EFESIOS 1:20

naysicsa aplhaticjasquiyam Jesús nipyesicsa apquilmasquingvaycmo. Apnescaclhec alhta netin napocja actamilaclha.

FILIPENSES 3:14

Altamjoc ovomjoc actomjaclha nelha yoyam olhcac acyanmongam acmamnave ayinyema Dios. Aplhanma yoyam jimquesic, ayinyemaclha sicyipitcayo Cristo Jesús.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

HEBREOS 12:2

Pac ongilanojoc aptemaclha Jesús actomja ayinyemaclha mongyasquiyam najan aptomja apviscaycmo actomjaclha nelha mongyasquiyam. Aplingamcoc alhta acmasca Jesús netin asoc timyescama. Am alhta emancac Jesús yoyam ingyitsapoc netin asoc timyescama. Apyasamcoc alhta Jesús yoyam coyiplovjoc sat acpayjayclha apvalhoc. Apnaclhec alhta Jesús apnaclha Dios napocja actamilaclha. Apnec mataa Dios netin aptajanem.

HEBREOS 6:20

Aptalhningvoclhec alhta apmamyi Jesús congne tingma apponquinomap netin yoyam jingillanesic amay, yoyam ongilyoclhojoc sat nincoo lha apnaclha Dios. Ayinyemaclha Jesús aptomja Dios apquilancam apno ilhnic nat Melquisedec apmolhama.

1 SAN PEDRO 3:22

Apmiyaclhec alhta netin Jesucristo. Apnaclhec alhta apnaclha Dios napocja actamilaclha. Apquililyajaclhoc mataa ángeles najan aptomja apquilyimtalhnamo netin najan aptomja apquilmopvancaa netin.