SAN LUCAS 9:31 - Enhlit Bible

³¹ Yiplovcoc alhta apquilapongmatem. Apquilpamejitsacpec alhta actemaclha apquitsepma, yoyam cotnejic Jerusalén nac maa.

SAN LUCAS 9:31 Iomraidhean Croise

SAN LUCAS 9:22

Aptomjac alhta apquilanya: —Olngamcojoc sat acmasca sicvisay Sictiyam Sictomja Enlhit. Otanovalhcac sat nipyesicsa apquilyimtalhnamo najan nipyesicsa apquilimja apmamyi sacerdote najan nipyesicsa apquilyascamco apquiltemaclha. Omatong sat coo. Natqui acnim sat cotnejic olhaticjangvomoc sat mocjam nipyesicsa apquilmasquingvaycmo —alhta aptomjac.

SAN LUCAS 9:30

Apquilvitacpec alhta apcanit enlhit apvisay Moisés najan Elías. Apquilpamejitsacpo alhta Jesús.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

2 CORINTIOS 3:18

Nincoo ninlhamoclhojo, am coyitnac ninglalascama ningaat apava. Yitnec mataa ningaat ayitsayolhma apanco Visqui ingac. Malha laneyo intalhamavo intomjac ningaat. Invitalhquic ningaat acyitna ayitsayolhma ayinyema Visqui ingac. Ongilinmalhingvoclhac sat nincoo aptemaclha Cristo. Inyangvocmec mataa ayitsayolhma apanco, inyangvocmec najan ayapongmatem ningaat. Eycaso aptimesquiscama Dios Visqui ingac ayinyema Espíritu apanco.

FILIPENSES 3:21

Yitnec ningyovoclhojo yoyam comasquingvomoc. Eyanmongsic sat Visqui ingac moc actemaclha ningyovoclhojo. Elhnasojoc sat ningyovoclhojo actemaclha aptamila apanco apyovoclhojo. Apmopvan innac Visqui ingac. Apvanquic ingyanic yoyam colilyejiclhojo aclhamoclhojo asoc netin najan nalhpop.

COLOSENSES 3:4

Cristo aptomja apyimnatescama ingnenyaoc. Apvoctac sat ancoc mocjam yoyam ongvitac sat. Elvitacpoc sat quellhip lha apquilpasmeyquiclha Cristo aptemaclha apyimtalhnamo.

HEBREOS 11:22

Meyasquiyam nic nat innac José. Aplhenquic nic nat José yicpintama apquitsepma yoyam elyamyiclhac sat apnaymacoc israelitas yoclhilhma Egipto. Appenasoc nic nat appiquena appayvam José yoyam eltimjic apquilatonma acvocmo sat apquitsepma.

1 SAN PEDRO 5:10

Apquillingamcoc sat ancoc acmasca quellhip acyavataclhojo. Dios sat elpenacsojo quellhip najan elyimnaticsojoc sat quellhip najan epasmoc yoyam elinlhanmojoc quellhip. Ayinyemaclha Dios aptomja singmescama cotlaycaoc singaycaoc. Apquiltamjoc yoyam ongnam sat lhama Jesucristo aptomja apyimtalhnamo cotmongvoycamlha nelha.

2 SAN PEDRO 1:15

Altamjoc coo mataa yoyam elyasingvoclhojo quellhip netamin coo amyaa actomja nasoc anco.

EL APOCALIPSIS 7:14

Actomjac alhta coo siyatingmavo: —Visqui, lhip apyasamcoc —alhta actomjac coo. Aptomjac alhta seyanya mocjam: —Avanjec alhta apquillingaycamco acmasca apquilinyemayaclha as enlhitaoc. Apquilyimyesquic alhta apquilantalhnama em pac Nipquesic Apquitcoc. Apquilmopisaclhec alhta apquilantalhnama.