SAN LUCAS 9:11 - Enhlit Bible

¹¹ Lhama alhta apquillinga enlhitaoc. Yejemoc alhta apquilyiplaclho. Apquilmacpec alhta tacja apquilvamlha. Apquiltimnasquic alhta Jesús amyaa Dios apquilnancascama. Apquiltamilquiscacmec alhta acmasca apyimpeoc.

SAN LUCAS 9:11 Iomraidhean Croise

ISAÍAS 61:1

Aptomjac nic nat profeta aplingascama: Apnec evalhoc coo espíritu apanco Dios. Eyapajasquic alhta Dios nipyesicsa mepqui apquilnatam, olngacsic tasic amyaa. Nipyesicsa apquilmapyovseca, yoyam oltamilquiscomoc apquilvalhoc. Nipyesicsa apquilmomap, yoyam colhic acyamyeclho mocjam. Nipyesicsa apnaycam singilpilhtetomaclha, yoyam colhic acyamyeclho mocjam.

SAN MATEO 12:15

Lhama alhta apyicpilca Jesús apquiltomjaclha enlhitaoc. Aplhinquic alhta Jesús. Apquilyiplovquic alhta aplhamoclhojo enlhit. Apquiltamilquiscacmec alhta aplhamoclhojo acmasca apyimpeoc.

SAN MATEO 14:14

Lhama alhta aptepa barco Jesús. Apvitac alhta aplhamoclhojo enlhit. Apyovsec alhta apquilano enlhitaoc. Apquiltamilquiscacmec alhta actomjaycaoc ningmasquem.

SAN MATEO 21:31

Aptomjac alhta Jesús: —¿Soc apquitca aptomja apquilyajayquiclho actomja apmayjayoclha apyap? —alhta aptomjac. Apquilatingmavoc alhta enlhitaoc: —Apsilhyo —alhta apquiltomjac. Aptomjac alhta Jesús apquilanya enlhitaoc: —Actomjac coo silanya quellhip: Naso, elpalhavomoc sat apquilmamyi Visqui netin apquilnancascama enlhit apquilmam tacja solyayem najan quilvanaa alanatama, am colhno quellhip.

SAN MATEO 21:43

Actomjac coo silanya quellhip: Comascoc sat acna Dios apquilnancascama nipyesicsa quellhip. Elmesiclhac sat Dios Ingyapam poc enlhitaoc. Ellanac sat apquiltamjaycam altamila.

SAN LUCAS 1:53

Altamila asoc apquilyipcanimcasac enlhit alnapma mayc. Mepqui asoc apquilmaycam apquilapajasac enlhit ningilnatam inyap.

SAN LUCAS 5:31

Apcatingmavoc alhta Jesús, apquilpamejitsa: —Apvancaac enlhit apjalhnancaoc mepqui panatem inyap. Colapvancaac eyca enlhit melyimnatem.

SAN LUCAS 8:1

Natamin alhta aplhinga Jesús. Apmiyaclhec alhta natingma lhalhma anco. Apquiltimnasam alhta tasic amyaa Dios apquilnancascama. Apquillhalhmaa alhta doce apóstoles apquilapajasomap.

SAN LUCAS 8:10

Apcatingmavoc alhta Jesús: —Apvancaac quellhip elyasingvomoc asoc acyilhamalhca Dios apquilnancascama. Eyca poc enlhitaoc eltimnasacpoc actemaclha sicyitquiscama. Elanojoc sat yicje, eyca melvityejec sat. Elaylhojoc sat yicje, eyca melyasingvomejec sat.

SAN LUCAS 9:10

Apquilvoctac alhta apóstoles apquilapajasomap apnaclha Jesús. Apquililtimnasquic alhta aclhamoclhojo asoc apquiltamjaycam apquilinyectamlha. Natamin apnalaclhec alhta Jesús apquilvamlha apquiltamsoycaoc. Apquilmiyaclhec alhta yoclhilhma actomjaclha ningato tingma Betsaida.

SAN LUCAS 9:12

Intalhnacmoc alhta apquilyoctamo doce apquiltamsoycaoc apnaclha Jesús, apquilpamejitsa: —Ilapajas sat enlhitaoc. Elyacsic sat natingma najan nicja yoclhilhma. Elnatiyanvomoc sat maa. Eltovamcoc sat najan maa. Paj tingma as olhma —alhta apquiltomjac.

SAN LUCAS 9:2

Apquilapajasquic alhta eliltimnacsic tasic amyaa Dios apquilnancascama. Apquilapajasquic alhta eltamilquiscomoc acmasca apyimpeoc.

SAN JUAN 4:34

Aptomjac alhta apquillhicmosa Jesús: —Eycaso actomja coo sictom. Altamjoc otnejic actomja apmayjayoclha Ingyapam aptomja seyapajascama. Altamjoc openasquisojoc aptamjaycam Ingyapam.

SAN JUAN 6:37

Jelyotac sat moclhama enlhit aptomja selmescama Tata coo. Molantipsejec sat moclhama enlhit aptomja selyoycta.

LOS HECHOS 28:31

Apquiltimnasamcaa alhta mataa tasic amyaa Dios apquilnancascama actemaclha mepqui apcay. Apquillhicmosquic alhta amyaa aplhenamap Jesucristo Visqui ingac mepqui alyascamalhma.

ROMANOS 10:14

Apquilyascacmec sat ancoc enlhitaoc, ¿apvancaa ya elilmalhnac Visqui ingac yoyam epasmoc? Am sat ancoc ellingac mocjam enlhitaoc apvisay Visqui ingac, ¿apvancaa ya melyascomoc Visqui ingac? Am sat ancoc copayesalhcac tasic amyaa, ¿apvancaa ya ellinga tasic amyaa?

ROMANOS 10:17

Incaymalhquic ongilaylhojo tasic amyaa yoyam coyiplovjoc mongyasquiyam. Incaymalhquic copayesalhcac tasic amyaa ayinyema Cristo yoyam ongilaylhojo.

ROMANOS 15:3

Am alhta najan emyovsacpo apanco Cristo. Intomjac nic nat Dios appayvam actemaclha aplhenacpo Cristo: “Aclingamcoc coo selpejescaycta selyamneycam enlhitaoc, aptomja alhta siclhoc lhip macyamneycam apmamyi” —nic nat intomjac.

2 TIMOTEO 4:2

Illhicmos sat lhip tasic amyaa. Ilinlhanmojo sat apquiltimnascama naysicsa apquiljalhenmo enlhitaoc najan naysicsa meljalhenmo. Illhicmos sat yoyam melyascamejec enlhitaoc. Ipeyvescasiclha sat apquiltemaclha najan iyascasingvom enlhitaoc najan ilpamejitsacpojo. Ilinlhanmojo sat apquillhicmoscama acvamlha apmopvan.

HEBREOS 4:16

Eycaso ayinyema ningmovan ongilyoclhojo apmaclha Dios aptomja Visqui apna netin aptajanem. Incaymalhquic ongilyoclhojo naysicsa mongyasquiyam acyiplom acpayjayclha ingvalhoc. Apquiltamjoc Dios jingimlimojo nincoo najan jingilpasmoc naysicsa ayaymomalhca asoc.