SAN LUCAS 8:15 - Enhlit Bible

¹⁵ Poc enlhit eyca acyitsomalhco mayinayclha actic actamila lhopactic. Apquillingac ancoc amyaa, yejemoc almam apquilvalhoc. Inlhamaclhec anco apyilhna enlhit actemaclha apquilinlhanyam —alhta aptomjac Jesús.

SAN LUCAS 8:15 Iomraidhean Croise

SALMOS 119:11

Yitnec acmam evalhoc lhip appayvam, yoyam mosilhnanalhquejec napato lhip.

SALMOS 51:10

Visqui ingac, itnesquis evalhoc yoyam cotnejic ayalhnayo. Itnesquis alhnancoc acyascamco anco evalhoc.

PROVERBIOS 3:1

Lhip sictamongvoyam: Iyiplovcasojo mataa actemaclha singiltamsoycaoc. Coyit mataa apvalhoc siyanamaclha coo.

JEREMÍAS 15:16

Acjalhnoc alhta mataa lhip appayvam sepamejitquiscama lhip. Inmec alhta evalhoc lhip appayvam naysicsa siyitsovascama, silancam coo seyasinancama lhip Visqui ingac apyimtalhnamo.

JEREMÍAS 31:33

Cotnejic sat pacto ningmiyovmalhca alhnancoc nipyesicsa enlhitaoc: Opquinic sat apquilvalhoc siyanamaclha coo, comoc sat apquilvalhoc, malha mactalhescama apquilvalhoc sat cotnejic. Otnejic sat Dios Visqui apancaoc, otnejic sat enlhit ajancaoc. Naso coo sicpayvam sicvisay Dios.

JEREMÍAS 32:29

Naysicsa apquilimpocjay elvitic sat talha apyovoclhojo tingma. Elmetic sat moclhama tingma netin, payjoc apquilvatnama quellhip asoc acmasis, yoyam colhic ayaco quilaycmasquiscama Baal najan macmescama uva ayingmenic acyitnamaclha quilaycmasquiscama acyitsomalhca dios. Apquiltemaclha apancaoc sevenéycam coo.

SAN MATEO 24:13

Apquilinlhanacmec sat ancoc enlhit actamongvomlha nelha, evomsacpoc sat tap.

SAN LUCAS 11:28

Apcatingmavoc alhta Jesús: —Apquilinyejemoc anco apquiltomja apquiljalhenmo najan apquilyiplovquiscama Dios appayvam —alhta aptomjac.

SAN LUCAS 6:45

Nintipcasquic altamila asoc ningiltomja ningiltamila. Altamila asoc innac ingvalhoc. Nintipcasquic ayasomco asoc ningiltomja ningilmasom. Ayasomco asoc innac ingvalhoc. Actemaclha ninlhanma mataa ayinyema ingvalhoc aclaneyo —alhta aptomjac Jesús.

SAN LUCAS 8:14

Poc enlhit acyitsomalhco mayinayclha actic naysicsa yammeyac. Apquillingac anco amyaa. Moc asoc eyca ayinyemaclha inquilvanatescacmoc amyaa: Asoc aclhanma apquilvalhoc lhalhma anco, najan acsilhnanoncama solyayem, najan ayitsepma apnenyaoc asoc acmasom. Coylhejec acyilhna apquilvalhoc enlhit.

SAN LUCAS 8:16

“Ningalevasquic sat ancoc calevascama, mongajapquiseje poco apyiviy. Monpiquineje coning ningyitnamaclha netin. Ninquilhanmec netin lha. Ongilvitangvotac sat ayitsayolhma ningilantalhningvoycta tingma.

SAN JUAN 14:15

‘Aptomjac alhta mocjam Jesús: —Nasoc sat ancoc apquiltomja selasicjayo quellhip, elyiplovcasojoc sat siyanamaclha.

SAN JUAN 15:10

Apquilyiplovcasquic sat ancoc siyanamaclha quellhip, elinlhanmojoc sat actemaclha silasicjayo. Acno coo lha. Acyiplovcasquic coo mataa apcanamaclha coo Tata. Alinlhanacmec coo mataa actemaclha seyasicjayo coo Tata.

ROMANOS 2:7

Apquilyiplovcasquic sat ancoc actemaclha actamila naysicsa apquiltingyey acyimnatem apnenyaoc, coyanmongentac sat. Eltimjic sat apquilyimtalhnamo ayinyema Dios najan colhic sat alaco najan ellhovac sat acyimnatem apnenyaoc cotmongvoycamlha nelha.

ROMANOS 6:22

Moc actemaclha quilhvo nac jay. Inmasquec actomja apquilmomap quellhip ayinyema melyascalhma. Quilhvoc apquiltomja Apvisqui apancaoc Dios yoyam elanam quellhip. Cotnejic sat yoyam eltimjic quellhip apquiltamila napato Dios. Ellhovac sat acyimnatem apnenyaoc cotmongvoycamlha nelha.

ROMANOS 7:18

Acyasamcoc coo, paj lhama sictemaclha ajanco actamila. Inlhenquic inyicje evalhoc yoyam oyiplovcasojo actemaclha actamila, am eyca oyiplovcasac mataa.

ROMANOS 7:4

Quellhip elyalhinga. Acno najan apquiltemaclha quellhip. Malha apquilitsepmo lhama alhta quellhip Cristo. Inmasquec aclhanma singascamaclha najan singanamaclha yoyam ongilyejiclhojo. Aplhaticjangvocmec alhta Cristo nipyesicsa apquilmasquingvaycmo. Quellhip apquiltomja apquilyipitcayo, malha acno moc alyiptetaclha yoyam elanam sat Dios.

ROMANOS 8:25

Asoc actomja aljalhneycam mongvanquejec ongvita quilhvo nac jay. Incaymalhquic ongilinlhanmojo ningiljalhanma, malha naysicsa singilipvoyam.

1 CORINTIOS 7:19

Intasic cotnejic ac maa asoc monquinatquiscama ingyimpejic, intasic najan mepqui asoc monquinatquiscama ingyimpejic. Eyca actamila anco actomja ningilyajayquiclho singanamaclha Dios, am colhnoc moc asoc.

EFESIOS 2:8

Lhama mocjam siclhanma: Apquilvomsomap tap quellhip ayinyema apcasicjayo Dios, ayinyema najan melyasquiyam quellhip. Jave apquiltimem apanco quellhip, eyca actomja singmescama Dios.

DEUTERONOMIO 30:6

Ellanac sat Dios apquilvalhoc quellhip monquinatquiscama pacto ningmiyovmalhca. Najan maa apquilvalhoc apquitquic. Elasicjojoc sat mataa Dios ayinyema, ayinyema apquilvalhoc najan apquilyimnatem quellhip. Colhic sat acyimnatem apnenyaoc quellhip.

FILIPENSES 1:11

Coyit apquilvalhoc actemaclha actamila ayinyema Jesucristo. Sat cotnejic malha acyilhna acnaclhamalhca. Colhic sat mataa ayaco Dios Ingyapam.

COLOSENSES 1:10

Coyiplovjoc sat apquiltamilcasomacpo apanco quellhip actemaclha apyisponcama Dios najan actemaclha yoyam colhic ayaco. Cotalhcac sat actemaclha apquilyiplovquiscama quellhip asoc altamila, malha ningvitay acyilhna. Coyangvomoc sat apquilyasingvoyam quellhip aptemaclha Dios Ingyapam.

COLOSENSES 1:6

Inlingalhquic lhalhma anco as amyaa nac jay, malha ningvitay acyilhna. Acno alhta siclhoc apquillingay quellhip lha tasic amyaa. Apquilyicpilcangvocmec alhta Dios apcaycaoc actomja nasoc anco.

HEBREOS 10:36

Incaymalhquic elinlhanmojo quellhip yoyam elyiplovcasojo actemaclha apmayjayoclha Dios yoyam najan ellhovac aplhanma Dios actomja nasoc anco.

HEBREOS 2:1

Incaymalhquic ongilinlhanmojo ningyiplovquiscama mataa appayvam ninlingay alhta nincoo yoyam mongillhinganmejec ningyiplom as amay.

SANTIAGO 1:4

Elinlhanmojo mataa quellhip naysicsa apquilyiplovquiscama. Eltimjic sat quellhip apquilpeyvomo najan mepqui lhama asoc ayaymomalhca.

1 SAN JUAN 2:3

Ningilyajaclhoc sat ancoc singanamaclha Dios, cotnatsalhquejec sat actemaclha ningyicpilcangviyam Dios.