SAN LUCAS 8:10 - Enhlit Bible

¹⁰ Apcatingmavoc alhta Jesús: —Apvancaac quellhip elyasingvomoc asoc acyilhamalhca Dios apquilnancascama. Eyca poc enlhitaoc eltimnasacpoc actemaclha sicyitquiscama. Elanojoc sat yicje, eyca melvityejec sat. Elaylhojoc sat yicje, eyca melyasingvomejec sat.

SAN LUCAS 8:10 Iomraidhean Croise

SALMOS 25:14

Aptimec mataa appasmeyquiclha Visqui ingac apquiltomja apquilayo. Colhic sat alyascasingvocmo apmayjayoclha.

ISAÍAS 29:14

Cotlapsic sat mataa enlhitaoc, apquilvita inlhojo sictimesquiscama coo. Comascoc sat apquiltemaclha apquilyascamco nipyesicsa as enlhitaoc — alhta aptomjac seyanya.

ISAÍAS 44:18

Am elyasingvocmoc mataa as enlhitaoc. Apquiltomjac malha mepqui apataoc. Am coyasingvocmoc mataa apquilvalhoc.

ISAÍAS 6:9

Aptomjac alhta mocjam seyanya: —Iyas sat maa. Itne sat ingyanic as enlhitaoc: Elaylhojoc sat inyicje melyasingvomejec sat quellhip. Elanojoc sat inyicje, melyicpilcangvomejec sat quellhip — sat itne ingyanic.

JEREMÍAS 5:21

Quip elaylhojo quellhip alyeyjamelhma, acnaycaoc apataoc najan apjaycaoc, apquiltomja eyca melvitay olhma najan mellingay olhma.

EZEQUIEL 12:2

Lhip enlhit, aptiyascam nac lhip nipyesicsa apnaymacoc apquilmapsomcaa. Apataoc innac, apquiltomja eyca melvitayclho olhma. Apjaycaoc innac, apquiltomja eyca melingay olhma, ayinyema apquiltemaclha apancaoc apquilmapsomcaa.

SAN MATEO 11:25

Yejemoc alhta aptomja apquilmalhna Jesús: —Ingyapam netin (coo Tata), lhip nac Visqui netin najan as nalhpop. Inlhenquic coo evalhoc lhip. Apyilhascasquic lhip as asoc enlhitaoc apquilyascamco lhalhma anco (najan enlhit acma apvalhoc). Am eyilhascasac lhip as asoc enlhit melyascamco malha sicaa.

SAN MATEO 16:17

Aptomjac alhta Jesús apcanya Pedro: —Apquilinyejemo nac lhip Simón, Jonás apquitca. Am conyemac enlhit apyasingvoyam lhip as asoc. Coo Tata apna netin eyca aptomja apyascasingviyam.

SAN MARCOS 4:11

Apcatingmavoc alhta Jesús: —Apvancaac quellhip elyasingvomoc asoc acyilhamalhca Dios apquilnancascama. Eyca enlhit melpalhaviyam eltimnasacpoc actemaclha sicyitquiscama.

SAN MARCOS 4:12

Elanojoc sat yicje, eyca melvityejec sat. Elaylhojoc sat yicje, eyca melyasingvomejec sat. Melyanmongsejec sat apquilvalhoc, colmascosalhquejec sat melyascalhma.

SAN JUAN 12:40

Inquilmec apataoc enlhitaoc ayinyema Dios Ingyapam. Apquilyimtalhnescasquic Dios Ingyapam apquilvalhoc enlhitaoc. Apquiltamjoc Dios Ingyapam, yoyam melvityeje olhma enlhit acna apataoc. Apquiltamjoc najan, yoyam colhenejec apquilvalhoc elyasingvomoc amyaa. Yoyam colhenejec apquilvalhoc enlhitaoc elyanmongsic moc apquilvalhoc, yoyam eltamalvomoc ayinyema siltamilquisquiyam —nic nat intomjac appayvam.

ROMANOS 16:25

Pac ontimjic ningayo Dios. Apvanquic eyimnaticsojoc apquilvalhoc quellhip ayinyema tasic amyaa aplhenamap Jesucristo. Eycaso apquillinga alhta quellhip siclingascama coo nipyesicsa. Asoc actomja acyilhomalhca ayenmoclha siclhoc anco aptomja singillhicmoscama Cristo.

1 CORINTIOS 12:11

Eycaso aclhamoclhojo ningmovan ayinyema apvamlha lhama Espíritu apanco Dios. Ingilmasquic Espíritu apanco Dios moclhama nincoo actemaclha apquiltamjoclha jingilmesic.

DEUTERONOMIO 29:4

Am alhta elyasingvocmoc quellhip aptomjaclha Dios.

COLOSENSES 2:2

Altamjoc coo mataa yoyam colyimnac acliclamo apquilvalhoc. Yoyam eltimjic lhama apquilpasmeyquiclha. Yoyam najan elyasingvomoc actemaclha cotlaycaoc asoc altamila, acvisay asoc acyilhomalhca ayinyema Dios. Eycaso apvisay Cristo.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.