SAN LUCAS 7:41 - Enhlit Bible

⁴¹ Apquiltimnasquic alhta Jesús: —Apquilmaycaoc nic nat solyayem apcanit enlhit. Lhama enlhit apmec nic nat quinientos solyayem. Poc eyca apmam cincuenta.

SAN LUCAS 7:41 Iomraidhean Croise

ISAÍAS 50:1

Aptomjac mocjam Visqui ingac: Quellhip apquilanem sicyamasma coo israelitas, acvisay quellhip inquin sicyamasma coo — intomjac acyitsomalhca. Mocjam amyaa apquilanem quellhip: Coo silhacjam quellhip apquilvisay eyitquic, acyanmongam solyayem, yoyam omascocsic sicmaycaoc nasa — apquiltomjac quellhip. Elyasamcojo quellhip: Apquillingamcoc quellhip mactovascama ayinyema apquilsilhnanomap apanco quellhip. Inyinyovalhquic inquin quellhip, apquilvisay israelitas, ayinyema selvenéycam najan selinmelhaycam coo.

JEREMÍAS 3:11

Aptomjac mocjam Visqui ingac seyanya: Asilhtec apquilsilhnanomap apanco israelitas, avanjec eyca apquilsilhnanomap apanco co Judá — alhta aptomjac.

NÚMEROS 27:3

Apquitsepquic alhta tata ingac yoclhilhma actamopeycaoc, jave appasmeyquiclha alhta Coré, apquilinmelhaycam Dios. Apquitsepquic alhta ayinyema meyascalhma apanco. Mepqui alhta apquitquic apquilinava tata ninga.

SAN MATEO 18:28

Yejemoc nic nat aplhinga as apquilancam. Aptajanyavoc poc aptamjaycamo lhama aptomja apmaycaoc cien solyayem. Yejemoc nic nat aplova apvisqui apquilancam. Appatjitquic nic nat apyispoc aptamjaycamo lhama. Aptomjac nic nat apvisqui apquilancam apcanya aptamjaycamo lhama: “¡Jelmes solyayem acyanmongam semaycaoc nasa alhta!” —nic nat aptomjac.

SAN MATEO 6:12

Imascos mongyascalhma. Ayinyemaclha ningasicjaclhec nincoo lha aptomja singinmelhaycam.

SAN MARCOS 6:37

Apcatingmavoc alhta Jesús: —Elmesaoc sat aptoycaoc quellhip. Apquilpamejitsa alhta eyca: —¿Pa ya ontingyangvoclhac quilpasmongam natingma ongilyanmongsic doscientos solyayem, yoyam ongilmesic aptoycaoc? —alhta apquiltomjac.

SAN LUCAS 11:4

Imascos ningsilhnanomalhca inganco, ayinyemaclha ningasicjaclhec nincoo lha aptomja singinmelhaycam. Nongyane nasa ongilyejiclhojo singyipconma. Jingmiyov nincoo naysicsa acvoyá somquic quilyicjamo —alhta aptomjac apquillhicmosa.

SAN LUCAS 12:48

Eyca poc apquilancam meyascamco apmayjayoclha apvisqui pac. Am sat ancoc elyajaclhac apcanyaclha elana, casilhtojoc sat acmasca acyanmongayclha. Inlhamaclhec sat ancoc asoc apmesomap enlhit, colhamojoc sat najan actingyamalhca asoc apnaclha. Inlhamaclhec sat ancoc asoc apcanyomap etamilsic enlhit, coyangvomoc sat actingyamalhca asoc apnaclha.

SAN LUCAS 13:4

Najan maa dieciocho enlhit alhta apcapma tingma apyananma co Siloé. Apquilitsepquic alhta. ¿Apquilanayqui ya quellhip acyiviy anco melyascalhma as enlhitaoc, melhno apnaymacoc co Jerusalén?

SAN LUCAS 7:40

Yejemoc alhta aptomjac apcanya Jesús: —Simón, yitnec coo amyaa, yoyam oltimnacsic lhip —alhta aptomjac. Apcatingmavoc alhta fariseo: —Visqui, jeltimnas —alhta aptomjac.

SAN LUCAS 7:47

Actomjac coo siyanya lhip: —Avanjec anco ayasicjayo, ayinyemaclha acmascosalhco aclhamoclhojo coyascalhma as quilvana. Inmascosalhquic sat ancoc quitsic mongilyascalhma, coyavejec sat najan ningasicjayo.

ROMANOS 3:23

Apquilanomacpo apquiltomja apquilsilhnanomap ayinyema melyascalhma. Colapvanquejec apanco eltimjic apquilpeyvomo napato Dios.

ROMANOS 5:20

Invaac nic nat singanamaclha yoyam coyangvomoc acvitomalhca actemaclha mongilyascalhma. Avanjec anco actemaclha singmescama nasa Dios, am colhno aclhamocma actemaclha mongilyascalhma.