SAN LUCAS 7:16 - Enhlit Bible

¹⁶ Apquilacac aplhamoclhojo enlhit. Apquilacoc alhta Dios Ingyapam. Apquilpamejitsa alhta: —Ingilpalhavac nincoo profeta apvanyam Dios aplingascama. Apquilpamejitsa mocjam: —Apvaac Dios Ingyapam, yoyam epasmoc enlhitaoc —alhta apquiltomjac.

SAN LUCAS 7:16 Iomraidhean Croise

SALMOS 65:9

Lhip aptomja aptamilquiscama as nalhpop apquilmescama asoc. Apcapajascama acmamay najan apyilhnescama acyilhna. Malha vatsam acyeniyam intomjaclhac yingmin. Apquictincasquic lhip ninganma, singmescama acyilhna.

ÉXODO 4:31

Am nic nat elyascacmoc israelitas apquillinga appayvam. Nasoc anco apyascamco Dios Visqui apancaoc actemaclha apquillingaycamco siclho acyimtalhnama. Apquiljalhec nic nat alticlhicvocmo payjaclha napataa nalhpop, apquilayo Visqui apyimtalhnamo.

JEREMÍAS 33:9

Copayjiclhac sat mocjam evalhoc, sicvita inlhojo co Jerusalén apquiltemaclha selayo napatavo enlhitaoc lhalhma anco. Colpilhyinamoc sat apquilvalhoc enlhitaoc, apquilvita inlhojo siyaycaoc asoc altamila najan sicmasma apyovoclhojo tingma Jerusalén — alhta aptomjac Visqui ingac.

SAN MATEO 15:31

Pilapcasquic alhta enlhitaoc apquilvita apquiltamilquisquiyam. Intepeclhec alhta apquilpayvam enlhit mepqui apquilpayvam. Apquilpeyveclhec alhta enlhit apquiljalhaycam. Inquiltamilaclhec alhta apquillhingam enlhit apquilyateyaycam. Innaclhec alhta mocjam apataoc enlhit mepqui apataoc. Innec alhta ayaco Dios Visqui apancaoc enlhitaoc Israel.

SAN MATEO 21:11

Apquiltamjoc alhta enlhitaoc: —Jesús nac, profeta Dios aplingascama. Tingma pac Nazaret yoclhilhma Galilea —alhta apquiltomjac.

SAN MATEO 28:8

Inquiltajavoc alhta mocjam quilvanaa. Inquilacac alhta siclho, inquilitsovasoc najan. Innateymaoclhec alhta, yoyam coltimnasquiclha amyaa apquiltamsoycaoc.

SAN MATEO 9:8

Apcacpec alhta apvitacpo. Apquilacoc alhta enlhitaoc Dios Ingyapam aptomja apquilmopvanesquiscama enlhit.

SAN LUCAS 1:65

Pilapcasquic alhta enlhit apnaycam nipyava. Inlingalhquic alhta amyaa yoclhilhma acma inquilha acvisay Judea.

SAN LUCAS 1:68

Aptasi nac Visqui ingac, Israel Dios apancaoc. Apvaac ningyesicsa ningiltomja enlhit apancaoc. Ingiljalhyovascasquic ningilpilhtetomalhca.

SAN LUCAS 19:44

Elyinjacpoc sat lhop quellhip. Esovjacpojoc sat eticyo quellhip. Mengyaymacpejec sat lhama mataymong tacjalhit moc. Quellhip ayinyemaclha melyasamco acvamlha acnim, yoyam etnejic maycaa Dios Ingyapam nipyesicsa quellhip —alhta aptomjac.

SAN LUCAS 2:20

Yejemoc alhta apquilvonquepaclho quilancam nipquesic. Apquilacavoc alhta Dios. Inlhenquic alhta apquilvalhoc asoc actomja apquilvitay najan apquillingay. Innoc alhta actomjaclha amyaa apquilanyomacpo.

SAN LUCAS 24:19

Aptomjac alhta apquilanya Jesús: —¿Soc lha asoc qui? —alhta aptomjac. Apquilatingmavoc alhta: —Jesús co Nazaret alhta. Profeta apyimtalhnamo alhta Dios aplingascama. Apmopvan aptamjaycam alhta najan apquiltimnaycam napato Dios najan napatavo enlhitaoc.

SAN LUCAS 5:26

Pilapcasquic alhta apvitacpo. Apquilacoc alhta Dios Ingyapam. Apquilangvocmec alhta as enlhitaoc: —Ningvitac lhac asoc mongvitayac incotnejic actema nac lha —alhta apquiltomjac.

SAN LUCAS 5:8

Lhama alhta apvita Simón Pedro. Apquilticlhicvocmo alhta aptapnaoc apnaclha Jesús, appamejitsa: —Visqui, jeyinyov sat coo. Esomqui nac coo —alhta aptomjac.

SAN LUCAS 7:15

Yejemoc alhta aplhaticja apquitsepma. Apnaclhec alhta netin. Inyiplacmoc alhta appayvam. Aptomjac alhta apcanya inquin: Coyantemiclha sat ayitca —alhta aptomjac Jesús.

SAN LUCAS 7:39

Lhama alhta apvita fariseo actomjaclha quilvana. Yejemoc alhta alquitama apvalhoc fariseo apcanem etasomoc: “Jave nac profeta Dios aplingascama as enlhit. Aptomjac ancoc profeta, eyicpilcojoc as quilvana acmangvavo nac. Quilvana coyascalhma nac lha” —alhta intomjac apvalhoc.

SAN LUCAS 8:37

Apquilacac alhta aplhamoclhojo enlhit yoclhilhma Gerasa. Apquilpamejitsa alhta Jesús apcanyacpo etyapoc as yoclhilhma. Apquinamtec alhta barco Jesús aptajaclho mocjam.

SAN LUCAS 9:19

Apquilatingmavoc alhta apquiltamsoycaoc: —Juan yapasquiscama yingmin inyap apcanyacpoc. Poc eyca apquiltomja Elías. Poc eyca apquiltomjac apquillhena profeta nano, Dios aplingascama aplhaticjangviyam —alhta apquiltomjac.

SAN JUAN 1:21

Apquiltomjac alhta mocjam apquilanya: —¿Soc enlhit lhip qui? ¿Naso ya lhquip Elías profeta Dios aplingascama? —alhta apquiltomjac. Apcatingmavoc alhta Juan: —Jave coo —alhta aptomjac. Natamin apquililmalhnaclho alhta mocjam: —¿Naso ya lhquip profeta aplhenamap yoyam eva? —alhta apquiltomjac. Apcatingmavoc alhta: —Jave coo —alhta aptomjac.

SAN JUAN 1:25

Apquiltomjac alhta apquilanya Juan: —¿Soctomja apyapascasamco nac lhip yingmin? Jave nac lhip Cristo, jave najan Elías, jave najan profeta aplhenamap —alhta apquiltomjac.

SAN JUAN 4:19

Lhama alhta aclinga appayvam. Intomjac alhta ayanya: —Visqui acyicpilcangvocmec lhip. Profeta nac lhip Dios aplingascama —alhta intomjac.

SAN JUAN 6:14

Lhama alhta apquilvita enlhitaoc aptamjaycam sinpilapquiscama. Apquiltomjac alhta enlhitaoc: —Naso nac aptomja profeta Dios aplingascama aplhenamap, yoyam evac as nalhpop —alhta apquiltomjac.

SAN JUAN 9:17

Apquiltomjac alhta mocjam apquilanya enlhit aptamalviyam: —¿Co lhcac aptomja apcanya lhip enlhit aptomja aptamilquisquiyam apataoc? —alhta apquiltomjac. Apcatingmavoc alhta aptamalviyam: —Ayanayc coo profeta, Dios aplingascama —alhta aptomjac.

LOS HECHOS 5:5

Lhama alhta aplinga appayvam Ananías. Yejemoc alhta apquilpolintamo apquitsepa. Apquilacac alhta aplhamoclhojo enlhitaoc apquillinga amyaa.

LOS HECHOS 7:37

Apquilpamejitcasquic nic nat Moisés enlhitaoc Israel: “Nipyesicsa apnaymacoc sat ingyinyema profeta Dios aplingascama. Colhojoc sat setnesquiscama coo Dios Visqui ingac. Elaylhojo sat mataa actemaclha appayvam” —nic nat aptomjac.

GALATAS 1:24

Apquilacoc alhta Dios apmopvan aptamjaycam sellhena coo.

DEUTERONOMIO 18:15

Ingyanic sat Dios, elhic sat lhama profeta sicno coo nipyesicsa quellhip, ellaylhojo sat mataa appayvam.