SAN LUCAS 7:13 - Enhlit Bible

¹³ Lhama alhta apvita Visqui ingac. Apyovsec alhta apquilano. Aptomjac alhta apcanya: —Noncovin nasa —alhta aptomjac.

SAN LUCAS 7:13 Iomraidhean Croise

SALMOS 103:13

Avanjec anco singilasicjayo ningiltomja ningilayo. Malha apyap apquilasicjayo apquitquic.

SALMOS 86:15

Lhip eyca Visqui ajac. Aptomja seyasicjayo najan seyimlaycmo. Actamila anco apvalhoc lhip najan aplhanma mepqui apyeycajascaoc.

SALMOS 86:5

Aptasi nac lhip Visqui ingac. Aptomjac singasicjayclha mocjam. Avanjec lhip apquilasicjayo. Apvita inlhojo apquilmalhnancama enlhit.

ISAÍAS 63:9

Jave ilhnic nat ángel, yoyam elvomsic tap. Dios Apyimtalhnamo aptomja apquilvomquiscama tap. Aptomjac nic nat apquilmasma enlhitaoc, ayinyema aptemaclha apcasicjayo najan apcamliyam. Apquinimcasquic nic nat netin, apcaynec nic nat mataa apnaymacoc.

JEREMÍAS 31:20

Malha sictamongvoyam siyasicjayo apquilvisay co Efraín, avanjec siyasicjayo. Inlhenquic mataa evalhoc sicvita sictamongvoyam, intamjam coo evalhoc: opasmoc sat quilhvo nac jay — intomjac evalhoc. Eycaso sicpayvam sicvisay Visqui — alhta aptomjac.

SAN MARCOS 8:2

—Ayovsec silano as enlhitaoc. Natqui acnim inyicje intomjac selyiploycam mepqui aptoycaoc.

SAN LUCAS 10:1

Natamin alhta apquilyacyesa Visqui ingac mocjam setenta apquiltamsoycaoc. Apquilapajasquic alhta moc apcanita. Apquilapajasquic alhta natingma lhalhma anco yavamlha eyacsic.

SAN LUCAS 11:1

Yoclhilhma apvoycamlha alhta apquilmalhna Jesús Ingyapam. Natamin apquilmalhnancama aptomjac apcanya lhama apquiltamescama: —Visqui, jingillhicmos nincoo actemaclha ningilmalhnancama. Acno Juan alhta apquillhicmoscama apquiltamsoycaoc —alhta aptomjac.

SAN LUCAS 11:39

Aptomjac alhta apquilanya Jesús: —Quellhip fariseos. Apquiljalhyovasqui inyicje ayimpeoc ingjaycoc najan asoc payjem. Asomqui eyca apquilvalhoc quellhip. Lanoc apquilvalhoc apquilminyilhma najan apquiltemaclha acmasom.

SAN LUCAS 12:42

Apcatingmavoc alhta Jesús: —¿Apne ya nipyesicsa quellhip lhama enlhit apyitsomacpo mayordomo? Aptema nac mayordomo apquilyajayquiclho najan apyascamco. Aptomja apcanem apvisqui etamilsic tingma pac. Aptema laa apmilasictem aptoycaoc apquilancam.

SAN LUCAS 13:15

Apcatingmavoc alhta Jesús: —Enlhit apquilaycmascam nac quellhip. ¿Apquiljalhyovasqui ya quellhip tama apnatoscama acnim ninnayclha, yoyam elyajamsic?

SAN LUCAS 17:5

Apquiltomjac alhta apquiltamsoycaoc (apóstoles apquilapajasomap) apquilanya Jesús Visqui ingac: —Iyancasojo sat mongyasquiyam —alhta apquiltomjac.

SAN LUCAS 17:6

Apcatingmavoc alhta Visqui ingac: —Yitnec sat ancoc melyasquiyam quellhip acno mosiyov actic, elapvanic sat eltimjic elanic as yamit acma acyilhna: “Coyinyov ayimjaclha, cotningvom nayingmin.” Yejemoc sat colyejiclhojoc quellhip yamit —alhta aptomjac.

SAN LUCAS 18:6

Aptomjac alhta Visqui ingac: —Apquillingac lhac quellhip actemaclha appayvam singyicpilquemo apmapsom —alhta aptomjac.

SAN LUCAS 19:8

Yejemoc alhta apquiningvoclho Zaqueo apnaclha Jesús, aptomjac alhta: —Visqui, quip ilanojo. Pac omlascoc nalhit silnatam enlhit mepqui apquilnatam. Ayajemo alhta silyinimcascam enaymacoc, cuatro sat otnejic acyanmongayclha —alhta aptomjac.

SAN LUCAS 22:61

Yejemoc alhta appaycacpo Jesús. Apquinmelhavoc alhta apquinmamcaclha Pedro. Yejemoc alhta appeyvaseclho aptomjaclha alhta Jesús appayvam aplhanma: “Yicpintama copayo tataa alhtaa nac jay, natqui apyinimquiscama sat etnejic lhip, melhanma sicvisay.”

SAN LUCAS 24:3

Yejemoc alhta alantalhna tacjalhop. Am alhta colvitac apquitsepma.

SAN LUCAS 24:34

Apquililtimnam alhta apóstoles apquilapajasomap: —Nasoc aplhaticjangvocmo Visqui ingac. Simón lhac apvitay —alhta apquiltomjac.

SAN LUCAS 7:12

Lhama alhta apcamquitvocmo apatong tingma. Aptajanyavo alhta apquilpatmeyam enlhit apquitsepma, yoyam elatongnic. Tampeyi alhta ayitca. Lhama apanco alhta ayitca. Allhalhmaa alhta aplhamoclhojo enlhit.

SAN LUCAS 7:14

Yejemoc alhta apyipitcangvocmo yamit aysicsic, appatningvocmo alhta. Yejemoc alhta apcanvocmo aptomja apquilpatmeyam. Aptomjac alhta apcanya Jesús: —Enlhit apquitcoc, actomjac coo siyanya lhip: Ilhaticja —alhta aptomjac.

SAN LUCAS 7:19

Apquilapajasa alhta apnaclha Visqui ingac. Eltime sat elanic quellhip: —¿Lhip ya aplhenacpo alhta, yoyam eva, inlhoyqui laa ongilaylhic sat poc? —alhta aptomjac Juan.

SAN LUCAS 8:52

Inyapcalhalhquic alhta. Inquilinlhacmec alhta. Aptomjac alhta apcanya Jesús: —Noncolinlhama nasa. Am cotsepac quilvana ayitcoc, intinquic anco —alhta aptomjac.

SAN JUAN 11:2

Eycaso quilvana acvisay María, actomja ayatsisquiscama alhta asoc masis apmancoc Visqui ingac. Inlicasquic alhta najan naváyc ava apmancoc. Ningmasquem alhta intomjac inyalhing Lázaro.

SAN JUAN 11:3

Inquilapajasquic alhta amyaa Lázaro apquilyalho, yoyam colhic altimnasa Jesús: —Visqui, ningmasquem lhac intomjac lhip aptimem poc —alhta intomjac amyaa apcanyacpo.

SAN JUAN 20:13

Apquiltomjac alhta ángeles apquilanya quilvana: —Lhiya, ¿soctomja acvina nac lhiya? —alhta apquiltomjac. Incatingmavoc alhta quilvana: —Apminyilhacpec coo Visqui ajac. Am oyasamcoc apquilpicanvomlha —alhta intomjac.

SAN JUAN 20:15

Aptomjac alhta Jesús apcanya quilvana: —Lhiya, ¿soctomja acvina nac lhiya? ¿Soc ayitama yi? —alhta aptomjac. Incanayquic alhta quilvana aptomja aptamilquiscama amyip. Intomjac alhta quilvana ayanya Jesús: —¿Apsaclhe ya lhquip, Visqui? Jeltimnas sat appicanvomlha, yoyam ovoclhac sat coo —alhta intomjac.

SAN JUAN 4:1

Apquilyasingvocmec alhta fariseos actemaclha Jesús aplhamasayclha apquillhalhmaa melhno Juan. Najan apquilyapascascaoc yingmin aplhamoclhojo enlhit melhno Juan.

SAN JUAN 6:23

Yejemoc alhta alvactamo moc barco. Tingma Tiberias alhta inquilinyectac. Inquilvoctac alhta barco aptomacpilha quilpasmongam, acpayjo aptemaclha gracias alhta Jesús.

1 CORINTIOS 7:30

Enlhit apquiltomja apyipcalhem: eltime sat malha mepqui acyitnocjayo apquilvalhoc. Enlhit apquiltomja apquilitsovascama: eltime sat malha mepqui acpayjayclha apquilvalhoc. Enlhit apquiltomja apquilmam asoc: eltime sat malha cotnaja apancaoc asoc apquilmam.

1 TESALONICENSES 4:13

Quellhip ingilyalhinga. Ningiltamjoc ongilyascasingvomoc quellhip apquiltemaclha apquilmasquingvaycmo alhta. Yoyam coyitnocjejec apquilvalhoc quellhip aptema nac poc enlhitaoc mepqui aljalhneycam apquilvalhoc.

HEBREOS 2:17

Incaymalhquic alhta Jesús etniclhac enlhit apanco apno apquilyalhinga. Yoyam etnejic apquimlaycmo nipyesicsa. Yoyam najan etnejic Dios apquilancam apyimtalhnamo. Yoyam emascocsic melyascalhma enlhitaoc.

HEBREOS 4:15

Apvanquic Jesús jinglingamcojoc lhama naysicsa mepqui ningilyimnatem yoyam jingimlimojo. Innec alhta acyicpilco Jesús ningnoc nincoo lha. Am alhta eyca coyitnac meyascalhma Jesús.

JUECES 10:16

Apquilvatsamquic nic nat israelitas eltimjic apquilayo quilaycmasquiscama. Apquilpayquimcasquic nic nat apquilvalhoc, yoyam eltimjic apquilayo Dios Visqui ingac. Am nic nat colcac apvalhoc Dios, apvita inlhojo apquillingaycamco acyimtalhnama israelitas.