SAN LUCAS 6:45 - Enhlit Bible

⁴⁵ Nintipcasquic altamila asoc ningiltomja ningiltamila. Altamila asoc innac ingvalhoc. Nintipcasquic ayasomco asoc ningiltomja ningilmasom. Ayasomco asoc innac ingvalhoc. Actemaclha ninlhanma mataa ayinyema ingvalhoc aclaneyo —alhta aptomjac Jesús.

SAN LUCAS 6:45 Iomraidhean Croise

SALMOS 140:5

Apquillanay quiljanma, yoyam jelmoc as enlhitaoc ayajamalhco apquilvalhoc. Apquillanay quiljanma yamyamayin najan yamtama, yoyam jelmoc coo. Apquillanay quiljanma amay siclhingam coo, yoyam jelmoc.

SALMOS 59:12

Avanjec mataa apquilsilhnanomap apanco ayinyema apquilpayvam. Ayinyema apquiltemaclha apquilyimtalhnesomacpo apanco.

SALMOS 59:7

Somcoc mataa apquilpayvam. Malha actiyapma aymanong simjing aclom. Intomjac mataa apquilvalhoc: —Paj lhama eyasamcoc nintemaclha — intomjac apquilvalhoc.

PROVERBIOS 12:18

Asquejec mataa poc enlhit appayvam, malha sovo acyimsascama. Actamilquisquiyam ingvalhoc ayinyema appayvam enlhit acyascamco apvalhoc.

PROVERBIOS 15:23

Payjeclhec ingilvalhoc ningiltimnasa enlhit yavamlha etnejic, singilmalhneclho inlhojo. Actamila anco acvamlha appayvam comoc ingvalhoc, najan acvamlha hora, yoyam comoc ingvalhoc.

PROVERBIOS 4:23

Itamilsojo sat lhip apvalhoc, yoyam cosilhnanalhquejec sat. Ongmiyovalhcac sat mataa, ayinyema actamilaycam ingvalhoc.

SAN JUAN 7:38

Elyinaoc sat apquiltomja mejelyasquiyam coo. Innoc actemaclha aclhanma Dios appayvam actalhesomalhca: Cotyapoc sat apquilvalhoc yingmin almilaneycaoc malha vatsam —alhta aptomjac.

LOS HECHOS 5:3

Aptomjac alhta apcanya Pedro: —Ananías, ¿soctomja actalhna nac apvalhoc yavey Satanás? Apquiltamjoc lhip eyinimsam Espíritu Santo. Apmiyovquic lhip nicja solyayem acyanmongam apquilcacjam pac.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

EFESIOS 4:29

Noelpametam nasa acmasom apquilpayvam. Elpametam mataa actamila apquilpayvam yoyam comoc apquilvalhoc apquiltomja apquillingay.

EFESIOS 5:19

Elpamejitsacpojo sat quellhip ellhenic salmos najan ningminaycmascama altamila najan ningminaycmascama actemaclha ningayo Dios. Yoyam colpayjiclha apquilvalhoc naysicsa apquilminaycmascama najan naysicsa apquilpayvascama napato Visqui ingac.

COLOSENSES 3:16

Elane sat coyangvomoc allheneycam apquilvalhoc Jesucristo appayvam nipyesicsa quellhip. Ellhicmosacpojo sat nipyesicsa quellhip actemaclha apquilyascamco. Elpasim sat mataa poc. Elminaycmas sat mataa actemaclha apquilayo Dios. Elminaycmas sat ningminaycmascama alvisay salmos najan alvisay himnos najan actemaclha ningayo Dios. Collhen sat mataa apquilvalhoc Dios naysicsa apquilminaycmascama. Ayinyemaclha apquillhocac quellhip Dios apcaycaoc.

COLOSENSES 4:6

Elpamejitquis sat mataa poc actemaclha yoyam coyispalhcac sat apquiltemaclha quellhip. Cotnejic sat malha nintom ningincajay yasic. Elyasamcojoc sat quellhip actemaclha yoyam elatingmojo moclhama enlhit aptomja apquilmalhnaycam.

HEBREOS 8:10

Nalhit acnim sat otnescasiclhac monquinatquiscama sicmayjayoclha siclhanma alhnancoc nipyesicsa Israel apmolhama. Aptomjac alhta Dios Visqui ingac: Eycaso cotnejic sat monquinatquiscama sicmayjayoclha siclhanma alhnancoc: Opquinic sat apquilvalhoc enlhitaoc siyanamaclha ajanco. Otalhocsic sat apquilvalhoc enlhitaoc siyanamaclha ajanco. Otnejic sat sicvamlha Dios Visqui apancaoc. Coo sat otnejic enlhit ajancaoc.

SAN JUDAS 1:15

Yoyam colhic alyicpilco siclho aplhamoclhojo enlhitaoc. Yoyam elnatovasacpoc aplhamoclhojo apquilmapsomcaa, actemaclha acyanmongayclha apquiltemaclha almasomcaa. Actemaclha acyanmongayclha apquiltipquiscascam apvisay Visqui ingac. Actemaclha acyanmongayclha apquilyamneycam as enlhitaoc apquiltamongvaycmolhma” —nic nat aptomjac Enoc.