SAN LUCAS 6:35 - Enhlit Bible

³⁵ Nincoo eyca, pac ongilasicjojo cotnaja ingmoc. Pac ongimlimojo najan ongmesic asoc inganco apmaycaoc poc enlhit. Colhenejec sat ingvalhoc acyanmongayclha. Avanjec sat cotnejic acyanmongam netin. Ontimjic sat nincoo Dios Ingyapam netin apquitquic. Apquimlaycmojo mataa enlhit colhanma apquilvalhoc najan apquilmapsomcaa.

SAN LUCAS 6:35 Iomraidhean Croise

SALMOS 112:5

Mepqui ningmasma ongimlimojoc mataa poc. Cotnejic sat nintemaclha nimpeyvomo aclhamoclhojo acnim.

SALMOS 145:9

Visqui ingac aptomja apquilasicjayo aplhamoclhojo enlhitaoc. Aptomja apcasicjayo aclhamoclhojo asoc apquilantipquiscama nic nat.

SALMOS 37:26

Am emyavac mataa asoc, apquimlacmoc mataa poc. Apquilpayesayclha apvalhoc poc apquiltomjac mataa apquitquic.

SALMOS 58:11

Onlingac sat amyaa: —Ongillhocac sat acyanmongam ningilvisay ningilpeyvomo — sat cotnejic amyaa. Naso, Dios Visqui ingac aptomja apyicpilquemo appeyvomo as nalhpop.

PROVERBIOS 19:17

Nintemaclha ningamliyam enlhit mepqui asoc, colhojoc sat ningamliyam Dios. Ongillhocac sat acyanmongam, singilmesa Dios.

PROVERBIOS 22:9

Colhic sat singaco ayinyema ningamliyam ingmoc, acyitna inlhojo ningmilasictem nintom nipyesicsa mepqui asoc.

SAN MATEO 5:9

‘Apquilinyejemoc anco enlhit apcasicjascaseyquiclho poc. Eltamjacpoc sat apquilvisay Dios apquitquic.

SAN MARCOS 5:7

Aptomjac alhta apquilpalhamamcaa: —Jesús, Dios Ingyapam Netin Apquitca. ¿Soc pa jetnesquisic coo? Pac olmalhnac lhip napato Dios, yoyam mejetvacseje —alhta aptomjac.

SAN LUCAS 1:32

Etnejic sat apyimtalhnamo. Iltamjacpoc sat Visqui Netin Apquitca. Dios Ingyapam sat etnesquisic apvisqui apno nic nat apyeyjamcaa David.

SAN LUCAS 6:36

Pac ongimlimojo poc enlhit, ongnasojoc Ingyapam singimlaycmojo.

SAN JUAN 13:35

Apquilasicjacpoc sat ancoc nipyesicsa quellhip, melquinatsejec sat enlhit lhalhma anco apquiltomja quellhip siltamsoycaoc —alhta aptomjac Jesús.

SAN JUAN 15:8

Inlhamaclhec sat ancoc apyilhna quellhip, colhic sat ayaco coo Tata. Eltimjic sat quellhip siltamsoycaoc ajanco.

LOS HECHOS 14:17

Inlingasalhquic nic nat mataa aptemaclha apanco Dios Ingyapam nipyesicsa enlhitaoc. Ayinyema ilhnic nat apmescama mataa asoc altamila. Ingmesquic mataa acmamay najan cotlaycaoc acyilhna. Apquilpayesaclhec mataa ingilvalhoc singmesa nintoycaoc acmenmalhem najan asoc, yoyam ongilitsovacsojo —alhta apquiltomjac Pablo najan Bernabé.

2 CORINTIOS 8:9

Apquilyasamcoc quellhip actemaclha singilasicjayo Jesucristo Visqui ingac. Cotlaycaoc nic nat apquilnatam Visqui ingac. Apyinyovquic nic nat apquilnatam. Aptomjac nic nat mepqui asoc yoyam eltimjic quellhip malha acma apquilnatam, ayinyema mepqui asoc Visqui ingac.

2 TIMOTEO 3:2

Sat cotnejic apquiltemaclha apancaoc enlhitaoc yoyam eltimjic mataa apquilmasma asoc, yoyam najan cotsapoc apnenyaoc solyayem. Eltimjic sat apquilajamacpo apanco najan apquilyimtalhnesomacpo apanco. Eltimjic sat apquilvinéycam incanayc, eltimjic melilyajayquiclho. Elvinam sat actemaclha singapeycam. Eltimjic sat apquilvinéycam Dios.